MIKA 6:9 - Nanduk Ngget Tul Pidnak Wene

⁹ Nde, Nagawan Indo indi aye worak woragwi iri perak inndi nggat nggat tak poso-nen yusu-o. Nagawan Indo-nen o siri iri me woragwi nap yak ondosolar-e: ”Kit o silmu ndok witli nap wa-e. Kwara koler-o!

MIKA 6:9 ပူးပေါင်းရင်းမြစ်များ

AYUP 5:17

Nde, Mbal Pem Nagawan nen nggomo korosola-ge, kalen nak kudtag-o. ”Iri kwarigenma-o” luk met kobosola-ge, ”Ngge-o?” luk keya burak pug-o.

NDAWI ENGGA 107:43

Inndi nggat nggat worak nap-nen-e wene iri-ge yebet kagolar-e: ”Ndemeret Nagawan Indo-ge nenabuwa pem kasolat woraso-nen yusu-o” luk yebet kagolat wolmag-o.

NGGOMO WENE 22:3

Inndi worak nap-nen-e lak tak unpurak mende enpem mburak nde karug-e, mondok inggi mbal koragwi-o. Alat nde, ap wid-nen-e kagit ereba-t mburukmu, lak tak onposo mende-ge enpem mboso-o.

YESAYA 66:6

Kwara koler-o! O silmu-nen ene o nggu nggal yusu-o. An nama-nen ene yusu-o. Iri-ge an-nen nuwim nap kemnggo onposolat-nen an nene-o!

YEREMIA 26:18

”Isikia iri na Yewura iri me nagawan menluk worala-ge, Mbal Pem Nagawan ene lomboksa yoso nap Moresyet-nen lobok yid nap Mika iri na-nen Nagawan Indo Mondok Amawi Worak-nen ebem pidnak wene-ge yu nggal ap oboksa yak indij-o: ’Yabu wanogolat-nen kwarugwi nggal Sion-e nggweyak yala nden yaga keya bosolat, Yerusalem siri-ge nggurusa yud tud mbosolat, ndobo Nagawan Indo uwi worak worasu iri na-ge wal kwat ma-o’ luk yij-o.

YEREMIA 26:6

Kit-nen nde pempa an nene tal tenak woragola-ge, an nerembel wanugwi o yu-ge an-nen-e o Silo kwarak pigi nggal tak pimin-o. Iri rak pumu, nggweyakma yu me-nen ap enlem oboksa-nen-e o Yerusalem yu unu-ge imbiri lamut mende yaridnak irit yogolat wolma-o” luk yij-o.

OSEA 14:9

Nde, Isarael nap-nen-e unkugwiwak ndak wosa pidnak mende ereba na-ge abu mbo buwa-o. An-nen-e it ndegel onposolat, it-nen tepan yuwa-ge an-nen-e enne kulimin-o. E angga pempa miri ludtak woraso nggal, an-nen nindipma rak onposolat woramin-o. An-e it inmbiringgat tak poso elem-net yusu-o. Nagawan Indo an-net yusu-o” luk yij-o.

AMOS 2:5

Iri kwariga bem an-nen Yewura iri me kanduk pil mbuwamu, Yerusalem kerep pak leget anggul pem o ereba na-ge kan-nen nuruk lak tak puwa-o” luk yij-o.

AMOS 6:1

Kit kenalen pem Sion woragolat, kit konak yamuksa Samaria woragolat yili nab-e mondok kenabuwa-o! Kenlem Isarael nap kennggendumu kenne kulugwi nap, mondok kek tak worali nab-e kit kunuwokma woragwi Isarael nab-e yongga undurak pem-e kit kendam-et lobok yugwi nap kir-e mondok kenabuwa worag-o!

MIKA 3:12

Kit-nen meya kwarugwi iri-nen ndowaga Sion Ndobo iri na-ge yigisa keya bogolat, Yerusalem-e yud tud mbosolat, ndobo Mbal Pem Nagawan uwi worak worasu iri na-ge egere nggok lasolat kwat ma-o.

MIKA 6:10

Nde, meya yugwi nap enma-ge ap enmberam lagolat-nen wanidnak silobulo worasu-o. Iri kwarogolar-e, ndak wosa onggo wanugwi iri na lugudsa ndak wurugwi iri-ge an-e nisili kaso-o. Nde, iri kwarugwi nab-e an-nen angin worak enpem pimin-o.

MIKA 6:8

Iri nggal-e lag-o. Nagawan Indo-nen-e konak kwarurak irit mirik ninpij-o. Nde, iri-ge nit-nen kwarurak nenpem pusu-ge yu-o: Nit-nen mot mot kwarogolat, pempa enabuwa kagwi nggok tak pogolat, ninndi tebe luk, Nenmbal Pem Nagawan iri na imin kundik woragolat kwarurak irit nenpem pusu-o.

NAM PARA WENE 3:19

An-nen enabuwa kaso nab-e nggomo nggal eneyanggo wat makluk linggamburok ondoso-o. Iri bem-e, kir-e kenmawi kunduruk, kit meya yidnak keya buruk, kondok yer-o.