MIKA 6:6 - Nanduk Ngget Tul Pidnak Wene

⁶ Nit nde Nagawan Indo erembel wanuwokluk lobok yogolar-e, Nagawan Indo Mbal Pem Nagawan aid arem woraso iri na amanggim-e no mende pul-o? At amanggim wosa kan pogolar-e, sapi wam mondok usul omok worag-et at amanggim kan pul, lak?

MIKA 6:6 ပူးပေါင်းရင်းမြစ်များ

NDAWI ENGGA 116:12

Nagawan Indo-nen an konak kwat nubusu ereba na onggo-ge an-nen-e Nagawan Indo-ge no nggal wok timin-o?

NDAWI ENGGA 22:29

Ap nagawan ap yok nggog-e at eram nak entare nggwe yud tud mbuwa-o. Pem woragwi buk nggweyakma nap oboksa-nen tebeluk at nak kek tak ubuwa-o.

NDAWI ENGGA 95:2

”Wiwa-o” yak togolat yugwi ndawi bem-et at eram mburuwog-o. At erembel wanogolat nenalen pem-et ndawi yuwog-o.

NDAWI ENGGA 95:6

Nir-e at erembel wanogolat, nentare nggwe tud yuwog-o. Nit ndak wat ninpid nap Nagawan Indo iri na eram nendaru yunggusa tud yuwog-o.

MBIRIGA WENE 12:5

Iri worogolar-e, lomba wam ala na, kambing wam ala na wururag-o. Alat nde, kusi olengen misiget woraidnak mondok ebem kopkap lak iri nak wururag-o.

MBIRIGA WENE 23:15

’Iri kwarurag-o’ luk wat tak pidnak tarem waneya nandug-et (Abib) iri bem-e kir-e Mesira keya bidnak me, an-nen yak kindigi iri na ndak ndag-et oroti lomboroso mende pigit lak, we woraga nonggolat tuju nene yurag-o. Nde, tuju tarem ereya woragolar-e, oroti lomboroso mende puruk woraidnak oroti-ge mondok norak pug-o. Kit-nen pempa an nerembel wil lobok yogolar-e, an namanggim pugwi mende pil lobok yogolat wolmer-o.

NGGOMO WENE 15:8

Nagawan Indo-nen-e konak nap-nen tepan yili-ge kulusu-o. Alat nde, meya yugwi nap-nen at amanggim pidnak mende-ge isili rak nde pusu-o.

YESAYA 40:16

Libanon walma towe mena oboksa-t nde, Mbal Pem Nagawan amanggim wosa kan pogolar-e, ndag-e ma bug-o. Iri me woraso e-t nde, kan maburak kan wanogolar-e, mondok ndag-e ma bug-o.

YEREMIA 6:20

No manggim-nen ir-e an namanggim emben konak kemenan-e o Seba-nen waruk lobok yogolat, undu rak pugwi mende-ge o nin sa-nen waruk lobok yogolat kwatli-o? An-e it-nen an namanggim pili mende-ge an-e nisili kasu-o. Iri-nen it-nen namanggim wosa kan pili na nisili rak pusu-o.

NDANIEL 3:26

Iri luk, Nebukatnesat iri na kan nasu iri na tumende bem wok yosolat-nen ene nggoksa yosolar-e: ”Sanderak min Mesak min Abetnego min kit Mbal Pem Nagawan Mondok Kek tak iri na ndegel ubugwi nap wa-e. Kanduk iri arem-nen kesera lobok yer-o!” yosoloma, it ereya na-ge kanduk iri na arem-nen lobok yiga-o.

NDANIEL 4:9

Mbelsasat wa-e. Yi mende ndi mende enaru nap enanggul pem kek tak kar-e an-e naru-o. Kar-e marak mbal pem nagawan ereba na indi-nen yebet tak kibidnak-nen yusu-o. Iri bem-e kat kambigir-e kura wene misik kura wolmomtag-e meya-o. Iri ala-ge, an-nen nabi kagi yu kuluruk, nabi ebe-ge iri nggal-o luk nam para yak niri-o.

NDANIEL 5:18

Mbal Pem Nagawan Mondok Kek tak iri na-net kat keid Nebukatnesat iri na kwarak obosolar-e, mondok nagawan kek tak uburuk, anggu obok worak tak ebamu-o.

NDANIEL 5:21

At iri-ge ki nap ennggendumu-nen sera wirik pamu, at indi-ge wam indi nggal kwat yij-o. Iri kwatlug-e, kelerai wam erengen kege ereba na min lambuksa woralat, sapi-nen kwaroso nggal tusuangge tarosolat, mbepme ereba-t nene yosolat, lilangen-nen piri rak posolat woragij-o. Alat nde, abok nggwe-ge at-nen yosolar-e: ’Mbal Pem Nagawan Mondok Kek tak iri-ge ki nap-nen tenagidnak wi iri-ge at inggem-net yusu-o. Nde ki nap-nen tenagidnak wi iri-ge at-nen lenak pidnak nap inggem poso-nen yusu-o’ luk para yij-o.

OSEA 5:6

Ir-e Nagawan Indo kore yil mborogolar-e, at amanggim wosa puwokluk lomba min sapi min waruk mbitli-t nde, ereba oboksa-ge ebe lak mende kwat yusu-o. Nagawan Indo-ge ir-e mondok keya inpidnak me, it-nen-e Nagawan Indo-ge mondok kali bug-o.

AMOS 5:22

Kit-nen an namanggim kan purak mende min an namanggim purak nggandum mbato min waruk lobok yili-ge an-nen-e mondok wanimin pug-o. Kit-nen konowam mondok nggok omok worak an nimin kondogolat namanggim pugub-et nde, an-e mondok wanimin pug-er-o.

MATIUS 19:16

Nde, misik tarem ap misig-e Yesus eram lobok luk-nen at kin wok obosolar-e: ”Mul Nondoso Nap wa-e. Pem-et nuruk wolmomtak elem winde yekluk, mondok konag-e no mende nde kwarimin-o?” luk kin-wok ibij-o.

MARAKUS 12:33

ap-nen at abuwa kagolar-e, enpe min inndi min enmawi min pidsa-nen at abuwa kudtag-o. Nde, it enambik enabuwa kali nggal-et ennggamirak enabuwa kudtag-o. Nde, Mbal Pem Nagawan amanggim wam ebis-et kan pili min wam witli min iri-ge teberag-et nde, iri kwarugwi iri-ge nggok-nen yusu-o” luk yij-o.

MARAKUS 5:7

ene nggoksa yosolar-e: ”Kek tak woraso Mbal Pem Nagawan Ambara Yesus wa-e. Kar-e no kwat nubugun-o? Mbal Pem Nagawan unu bem-et kemengen mbarusu-o. An lel mberel nuburak pug-o” luk yij-o.

LUKAS 10:25

Iri lug-e, imiri mbarak pidnak wene mul ondoso nap misik lobok yarik, Yesus indi nggarosolat-nen yosolar-e: ”Mul Ondoso Nap wa-e. An-e nurug-et woralik nalik momtak elem waneyek-nen no kwarimin-o?” luk yij-o.

YOANES 6:26

Yak togolikma-ge, Yesus-nen it yak ondosolar-e: ”An-e ndemeret yak kundusu-o. Kir-e an-nen kwiye worak mende kwaroso ereba na ebe yenggerak puruk-nen nogore yili-ge lag-o. Are, mburu kinmbitsa ninggep iri na bem nak nogore yili-o.

YIDNAK YIDNAK WENE 16:17

Nde, kwe na-ge Paulus min nit min ninmbirik langgal nunpuruk lobok yosolat-nen ene nggoksa yosolar-e: ”It yu-ge Mondok Kek tak Mbal Pem Nagawan ndegel ubugwi nap-nen yili-o! Kit kinmiri yurak tula mirik kinpili-o!” luk yij-o.

YIDNAK YIDNAK WENE 16:30

Iri lug-e, mberen nap na mbepme inpil wasolat-nen yak ondosolar-e: ”Naptag-o. An nimiri yuwakluk, an-e no kwarimin-o?” luk yij-o.

YIDNAK YIDNAK WENE 2:37

Iri yosola kuluruk yigarig-e, it-nen inndi andi min-et Peterus min it wirik inpidnak nap erep na min yak ondogolar-e: ”Nowe nowot wa-e. Ngge kwarul-o?” luk yiga-o.

EPESUS 3:14

Iri ala karuk, an-e Nineid eram nendaru yunggusa koreluk, tepan yusu-o.

IBERANI 10:11

It Yawuri nap tepan omborak enambiktak-net pempa pempa Mbal Pem Nagawan ndegel perenak woragwi-o. Nde, eyabi wirik pidnak iri-nen-e meya yogolat woraidnak iri-ge lak tak purag-e mondok lag-et nde, Mbal Pem Nagawan amanggim pogolar-e, wam wosa eyabi pidnak iri na nggal nak pempa perenak woragwi-o.

1 SEMUEL 15:22

Yosoloma, Semuel-nen yosolar-e: ”Nagawan Indo-nen indingen kasu-ge at-nen yidnak yidnak kwarurak iri, lak? Are, at amanggim wam wosa kan purak iri-a? At amanggim wosa kan purak iri-ge marik-nen yusu-o. Alat nde, at-nen yidnak yidnak kwarurak iri perak nde mondok nggok-nen yusu-o. Lomba omok pugwi iri-ge marik-nen yusu-o. Alat nde, inndi-net at-nen yidnak nak kwarurak iri perak nde nggok-nen yusu-o.