MIKA 7:14 - Nanduk Ngget Tul Pidnak Wene

¹⁴ Nagawan Indo wa-e. Kat-nen len inpigen kilirag-e kwara ndegel onposolat wolmin-o. It iri-ge nggweyak amburu worak nggwe yobok tak ma walma ereba worali-o. Nde, it iri-ge nanduk-nen kwariga nggal Mbasan min Nggileat min karu me tusuangge ndumu ereba me-nen nunggwi mende nonggolat wolmakluk keya inpi-o.

MIKA 7:14 ပူးပေါင်းရင်းမြစ်များ

NDAWI ENGGA 100:3

Nagawan Indo iri-ge Mbal Pem Nagawan-net yusu-o luk kenaru mer-o. At-nen nir-e ndak wat nenpamu. Nde, nir-e at arengge-nen yili-o. Nir-e at ilirak, at-nen ndegel nonposo olomba oro-nen yili-o.

NDAWI ENGGA 95:7

At iri-ge nit Nenmbal Pem Nagawan me, nir-e at ilirak at-nen ndegel nonposo-nen yili-o. Lomba yik karok woraso nap-nen olomba ndogoroso nggal, nir-e at-nen ndegel nonposo-nen yili-o. O nda yid yu bem-e at ene yu kuluwog-o:

MBIRIGA WENE 33:16

Kat nde nit ninmin mbirigit lak yosolar-e, kat-nen an min kat kelem yu min-e kalen nenpem pusu iri-ge nggesa-nen it mbepme nggwe-nen enaru ma-o? Kat nit nennggendumu worasu iri bem-nen nit nggweyak ma yu me woragola-ge, yi ap ndi ap ennggendumu-net nde, nir-e arik lenak nunpusu-o” luk yak tij-o.

YESAYA 35:2

O lid karu me nemena nggok yosolar-e, alen-nen kot kasolat ndawi yuwa-o. Abage konag-e ndobo Libanon nggal irit kwat ma-o. Abage-ge Karamel mbirik min Saron min nggal irit ma-o. Nde, ap ondomoktak-nen-e Nagawan Indo amawi min Nenmbal Pem Nagawan abinal min irit kagolat wolma-o.

YESAYA 40:11

Ar-e wam yik karok woragwi nap-nen kwarugwi nggal wam kwarat ereba na kwara ndogorosolat, at ondomok-net ndak wat unpuwa-o. Lomba amarik ereba na-ge aringmu rak puruk, ija-ge yanggosa-t kona suluk mburuwa-o.

YESAYA 49:10

It iri-ge yi nere min nunggwi mende nere min-e mondok kujwa bug-o. An-e it unpud kaso iri na-nen lit unpuruk yi ulusu ereba na me wok unpuruk nosola, nembaga usu lak nggwe-t nde, mondok mo eyak kujwa bug-o.

YESAYA 65:10

It an nilirak iri-nen-e an kek tak nobogolat wolma-o. Nde, it ensapi min onlomba min-e o Saron min Akot min mbirik ereba me tusuangge tarosolat wolma-o.

YESKIEL 36:11

Iri me woragwi nap min wam min-e an-nen kwarat tak pimin-o. Kwarat tak konposola-ge, nanduk woraigep nggal-e lag-o. Are, mondok terak minig-et kwat yugub-o. Iri kwarogolar-e, kinlirak ndesa mbo wigal tenak woragub-o. Kir-e nanduk-nen woragwi nggal woragolat, an-nen yi mende ndi mende bem-e mondok abu ndak yaga wok kundumu woragub-o. Iri kwasa woragup iri-ge, kit-nen nandug-e iri nggal woragwi buk nggal, nin irit yik kagub-o. Iri nggal kwasa woragolar-e, an nimin-e ’Nagawan Indo-net yusu-o’ luk kenaru ma-o.

AMOS 9:11

Nagawan Indo-nen yosolar-e: ”Ndaut-nen tenagidnak wi iri na-ge an-nen tuguruk nanduk woraso nggal ondolma rak purak tarem-e wog-et ma-o. Nde, yawo-ge at-nen tenagidnak wi iri na-ge o tud yidnak nggal tud tak worasu-o. Alat nde, an-nen-e o iri na worosolat, kebet tuguruk konimin-o. Konumu-ge, o iri-ge nanduk worasu iri na nggal-et ondolma rak pimin-o.

MIKA 5:4

Nde, at-nen-e yamuksa woragwi elem wok unduwa-o.

MALEAKI 3:4

Iri kwaruwama, it-nen Nagawan Indo amanggim puwa iri-ge nanduk Yewura nap min Yerusalem woragwi nap min-nen at amanggim pidnak indingen kasolat woragid iri na nggal indingen kasolat wolma-o.

WONARIDNAK WENE 23:9

Ndobo ereba anggul pem-nen Isarael nab-e yik iniyil mbirigi-o. Ndobo amun ereba bem-nen eneyagi-o. It iri-ge ap enlem nin nap inmin nat karug-e lak. It nag-et lenak eneyagi-o.

MATIUS 2:6

”Kat Yewura nggweyak pem woraso Mbetleyem wa-e. Yewura nap nagawan ennggendumu-ge kar-e marig-e lag-o. Kat karem-nen nam yosolar-e, an nilirak Isarael nap ndemil unpuruk nosolat, togwat unpurak nap mbi nam ma-o” luk mbaridj-o.

YOANES 17:16

An-e nggweyak ma nab-e lag-o. Iri nggal, it na nggweyak ma nab-e lag-o.

TUGURUK YIDNAK WENE 33:28

Yakup-nen wigarag-e o nggandum mbato min anggut engen amburu min kwarat iri na me yamuksa woragola, mbal pem-nen onggweyag-e lilangen-nen amburu rak posolat wolma-o.