MIKA 7:9 - Nanduk Ngget Tul Pidnak Wene

⁹ Nir-e Nagawan Indo imin meya kwarige bem at-nen idnak isilepma-ge mondok nenpem-et mbuwag-o. Alat nde, ar-e yanem-et nit nenambigit yosolat, mot mot kwarugwi elem wok nondosolat, at-nen lesa wok nunpuruk, yaya bem ninpil mburuwa-o. Nit nondomok-nen na at-net ninmiri yosola, kul-o.

MIKA 7:9 ပူးပေါင်းရင်းမြစ်များ

NDAWI ENGGA 37:6

At-nen-e kit-nen tugup lak woragwi-ge yaya nggal nam tak posolat, nde, kinndi-net mot mot kwarugwi-ge lengge nggal nam tak posolat kwaruwa-o.

NDAWI ENGGA 43:1

Mbal Pem Nagawan wa-e. Kar-e an nambigit yosolat, mot mot kwaroso rak nibi-o. Mbal Pem Nagawan enaru buk nap-nen an nebem wene mbatli me, kar-e an nambigit yosolat, nowene mbari-o. Meya kwarugwi nap min enmberam lagwi nap min ininggiyapma-nen wisirik nibi-o.

YESAYA 42:16

An nelem nap enlengen ngguru-ge an-nen ininggi waruk mborosolar-e, it enaru buk tula nggwe-t inmin mbirimin-o. Nde, ndamug-e it enambigir-e an-nen-e yaya rak pimin-o. Nde, tula lalik mbilig-e marengen nggal mot tak pimin-o. It ’Iri nggal kwat inpimin-o’ yigi iri-ge mondok ndemeret kwar-et inpimin-o.

YESAYA 42:7

Kar-e enlengen ngguru enlengen kuwara wok ondosolat, o kubu me woragwi nap wisirik onposolat kwarugun-o.

YESAYA 46:13

Kit wisirik kunpurak tarem-e panggo rak pigirik me, kit kinmiri yurak pem-e mondok pemsa woramin pug-o. An-nen-e Yerusalem imiri yosolat, Isarael nap kek tak onposolat kwarimin-o” luk yij-o. 47:1–48:22 Pasal 47 iri arem-e Mbabel lak tak purak yidnak ndawi mbarak worasu-o. Nde, Pasal 48 iri arem-e Mbal Pem Nagawan-nen-e at ilirak inmiri yidnak wene ndindera mbaridnak worasu-o.

YEREMIA 14:7

Iri ala karuk, an nilirak-nen an nemengen mbarogolar-e: ’Nagawan Indo wa-e. Nit-nen meya kwarugwi iri na-nen ninnggiri wurusu-t nde, kat-nen iri nggal-et kwat kinpimin-o luk urul pigen iri na ndak ndak tak posolat, yongga nindi-o. Nit-nen pempa keya keberenak worali iri-ge ndemeret nir-e meya-t kat kimin pem kwat tenak worali-o.

MALEAKI 3:18

Nde, an nilirak-nen-e konak kwarugwi nap min meya kwarugwi nap min an ndegel nubugwi nap min an ndegel nubugwi buk nap min enpem mbuwa mende iri-ge nam-et arik tak mbenak irit kujwa-o” luk yij-o.

1 KORINTUS 4:5

Iri nggal kwarak me, Nagawan Indo lobok yurak awo worasola kagit, kir-e awo ma-nen ap enpem wene mbarurak pug-o. Nagawan Indo lobok yosolar-e, ndamuk arem kura woraso na nam tak posolat, ap inndi arem-nen yimndidnak mende na nam tak puruk, nuk kujwa-o. Iri tarem-e, Mbal Pem Nagawan-nen ap oboksa enarik tak entembel wanuwa-o.

2 TIMOTIUS 4:8

Nde, yawo-nen-e ombol nggwe yidnak nap wok undurak wirik iri-ge an namanggim lid lud tak worasu-o. Mot mot nak enpem wene mbaroso Nagawan Indo-nen-e at lobok yuwa Tarem-nen wirik iri na wok nuruwa-o. Nde, an narig-et wok nuruwa-ge lag-o. Are, Nagawan Indo lobok yuwa-o luk inndi ebem mbung mbung tak woragwi nap oboksa na wok unduwa-o.

NAM PARA WENE 18:20

Aid arem wa-e. Kwe iri na yigisa lak tak pidnak pem kalen ki-o! Mbal Pem Nagawan ilirak min wirik kinpidnak nap min Mbal Pem Nagawan ene lomboksa yugwi nap min wa-e. Kwe iri-nen kwat kinpidnak na onggo Mbal Pem Nagawan-nen kwe iri ebem wene mbarid pem-e kenalin kenalen ker-o!

1 SEMUEL 24:15

Nagawan Indo-ge wene mbenarugwi nap kwat yosolat, wene yu-ge an min nagawan kat min nennggendumu-ge at nak-nen mbenaruwa-o. Iri yosolar-e, kat-nen nereyekluk yusu-t nde, Nagawan Indo-ge an nambigit yosolat, yongga nuruwag-o” luk yij-o.

1 SEMUEL 25:39

Nabal wat yidnak wene iri na kuluruk, Ndaut-nen yosolar-e: ”Nagawan Indo nak kek tak wolmag-o! Nabal-nen an erengenma nggal tak nibid iri na-ge Nagawan Indo-nen nemepnggo posola-ge, ndegel oboso nap an-nen meya kwaruwa naru larok tak nibij-o. Nabal-nen meya kwaroso bem-et Nagawan Indo-nen wirij-o” luk yij-o. Iri luk misik tarem-e Ndaut-nen-e Abigail iri na at wok uburak pem-e ene kulil ab-e Abigail eram wirik inpil mbirij-o.

1 SEMUEL 3:18

Yak tosoloma-ge, Semuel-nen-e wene ereba na-ge oboksa Eli yak tij-o. Mariget ter-o luk yemndak pigit lag-o. Yosoloma, Eli-nen yosolar-e: ”Ar-e Nagawan Indo-nen yusu-o. Ereba mag-o. At-nen kwaruwa nag-o” luk yij-o.