NAM PARA WENE 1:1 - Nanduk Ngget Tul Pidnak Wene

¹ Engga yu arem-e Yesus Kerisut-nen abok-nen kwat momtak mende nam tak pidnak wene mbarak worasu-o. Nde, yanem-et kwat ma mende iri-ge Mbal Pem Nagawan-nen at ndegel ubugwi nap mirik unpuwakluk, Kerisut wok tij-o. Nde, Kerisut-nen-e kwat ma mende iri na-ge at ndegel oboso nap Yoanes na mirik ubuwaklug-e, at-nen idnak aid nab-e Yoanes eram ibil lobok yij-o.

NAM PARA WENE 1:1 ပူးပေါင်းရင်းမြစ်များ

NDANIEL 8:16

An-nen kuliginggal-e Yi Ulai iri na eyak ele bem-nen ene nggoksa yosolar-e: ”Nggabiriel wa-e. At iri-nen nabi bem nggal kagaid iri-ge ebe-ge iri nggal-o luk kerengga yak ti-o” luk yij-o.

NDANIEL 9:21

An tepan yosoma-ge, nanduk nabi nggal pem aid nap Nggabiriel kagi iri na-ge an nambigit pubu lobok yij-o. Iri kwarid iri-ge keyama nggwe Mbal Pem Nagawan amanggim wam wosa kan pugwi ndak ndak pem-et kwarij-o.

NDANIEL 9:23

Kat-nen Mbal Pem Nagawan emengen mbaroso tel korosola, at-nen-e kene erep nggarij-o. At-nen kat kabuwa karuk, kat-nen nabi bem nggal kaigen ebe-ge iri nggal-o luk yak kereyekluk lobok yigi-o. Iri bem-e an-nen kat-nen nabi nggal pem kaigen iri na-ge iri nggal-o luk yak korosola-ge, kar-e kwara kuli-o.

AMOS 3:7

Nagawan Indo Mondok Kek tak iri na-nen-e at-nen kwarurak piridnak iri na-ge at ndegel ubugwi ene lomboksa yugwi nap ereba kirimbi yak indigit lak-nen-e mondok kwaroso bug-o.

YOANES 12:49

Nde, wene an-nen yusu yu-ge an nindi-n pidnak pem nak yusu-ge lag-o. Nde, an-nen yurak min an-nen yak kundurak min iri-ge an Neid wirik nibil lobok yidnak nap iri na-net nebem pamu-nen yak kundusu-o.

YOANES 15:15

Ndegel unpugwi nap-nen-e it ineid-nen kwarusu mende-ge enaru buk nak woragwi me, yawo-ge an-nen ’Ndegel nubugwi nab-o’ luk yak kindimin pug-o. Are, an Neid-nen an yak niridnak wene pidsa kit yak kindigirik me, ’Nanggamirag-o’ luk yak kundusu-o.

YOANES 17:8

Nde, kat-nen nebem pigen wene-ge an-nen it yak ondosola, waniga-o. Wanogolar-e, an-e ndemeret kat keram-nen lobok yidnak irit enaru yogolat, an-e kat wirik nibil lobok yigen-o luk neberali-o.

YOANES 3:32

At iri-nen-e at erengen-nen kaidnak nde at eyanggo-nen kulidnak nde iri na-t yak undusu-t nde, ap misiger-o luk tet at ene wanili bug-o.

YOANES 8:26

Nde, kit kenpem yurak wene nde kit kenpem wene mbarurak nde an-e kwarat worasu-t nde, an nibil lobok yidnak nap iri-ge ndemeret lud tak nak yoso-nen yusu-o. Nde, at-nen yak niridnak wene iri na-t an-nen nggweyak ma nap pidsa yak undusu-o” luk yij-o.

OROMA 16:25

Mbal Pem Nagawan erembel wanuwog-o! At-nen-e kit kinndi angin tubu yidnak pem tugup lak tak kunpurag-e ndak-nen yusu-o. Iri kwarusu iri-ge, an-nen yak kindidnak aid wene, Yesus Kerisut owene iri-ge, obi-net kura woraidnak wene iri yawo nam tak pusu wene na bem-nen irit kwarusu-o.

NGGALATIA 1:12

Wene iri-ge ki nap-nen wok nirigit lag-o. Ap-nen mirik nubugwi na lag-o. Are, Yesus Kerisut at-net nam yaga mirik nibij-o.

EPESUS 3:3

Mbal Pem Nagawan-nen ”Irit timin-o” luk kura wene yidnag-e nam para an yak nirid na-ge an-e nandug-et engga ya lit nda lit poro-t mbarigi irir-o.

TITUS 1:1

Mbal Pem Nagawan ndegel oboso nap, Yesus Kerisut-nen idnak wirik nibidnak nap Paulus an-nen mbarusu-o. Mbal Pem Nagawan-nen len inpidnak nap inndi angin tubu yidnak na elem yabuwakluk, nit mul nindidnak aid wene, ndemeret wene iri na mul unduwakluk, an len nuburuk, wirik nibid irir-o.

NAM PARA WENE 1:19

Iri bem-e, kat-nen kasu mende, yawo-n worasu mende na irit, abok-nen kwat ma mende na irit, engga bem mbari-o.

NAM PARA WENE 1:9

Kennggam Yoanes an-e Yesus imin nugwi nap enpem mboso mende anggun panggun na nenpem mbosola-t nde, nit at ilirak-nen-e mamak puruk worali-o. Mbal Pem Nagawan-nen yidnak wene Yesus-nen yak niridnak iri na ap kenggel ondoso bem yi terapmu o unu-ge Patmos iri me mbo nibiga-o.

NAM PARA WENE 17:1

Iri luk, yimbe tuju tena woraiga aid nap tuju ereya na ennggendumu misik-nen-e an neram lobok yarik-nen yosolar-e: ”Lobok yi-o. Terak yebugwi kwe nggulok iri na ebem mbaruwa wene mirik kibimin-o. Nde, iri-ge yi kwarat korok korok wiridnak o siri nggulok irir-o.

NAM PARA WENE 19:10

Iri yosola, an-e aid nap na eralu mbud luk, at erembel waneyekluk yigi-t nde, at-nen yak norosolar-e: ”Lag-o. An nerembel wanurag-e lag-o! An na at ndegel oboso nap Mbal Pem Nagawan-nen yidnak wene Yesus-nen yak kindidnak wene tena woragwi nap kat kanggamirak inmin iri nggal-net yusu-o. Mbal Pem Nagawan nak erembel wani-o!” luk yak nirij-o. Nde, Yesus-nen nam tak pid ndemeret wene iri-nen-e Mbal Pem Nagawan ene lomboksa yugwi nap mirik onposo-o.

NAM PARA WENE 19:9

Iri luk, aid nap iri-nen an yak norosolar-e: ”Wene yu mbari-o: ’Lomba Wam Marik-nen kwe wanosola saguwa sa lobok yuwakluk yonggo unpuwa nab-e inmbiringgat-nen yili-o’ ”. Nde, aid nap iri-nen tuguruk yak norosolar-e: ”Wene yu-ge Mbal Pem Nagawan-nen yidnak ndemeret wene-net yusu-o” luk yij-o.

NAM PARA WENE 21:2

Nde, an yik kaginggal-e, Mbal Pem Nagawan-nen idnak o siri Yerusalem ngget iri-ge Mbal Pem Nagawan eram aid arem-nen mbuwasola kagi-o. Nde, o siri iri mondok konidnak abage-ge kweyap ndugum-nen unun wanuwokluk inmirik unmuruk pugwi nggal-o.

NAM PARA WENE 21:9

Aid nap tuju worok tak posolat (yang ketuju) andi bandi mende kenanggo yimbe tuju iri tena worali nap ereya na ennggendumu-nen aid nap misik an neram lobok yarik-nen yosolar-e: ”Lobok yi-o. Lomba Wam Marik iri na wanurak ogwe mirik kibimin-o” luk yij-o.

NAM PARA WENE 22:1

Iri luk, aid nap iri na-net mirik nobosolar-e, unlug-et wolmomtak yi erengen miri papalo erare nggal igip kip worak irit mirik nibij-o. Nde, yi iri na urusu-ge Mbal Pem Nagawan min Lomba Wam Marik min-nen koreyak woragwi ondoro na arem-nen kenangga mborosolar-e,

NAM PARA WENE 22:16

”Yesus an-nen-e kit lambuk tak kinpidnak nap kenmanggim wene yeba yak kunduwakluk an-nen idnak aid nap ibil lobok yigi-o. An-e Ndaud-nen lolo-nen wigarak-nen yusu-o. An-e o nda nda wonaru yaya worak-nen yusu-o.”

NAM PARA WENE 22:6

Iri luk, aid nap iri-nen an yak norosolar-e: ”Wene yeba-ge ndemerer-o luk, inndi angin tubu yurak wene-nen yusu-o. Nde, Nagawan Indo Mbal Pem Nagawan-nen at Indi-ge at ene lomboksa yugwi nap wok unduruk, mondok yanem-et kwat ma ereba na at ndegel ubugwi nap mirik unpuwaklug-e, at-net at-nen idnak aid nab-e endam pil lobok yij-o” luk yak nirij-o.

NAM PARA WENE 22:8

Nde, Yoanes an-net yeba oboksa kolosolat, kasolat yigi-o. Nde, yeba oboksa kolosolat, kasolat yurug-e, yeba mirik nibid aid nap na erembel waneyekluk eram nerare nggwe tud yigi-t nde,

NAM PARA WENE 22:9

at-nen an yak norosolar-e: ”Kar-e an nerembel wanurak pug-o. Mbal Pem Nagawan nak erembel wani-o. An na at ndegel oboso nap kat min kanggamirak Mbal Pem Nagawan ene lomboksa yugwi nap ereba min engga yu arem mbarak worasu wene ereba kwara wonatluk yidnak yidnak kwatli nap oboksa min ndak ndak at ndegel oboso nap-net yusu-o” luk yak nirij-o.

NAM PARA WENE 4:1

Iri rak puruk, an-nen nabi ngganggo nggal tuguruk misik kasolar-e, aid arem-nen tu misik kuwarak kagi-o. Karug-e, ene posid poba ene nggal wene nanduk yak nirid iri na ene-t kuligi-o. Nde, ene iri-nen yak norosolar-e: ”Abok-nen kwat ma mende mirik kebeyek-nen yu me luwasug-o” luk yak nirij-o.

NAM PARA WENE 5:7

Iri luk, Lomba Wam Marik iri na mborosolar-e, engga nagawan koreyak woraso ondoro ebem koreyak worasu nap inggi kigit nggwe-nen tena worasu na wanij-o.