MIKA 6:8 - Nanduk Ngget Tul Pidnak Wene

⁸ Iri nggal-e lag-o. Nagawan Indo-nen-e konak kwarurak irit mirik ninpij-o. Nde, iri-ge nit-nen kwarurak nenpem pusu-ge yu-o: Nit-nen mot mot kwarogolat, pempa enabuwa kagwi nggok tak pogolat, ninndi tebe luk, Nenmbal Pem Nagawan iri na imin kundik woragolat kwarurak irit nenpem pusu-o.

MIKA 6:8 ပူးပေါင်းရင်းမြစ်များ

NDAK WIRIDNAK WENE 18:19

Nde, Abarakam linigi na-ge at-nen-e at elirak min at-nen wigarak min at-nen watsa yak ondosola, it-nen-e an-nen yidnak yidnak yogolat, konak mot mot nak kwarogolat wolmakluk linigi na-ge, nde, it-nen nde iri kwat tenak woragola-ge, an-nen Abarakam imin urul pigi na-ge kwar-et onposolat woramin-o” peragij-o.

NDAK WIRIDNAK WENE 5:22

Ambara iri ndaguruk woralar-e, indi-ge Mbal Pem Nagawan imin kundik woralar-o. Nde, olengen tiga ratus (300) iri woralar-e, elirak erep na ndagij-er-o.

NEMIA 9:13

Mbal pem-nen kar-e Ndobo Sinai bem mbuwaigen-o. Mbuwasolar-e, kar-e kambik kilirak inmin wene mbarigen-o. Kat-nen-e ndemeret imiri mbarak pidnak wene mondok lud tak konag-et kwarogolat wolmomtak wene irit wok indigen-o.

NDAWI ENGGA 101:1

Kat-nen tugup lak mot mot kwaroso wene-ge ndawi bem yimin-o. Nagawan Indo wa-e. Kat kamanggim-et kek tak kobosolat ndawi yimin-o.

NDAWI ENGGA 112:4

Mot mot kwarugwi nap min ndak ndak kwarugwi nap min unpud kagwi nap min enabuwa kagwi nap min enambigir-e ndamuk arem-net nde, yaya abinal-e enpem poso-o.

NDAWI ENGGA 112:9

At arengge-ge we irit insilobulo lak nap tembesa wok undusu-o. Ar-e pempa konak nak kwarosolat me, at nak mondok kek tak obogolat wolma-o.

NDAWI ENGGA 37:26

It-nen nde pempa uwi yagurak pem wok ondogolat, ereb-e we wok ondogolat yugwi-o. It inlirak-nen na inmbiringgat tak unpurak irit kwat yugwi-o.

NDAWI ENGGA 73:28

Alat nde, an perak nde Mbal Pem Nagawan eram wolmomtag-e mondok konak lombog-o. Nagawan Indo Mbal Pem Nagawan-e an-nen-e an kurak yoso nondoro rak pusu-o. Iri kwarusu iri-ge at-nen kwaroso wene-ge an-nen wigareyekluk-nen kwarusu-o.

YESAYA 66:2

O yu-ge an ninggi-nen posola-net o yu oboksa kwat yamu-o. Alat nde, an-nen ukwe peraso-ge ap inndi teberak woragolat, it-nen meya kwarugwi iri na bem ’Niri nera-nen kwarigi-o’ luk kondok yogolat, an naye kagolat, an-nen yidnak yidnak kwarugwi iri nak nindingen-o.

YEREMIA 9:23

Nagawan Indo-nen yosolar-e: ”Ap enaru indi tenggerak-nen-e at indi nggat nggat worak iri na bem indi kek yurak pug-o. Amawi worak nap-nen-e amawi iri na bem indi kek yurak pug-o. Nde, insilobulo worak nap-nen-e insilobulo iri na bem indi kek yurak pug-o.

YESKIEL 33:14

Erep-nen-e an-nen meya yoso nap yak tosolar-e, kar-e mondok wat yugun-o yak timin-et nde, at-nen meya yoso iri na keya buruk, konak lud tak mot mot kwaroso nde tel korosolar-e, at isilobulo ap-nen namat wanogola, onggo posola-nen wok undurak it enarengge at-nen tena buruk woraidnak ereba na wanigit lak tuguruk wok ondosolat, yariya wanidnak tuguruk winde wok ondosolat, nde, enkap ndagoso imiri mbarak pidnak wene iri na ndak ndak kwarosola-ge, ar-e mondok wat ma bug-o.

NDANIEL 4:37

Iri yamu, yawo Nebukatnesat an-e aid arem woraso Nagawan iri na nak erembel wanosolat, kek tak obosolat, nggok tak obosolat kwarusu-o. At-nen kwaroso-ge ndemeret mot mot lud tak nak kwaroso-nen yusu-o. Nde, ar-e ap indi kek tak pugwi nap indi teberak purag-e ndak-net yusu-o” luk yigi-o.

OSEA 6:6

Nde, an namanggim wam wosa pogolat, an namanggim wam wosa kan pogolat kwatli-t nde, an mondok nindingen-e an mondok kwara kenaru yogolat, pempa nabuwa kagolat kwarurak irir-o.

AMOS 5:24

Kwarurag-e, mot mot kwarugwi elem nak nggok tak pogolat, lud tak nak kwarugwi elem-e yi eberek yigit lak mborosolat nak woraso nggal kwarogolat nak wolmomtag-o.

MIKA 6:9

Nde, Nagawan Indo indi aye worak woragwi iri perak inndi nggat nggat tak poso-nen yusu-o. Nagawan Indo-nen o siri iri me woragwi nap yak ondosolar-e: ”Kit o silmu ndok witli nap wa-e. Kwara koler-o!

MATIUS 5:3

”Mbal Pem Nagawan imbiri bem inndi tebeluk worali nab-e, Mbal Pem Nagawan-nen tenagaidnak wi iri winde-nen yili me, enalen kali-o.

MATIUS 5:7

Nde, nin nap unpud kali nab-e Mbal Pem Nagawan-nen it unpud kujwa me, enalen kali-o.

LUKAS 10:42

nanduk tak purak mende-ge misiget nak worasu-o. Nde, Maria-nen-e konak kwarurak mende mbenasa wanid iri-ge tuguruk at inggem-nen wanurak puk irit wanij-o” luk yij-o.

LUKAS 11:42

Parisi nap wa-e. Kenpem mbuwa mende bem kenabuwa-o! Kit-nen-e lawet min kwendet min nunggwi mende undu worak tak pugwi engga pidsa min enggem lombok karetkwe-nen yidnag-e Mbal Pem Nagawan amanggim pili-t nde, ndung tak kwarugwi min Mbal Pem Nagawan abuwa kagwi min perak nde kir-e keya bili-o. Ndung tak kwarugwi min Mbal Pem Nagawan abuwa kagwi min kwarogolar-e, erep kwatli iri na keya burak puk na-e.

LUKAS 12:14

Yosoloma-ge, Yesus-nen at yak tosolar-e: ”Nab-o. Kit kenmberek kenpem wene mbarosolat, kit kinmining angge iri tembet kondosolat makluk, ta-nen mendak nibij-o?” luk yij-o.

LUKAS 6:36

Kit kineid-nen ap inmin indi op yoso iri nggal-et kit-nen na kinndi ob-et wolmomtag-o” luk yij-o.

OROMA 7:16

Nde, an-nen-e iri kwarimin pug-o luk peraidnak mende nak kwarosolar-e, imiri mbarak pidnak wene-ge konak wene-nen yusu-o luk yebet kasu-o.

OROMA 9:20

Alat nde, naptak wa-e. Kir-e Mbal Pem Nagawan imin eyak wururag-e ndag-a? Nde, nggweyak yimbe-nen at ndak worak ibid nap na yak tosolar-e: ”Kar-e noluk-nen yu nggal ndak wat nibigen-o?” luk yak turag-e ndag-a?

1 KORINTUS 7:16

Kun worak kwe wa-e. Kat kun iri kat-nen imiri yugun, lak? Nde, ogwe worak nap wa-e. Kat kogwe iri kat-nen imiri yugun, lak?

EPESUS 4:32

Are, kit na kit-net nanggau kanggau yogolat, kinndi yanggorak wolmer-o. Mbal Pem Nagawan-nen Kerisut ebem kit meya yidnak amberam tak puruk urugom tak kinpid nggal, iri nggal-et kit na kit-net meya rak kinpidnak ala-ge, ”Ob-o. Ereba mag-o” luk yanggosa keya burag-o.

TUGURUK YIDNAK WENE 30:15

Yawo-ge kit nak-nen lembener-o. Meya wanugup, lak? Konak wanugub-a? Unluk wolmomtak wanugup, lak? Wat momtak wanugub-a? Kit nak-nen lembena waner-o.

KOLOSE 3:12

Kir-e Mbal Pem Nagawan ilirak-net yiii-o. Ar-e kit kenabuwa karuk, at arengge rak kenpeyekluk lenak kinpij-o. Iri bem-e, kit-nen na ap enabuwa kagolat, kinndi konag-et woragolat, kinndi teberak woragolat, yanggonak nak woragolat, kinndi mamak puruk woragolat wolmer-o.

2 TESALONIKA 2:16

Nit Nenagawan Indo Yesus Kerisut at-nen na, Nineid Mbal Pem Nagawan-nen na, nit nenabuwa karuk, we wok ondoso elem pem-nen wok nondosolar-e, lak yoso buk inndi yangonoso elem min inndi mbung mbung tak woragwi elem min wok nunduruk,

YAKOBUS 2:20

Kar-e wid indi worak-nen yusu-o! Inndi angin tubu yogolar-et nde, ininggi-nen kwarugwi mende kwarigit lak iri-ge ebe lak mende-nen yusu-o luk mirik kuburak kindingen-a?

YOSUA 24:14

Yosoluk yarik, wene erep min-et Yosua-nen yosolar-e: ”Kir-e kinndi mbek tak pem-et Nagawan Indo kek tak pogolat, at ndegel obogolat kinndi-net tugup lak irit wolmer-o. Nanduk konmborak Mesopotamia min Mesira min woragolat-nen erembel wanogolat woragwi kugwiwak ereba-ge mondok keya buruk, Nagawan Indo nak ndegel obogolat wolmer-o.

1 PETERUS 3:8

Yu yosolat-nen yigi-o: Kit pidsa-ge kinndi misiget, yebet kagwi na misiget wolmer-o. Kit na kit-net nabuwa kabuwa yogolat, kunmud pegerak mbogolat, kennggam min kinndi teberak pem-et woragup na-e.

1 SEMUEL 12:23

Nde, an nondomok namanggim-e an-nen kit kenmanggim tepan yigit lak yosolat, Nagawan Indo imin meya yimin naru kwara yongga nuruwag-o. Nde, iri-nen an-nen mul kondosolar-e, ndemeret konak mot mot kwarugwi irit mirik konposolat woramin-o.

1 SEMUEL 15:22

Yosoloma, Semuel-nen yosolar-e: ”Nagawan Indo-nen indingen kasu-ge at-nen yidnak yidnak kwarurak iri, lak? Are, at amanggim wam wosa kan purak iri-a? At amanggim wosa kan purak iri-ge marik-nen yusu-o. Alat nde, at-nen yidnak yidnak kwarurak iri perak nde mondok nggok-nen yusu-o. Lomba omok pugwi iri-ge marik-nen yusu-o. Alat nde, inndi-net at-nen yidnak nak kwarurak iri perak nde nggok-nen yusu-o.