MIKA 7:19 - Nanduk Ngget Tul Pidnak Wene

¹⁹ Kat-nen-e tuguruk nunpud karuk, nit meya yidnak kamberam tak pugun-o. Nit-nen meya yugwi-ge kat-nen kuwok-nen lul wosa, lembera yi koma erabun arem ereba mberak pugun-o!

MIKA 7:19 ပူးပေါင်းရင်းမြစ်များ

NDAWI ENGGA 103:12

Nde, nit meya kwarugwi mbo bosolar-e, erepma mo luwaso nggwe nggal-nen mo mboso nggwe nggal-et nit meya yugwi-ge erepma mbo boso-o.

NDAWI ENGGA 130:8

At ilirak Isarael nap-nen lugud tak kwarugwi inggem-nen at-nen-e wisirik unpuwa-o.

YESAYA 33:24

Nit wulmul sa nennggendumu-nen mbi andi-nen yane mbi worogolat wolma bug-o. Meya kwarugwi oboksa amberam tak puwa-o.

YESAYA 43:25

Iri yogola-t nde, Mbal Pem Nagawan an-net kit meya yidnag-e namberam tak pusu-o. An-e ap meya yidnak namberam tak poso-t me, kit meya yidnag-e namberam tak pusu-o. Kit-nen meya kwarugwi-ge yeberak woramin pug-o.

YEREMIA 31:20

Isarael wa-e. Kar-e nera kabuwa worak-nen yusu-o. Nera nindi kundik, nindi kumburak-nen yusu-o. Pempa an-e kat kebem kore yusu-t nde, nindi andi-nen pempa nindi-ge kebem-et worasu-o. Kar-e an-nen kwat kobosolar-e, mondok kabuwa min-et kwat kibimin-o.

YEREMIA 31:34

It iri-ge nggok-nen marik-nen oboksa an-e enaru yuwa me, it ennggamirak ennggendumu misik-nen Nagawan Indo an it-nen enaru makluk mul undurag-e lag-o. Nde, it-nen lugud tak kwarugwi-ge an-nen meme rak onposolat, nde, it meya yidnag-e an-nen namberam tak pimin-o. Nagawan Indo an-net yigi-o” luk yij-o.

YESKIEL 18:22

At-nen meya kwaroso oboksa namberam tak posola, at-nen ndemeret mot mot kwaroso bem mondok uruk irit wolma-o.

NDANIEL 9:24

Olengen tuju kali tuju pulu ereya worarug-e, Mbal Pem Nagawan-nen kat kelem nap min kuwi siri marak iri min-e yi meya ndi meya kwarugwi min meya kwarugwi elem min arem-nen wesera keya unpurak irit wat tak pidnak worasu-o. Nde, yi meya ndi meya oboksa amberam tak posolat, pempa lud tak mot mot kwarugwi nak nggok tak puwa-o. Iri kwat yosola-ge, kat-nen nabi bem nggal kaigen iri na min ebe-ge iri nggal-nen yusu-o luk yidnak min-e ndak ndak irit kwat ma-o. Iri yosolar-e, Nagawan Indo uwi marak iri na-ge tuguruk Nagawan Indo erembel wanugwi rak puwa-o.

OSEA 14:2

Isarael nap wa-e. Kir-e tuguruk Nagawan Indo Kenmbal Pem Nagawan eram lobok yer-o. Kir-e meya kwatli ereba-nen ndowaga mboroksa mbud yili-o.

OSEA 14:4

Asiut nap-nen-e ninmiri yurag-e meya-o. Wim pugwi kura wam-nen ninmiri yurag-e meya-o. Nit-nen-e nininggi-nen ndak wiridnak ereba na yak togolat: ’Kir-e nit nenmbal pem nagawan-nen yili-o’ yili ereba na-ge mondok tuguruk yul pug-o. Nagawan Indo wa-e. Kat-nen-e ta-nen inmiri yurak nggal inndi kabak woragwi nab-e enabuwa kaso-nen yusu-o” luk tepan yer-o.

OROMA 6:14

Nde, kir-e imiri mbarak pidnak wene-nen urugwe nggwe rak kinpidnag-e lag-o. Are, Mbal Pem Nagawan we wok ondoso elem-nen urugwe nggwe rak kinpidnak me, meya kwarugwi elem-ne urugwe nggwe rak kunpurag-e lag-o.

OROMA 8:13

Kir-e ki nap-nen kwarugwi mende nak kwarugup nde ala-ge, wat yugub-o. Alat nde, Konak Indi bem-nen kit kenpe-nen kwarugwi mende worak pugup nde ala-ge, kunlug-et woragub-o.

TUGURUK YIDNAK WENE 30:3

Nagawan Indo Kenmbal Pem Nagawan-nen-e kenabuwa kasolar-e, nggilara ndibi ndi rak ap ennggendumu worali ereba ennggendumu-nen ndok wat kunpuruk, kinmin lobok yuwarig-e, yi mende ndi mende bem-e tuguruk ndak woragwi na nggal tak kunpuwa-o.

TUGURUK YIDNAK WENE 30:6

Kit min kit-nen wigarak min-e kinndi-ge yidnak yidnak nak kwarugwi inndi wok kunduwama, kir-e Nagawan Indo Kenmbal Pem Nagawan mondok kinndi min-et abuwa kwarat kagolat, o iri me pem-et woragub-o.

TUGURUK YIDNAK WENE 32:36

Nagawan Indo-nen-e at ilirak nde yik eneyasolar-e, ndeyak yogola, enmawi lak ala karug-e, at ndegel ubugwi nap enabuwa kasolar-e, at ilirag-e inmiri yuwa-o.

TITUS 2:14

Yesus iri-ge yi meya ndi meya kwarugwi inggem-nen ninmiri yekluk, at ondomok amanggim marak nunpuruk, at elem nap tak nenpeyekluk, ”Konak mende nak kwaruwog-o” yugwi nap tak nenpeyekluk, at-net at ambikpebe iminep nit nenmanggim wesel koragaij-o.

IBERANI 8:12

Iri ala-ge, it-nen wene kuruk tidnak na namberam tak puruk, it-nen meya yogolat woraidnak na nindi yebet yebet tak woramin pug-o” luk yij-o.

1 YOANES 3:8

Nde, Sere na-ge nanduk nanduk-net meya nak kwat tenak woraso me, meya nak kwat tenak woragwi nab-e Sere ilirak-net yili-o. Nde, Sere-nen kwaroso iri na lak tak peyekluk Mbal Pem Nagawan Ambara na nggweyak ma yu me lobok yij-o.