MIKA 7:2 - Nanduk Ngget Tul Pidnak Wene

² Nde, mot mot kwarugwi nab-e it woragwi sa-nen mondok lak yili-o. Nde, tugup lak Mbal Pem Nagawan-nen yidnak yidnak kwarugwi nab-e mondok misik mbi eneyagup pug-o. Nde, ap ondomoktak-nen-e ap wururak pem ondoro terak mbi wok yosola-nen unduwom-o luk yik karok worali-o. Ap ondomoktak-nen ennggamirak enmanggim sabu logo pil lobok yigarik worali-o.

MIKA 7:2 ပူးပေါင်းရင်းမြစ်များ

NGGOMO WENE 1:11

It-nen yak korogolat nde: ”Ndak lobok yi-o. Ap onkore yulndik, eneyaruk, unduwog-o. Nenalen yurak pem meya kwarugwi buk nab-et unduwog-o.

OSEA 5:1

Nagawan Indo-nen yosolar-e: ”Kit tepan omborak wa-e. Kwara koler-o! Isarael nap wa-e. Kwara yebet ker-o! Kit nagawan-nen wigarak wa-e. Kwara koler-o! Angin worag-e mondok kenpem mbuma-o. Iri mberak puwa iri-ge ndemerer-e kit-nen ap enpem wene mbenarogolar-e, mot mor-et mbenarurag-et nde, kir-e Mispa iri me ap ngonok tak unpurak sabu logo nggal kwat yogolat, Tabot ndobo bem sabu logo nggal kwat yogolat,

OSEA 6:9

Nde, tepan ombo o siri iri me woragwi nab-e ap nden unpugwi nap-nen ap iri nggwe mborogola nden unpurak tulabiyem pak tak ndok worak woragwi nggal-nen yili-o. O marak iri na me mburugwi tulabiyem Sikem-nen na ap ondogolat worali-o! Yi meya ndi meya ereba-ge inndi-net kwarogolat worali-o.

MIKA 2:8

Yogola, Nagawan Indo-nen onggo yosolar-e: ”Kit yu-net wim nap nggal kwatluk, an nilirak inmin wim mbatli-o. Nde, ap wim tumbutluk lobok yogolar-e, ’Yawo-ge o ma-t yamuksa woramin-o’ peraruk lobok yosoma-t nde, kir-e unuwi mengga wanuwokluk nde pak tak worali-o.

MIKA 3:10

Kit-nen Mbal Pem Nagawan uwi siri Yerusalem siri iri na mendak pogolar-e, mabin-e ap eneyabi min mot mot kwarugwi buk min ereba na bem-nen mendak pili-o.

MIKA 3:2

kir-e konak kwarurak iri na-ge kinsili rak nde pili-o. Nde, meya kwarurag-e kinndingen nde yusu-o. Kit-nen-e an nelem nab-e unlug-et woragola, enaboro nggorogolat, onowak pem-nen ununo lobonogolat kwatli-o.

YIDNAK YIDNAK WENE 24:9

Yak tosoloma-ge, Yawuri nap erep-nen-e at-nen yidnak wene amawi rak pogolar-e: ”Wene iri-ge ndemeret yij-o” luk yiga-o.

1 SEMUEL 24:11

Neid wa-e. Yik ki-o. Nagawan kusum leyok sum erep mbarak an ninggem yu ki-o. Ndemeret nagawan kar-e an-nen ketleb-et nde, we kusum erep mariget nak mbara wanigirik, ninggem yu ki-o. Iri ala-ge, an-e kat kimin meya kwarurak na perasu buk, iri-nen nden karuk kat kimin meya rak kuburak na perasu bug-o. An-e nagawan kat kimin-e meya mariget ter-o luk kwarigit lag-et nde, nagawan kar-e an nereyekluk an langgal nuburuk waring kasu-o.