MIKA 6:5 - Nanduk Ngget Tul Pidnak Wene

⁵ Nilirak wa-e. Moap nagawan Mbalak-nen kit kwat kunpurak yemnak puruk worala, Mbeyot ambara Mbileyam-nen-e wene onggo yak tid iri na kinndi yebet ker-o. Kit lobok yogolat tu ndumu kit woraigen sa o Sitim wok, Nggilnggal wok, ereya lobok yogolat kwat yidnak ereba na mbi kinndi yebet ker-o. Kit-nen nde ereba kwat kinpigi ereba na oboksa yebet kagolat nggal-nen-e an-nen kinmiri yosolat kwat kinpigi ereba-ge ’O! Iri nggal kwat ninpigen-o!’ luk yebet kudtag-et nde yili-o” luk yak indij-o.

MIKA 6:5 ပူးပေါင်းရင်းမြစ်များ

NDAWI ENGGA 111:4

Nagawan Indo iri-ge unpud kasolat, enabuwa kasolat yoso-nen yusu-o. Nit ninndi yeberak wolmakluk at-nen kwaroso-ge wi yurak nak kwaroso-nen yusu-o.

YESAYA 1:27

Nagawan Indo iri-ge mot mot nak kwaroso me, at-nen-e Yerusalem min ”niri nera-o” luk kondok yili nap min-e inmiri yuwa-o.

WONARIDNAK WENE 22:41

Nene luk kub-e Mbalak-nen-e Mbileyam imin luk, ndobo Mbamot Mbal pem laiga-o. Laigarig-e, iri me-nen-e Mbileyam-nen Isarael nap erep yik iniyil mbirij-o.

WONARIDNAK WENE 23:27

Mbalak-nen yosolar-e: ”Iri ala-ge, yawo-ge nin nggwe mburuwog-o. Erep-nen-e an yongga norosolat Isarael nap inmbiri lamut tak onponokluk Nagawan Indo-ge keya kubuwa na kwat ma nde ma-o” yij-o.

WONARIDNAK WENE 25:1

EPESUS 2:11

Kir-e kenlem nin nap nderak nanduk woraigep na yebet yebet tak wolmer-o Yawuri nap-nen kit kinmin-e ”Iniye ambasap wabugwi buk nab-o” luk yugwi-o. Nde, it ondomok inmin-e ”Niniye ambasap wabugwi nab-o” luk yili-t nde, iri-ge ap ininggi-nen enaboro mbaridnak pem nak yili-o.

TUGURUK YIDNAK WENE 8:18

Yi mende ndi mende ereba-ge ’Nagawan Indo Nenmbal Pem Nagawan nak-nen wok nundusu-o’ luk yebet ker-o. Ereba wok kundusu iri-ge at-nen konmborak urul yak indid iri na ndak ndag-et kwarosolat yawo na wog-et kondosolat worasu-o.

TUGURUK YIDNAK WENE 8:2

Nagawan Indo Kenmbal Pem Nagawan-nen lit kunpuruk tu erepma nembaga nggwe kinmin wasolar-e, olengen empat pulu (40) woraigep iri yebet ker-o. Nde, tu erepma nggwe-t lit kunpuruk lobok yid iri-ge, kit kenarem-e ngge kwarak worasu-o? luk, kinndi kasolat, an-nen enpem pimin wene-ge ndak ndag-et kwaruwa, lak? luk-nen kinndi kasolat-nen kenabut mbarij-o.

TUGURUK YIDNAK WENE 9:7

Nembaga ereba-nen Nagawan Indo isilepma rak pigep ereba na kinndi yebet ker-o. Nanduk kit Mesira keya buruk lobok yigep kuri-nen yawo kuri Nagawan Indo imin wim mbal tenak irit worali-o.

YOSUA 2:1

Nde, misik tarem-e Nun ambara Yosua-nen-e o Sitim iri me-nen ap mberen enlengen waruk Kanaan wi wirik inpij-o. Wirik onposolat-nen yak ondosolar-e: ”We mbik mbok nak Kanaan wi min nggog-e o siri Yeriko min kwara mbenarurag-o” yak ondosoloma-ge, ap mberen ya na-ge mbiriga-o. Mbirigarig-e, kwe terak yebil nugwi unu-ge Arakap iri na ama nene yiga-o.

YOSUA 3:1

Nene luk kub-e kubu kabu Yosua min Isarael nap oboksa min men yogolar-e, it unuwi lije wutluk woraiga sa Sitim keya burug-e, Yi Yareren eyak pem mbirigarik, it-nen Yi Yareren mbarurak tarem wok makluk iri me o lije wiril lobok luk woraiga-o.

YOSUA 4:19

Nde, Isarael nap Yi Yareren mbatluk eyak ele bem wok yiga-ge waneya anggul-et tanggal sepulu iri bem wok yiga-o. Wok yogolar-e, unuwi lije-ge o Nggilnggal iri me wiriga-o. Nde, o Nggilnggal iri-ge Yeriko-nen-e mo luwaso (timur) ambigir-o.

2 PETERUS 2:15

It iri-ge mot mot tula na keya bidnak me, ir-e kabak luk, nanduk Mbeyot ambara Mbileam-nen mbirid tula iri nggwe mbitli-o. Mbileam na-ge meya kwarurak onggo tol iri na indingen tak pij-et nde,

1 YOANES 1:9

Mbal Pem Nagawan-e mot mot nak, ndung tak na kwaroso me, nit-nen meya yidnak para yak togola-ge, nit meya yidnag-e at amberam tak puruk, nit meya yugwi mende pidsa marak nunpuwa-o.

YURAS 1:11

It iri-ge Kain-nen mbiridnak tu na nggwe mbiriga-o. Iri-nen Mbileam-nen onggo waneyekluk enesiget wene yid nggal, it-nen na iri nggal kwariga-o. Iri-nen Kora-nen Mbal Pem Nagawan-nen yidnak wene kuruk tidnak pem at lak tak ibid nggal, it-nen na Mbal Pem Nagawan ene kuruk togola, lak tak inpid nap iri-ge enabuwa-o!

NAM PARA WENE 2:14

Alat nde, kit-nen kwatli erep ereba perak nde nisili-o. Iri-ge: Kit kennggenggerak ap ereb-e Mbileam-nen Isarael nap enare posolar-e, kugiwak amanggim pidnak nunggwi mende nonggolat, mbabi yogolat makluk, Mbalak mirik pid wene na langgal luk mbitli-o.

WENE MBENARUGWI NAP-NEN KWARIDNAK WENE 5:11

Yi kenanggugwi sa ereba na me-nen ap enalen pem Nagawan Indo nen pempa ombol nggwe rak onposo wene min Nagawan Indo ilirak Isarael nap ombol nggwe rak enperenak woraso wene min koronggogolat enne nggu lek kali-o. Nagawan Indo ilirak obo nesa keya buruk, mabunuruk o siri pak tumende ambigit mbiga-o.

1 SEMUEL 12:7

Nde, yawo kir-e mbururak pug-o. Nagawan Indo erengen pem wene kenpem pimin-o. Nagawan Indo-nen konmborak min kit min kenabuwa-nen kwat kinpidnak iri na-ge kir-e mondok meme rak purak pug-o.