MIKA 7:7 - Nanduk Ngget Tul Pidnak Wene

⁷ Alat nde, nit-nen tepan yili-ge Nenmbal Pem Nagawan-nen nenne kolosolat, nimiri yuwa-o luk ninndi-ge Nagawan Indo ebem nak wat tak puruk, yik karok worali-o.

MIKA 7:7 ပူးပေါင်းရင်းမြစ်များ

NDAK WIRIDNAK WENE 49:18

Nagawan Indo wa-e. An-e kat-nen nimiri yurak irit towarak worasu-o.

NDAWI ENGGA 130:5

At-nen urul yak nirid iri na ebem-et nindi wat tak puruk woralat, Nagawan Indo-nen yongga nururag-et yik karok worasu-o.

NDAWI ENGGA 37:7

Kir-e kinndi yamuk tak pem-et Nagawan Indo yik karok wolmer-o. Mamak puruk irit towarak worakmu, at-nen kwaruwag-o. It-nen kwarugwi bem ebe worak nak kwarogolat, enmberam lagolat kwarogola-ge, ”O” luk, kinndi kabak yurak pug-o.

NDAWI ENGGA 65:2

Kar-e ap-nen tepan yidnag-e koloso me, ap oboksa-ge it meya yidnak-nen ndowaga kat keram lobok yuwa-o.

YESAYA 45:22

Yi wi ndi wi woragwi nap oboksa wa-e. Mbal Pem Nagawan-e nin mbi worasu buk, an nak me, kinmiri yek-nen nden karuk, an neram lobok yer-o.

YESAYA 8:17

Nagawan Indo-ge at ilirak Yakup-nen wigarak iri na-nen at kujwa naru ombol wok endarik worasu-o. Alat nde, an-e ebem-et nindi wat tak puruk, mbung mbung tak worasu-o.

NDANIEL 3:17

Kan nggok mabidnak amare iri arem-nen na irit, kat kinggiyapma-nen na irit, nit-nen erembel wanugwi Nenmbal Pem Nagawan iri-nen nde ninmiri yek nde yosolar-e, ndemeret ninmiri-t yuwa-o.

YOEL 1:19

Tusuangge worak sa ereba na-ge mondok umbuk ye le mbosolat, e oboksa kan-nen ninggidnak nggal umbuk yidnak me, Nagawan Indo wa-e. Yongga noronokluk nggi yak kurusu-o.

ABAKUK 2:1

An-e an-nen nerengen-nen tu mbal tenak woraso sa o mot worak iri na bem lamindik, Nagawan Indo-nen an yak nuruwa ereba na towarak woralat, an-nen ujwa mbarosolat-nen yak tidnak ereba na wene onggo-ge ngge nggal yuwa-o luk, yik karok worasolat kwarimin-o.

ABAKUK 2:3

An-nen nam tak pimin mende-ge awo worasu me, engga bem mbarurag-o. Alat nde, iri kwaruwa tarem-e yanem-et wok ma-o. An-nen kat kimbiri bem nam tak pigi mende-ge ndemeret kwar-et ma-o. Yik kagolar-e, woraruk-nen kwat ma-o luk perali-t nde, mondok karok nak wolmin-o! Iri kwarurak tarem-e wog-et ma-o. Nimik tak puwa bug-o.