MIKA 7:3 - Nanduk Ngget Tul Pidnak Wene

³ It oboksa-nen meya kwarurak pem-e mondok kwara enaru yidnak worali-o. Yabu winde min ap enpem wene mbenarugwi nap min-e meya lugud tak kwarurak pem uang nggi yili-o. Ap oboksa-nen enne kulugwi nap ereba na-nen-e it inndi-nen pidnak iri na-t amawi rak pogolat lambuksa wene mbatli-o.

MIKA 7:3 ပူးပေါင်းရင်းမြစ်များ

YESAYA 1:23

Kit-nen idnak enne kulugwi nab-e wene eyak worogolat, yariya wanugwi entep kwarogolat, yi mende ndi mende min tol min lesa wanogolat kwatli-o. Wene mbenarugwi sa-nen wene mbenarogolar-e, li mul ineid iniya lak ereba na onowene kona mbarurak keya bogolat, kweyap togwe onowene konurak yak ondogola na kwara enne kuligit lak yogolat kwatli-o.

YESAYA 32:7

Ap enmberam laso nab-e at-nen meya kwarurak iri na-ge indi-nen yebet karuk-nen meya kwaroso-o. At-nen insilobulo lak nap ereba na enare bosolat, it enarengge it-nen wanurak mende ereba na wanuwa naru, tu nggulurak pem-e mbawi worosolar-e, enesiget wene yoso-o.

YESKIEL 34:21

Kit-nen-e lomba amawi lak ereba na pelek pelek tak pogolat, kenanggul ambo bem pelek kagola, lomba oro erep ereba na enggendumu-nen langgara wirik pigeb-o.

OSEA 4:18

Ir-e anggut engen kwarat nuruk, inndi nden kaidnak me, mondok enalen pem mbabi kwaril nili-o. Ir-e it kek tak unpurak iri na-ge insili rak puruk, pesel unpurak irit indingen tak pili-o.

OSEA 7:3

Nagawan Indo-nen yosolar-e: ”Ap iri me woragwi nap-nen-e meya nak kwarugwi iri na bem nagawan min at eyabu wanugwi nap ereba na min ennesiget enmberam lagolat, enalen tak pili-o.

AMOS 5:12

Kit-nen mondok meya kwarat kwatli min kit-nen kwarat lugud tak kwatli mim ereba-ge an-e naru-o. Kit-nen konak nap ereba na lel mberel onpogolat, kir-e onggo wok kondosoma, insilobulo lak nab-e keya onposoma, ap enpem wene mbarugwi sa-nen lugud tak kwat inpili-o.

MIKA 2:8

Yogola, Nagawan Indo-nen onggo yosolar-e: ”Kit yu-net wim nap nggal kwatluk, an nilirak inmin wim mbatli-o. Nde, ap wim tumbutluk lobok yogolar-e, ’Yawo-ge o ma-t yamuksa woramin-o’ peraruk lobok yosoma-t nde, kir-e unuwi mengga wanuwokluk nde pak tak worali-o.

MIKA 3:11

O siri ereba tena woragwi nap-nen-e o tenakolar-e, uang lesa wanurak pem nak o tena worali-o. Nde, tepan ombo-nen Nagawan Indo-nen imiri mbarak pidnak ereba na ap mul indili-ge onggo wanurak pem nak mul indili-o. Nde, Mbal Pem Nagawan ene lomboksa yugwi nap-nen Nagawan Indo-nen mirik unpuwakluk nggi yili-ge uang lesa wanurak pem nak nggi yili-o. Nde, it oboksa-nen iri nggal kwarogolar-e, it inndi-nen yebet kagolar-e: ”Nagawan Indo-ge nit nennggendumu worasu-o” luk yebet karug-e, it-nen yogolar-e: ”Nagawan Indo-ge nit ninmin worasu-o. Nde, iri ala-ge, nit nenpem-e lak tak onposo mende-ge mbuma bug-o” luk yili-o.

MIKA 3:2

kir-e konak kwarurak iri na-ge kinsili rak nde pili-o. Nde, meya kwarurag-e kinndingen nde yusu-o. Kit-nen-e an nelem nab-e unlug-et woragola, enaboro nggorogolat, onowak pem-nen ununo lobonogolat kwatli-o.

MATIUS 26:15

it yak ondosolar-e: ”An-e Yesus na wesel kondosola-ge, onggo no wok nurugub-o?” luk yij-o. Yosoloma-ge, it-nen-e kerep tol tiga pulu iri wonasa wok tiga-o.

1 KORINTUS 4:5

Iri nggal kwarak me, Nagawan Indo lobok yurak awo worasola kagit, kir-e awo ma-nen ap enpem wene mbarurak pug-o. Nagawan Indo lobok yosolar-e, ndamuk arem kura woraso na nam tak posolat, ap inndi arem-nen yimndidnak mende na nam tak puruk, nuk kujwa-o. Iri tarem-e, Mbal Pem Nagawan-nen ap oboksa enarik tak entembel wanuwa-o.