MIKA 6:4 - Nanduk Ngget Tul Pidnak Wene

⁴ Kir-e Mesira iri me-nen lel mberel konpogolat worakmu, an-nen lesa wok kunpuruk lobok yigi-o. Nde, kit lit kunpuruk lobok yuwaklug-e, an-nen-e Musa min Arun min kwe Miriam min lenak inpigi-o.

MIKA 6:4 ပူးပေါင်းရင်းမြစ်များ

2 SEMUEL 7:23

Isarael nap nak perak nde kat-nen kondomok kilirak tak enpeyekluk anggun panggun tak unpugwi sa Mesira-nen wisirik inpigen iri nggal yi wi ndi wi oboksa ap enlem Isarael nap nggal mbi worali bug-o. Kat-nen kwat inpigen mende nggok ereba-nen ndowaga kat kanggu kobok yi wi ndi wi mburusu-o. Kat kilirak-nen ap enlem nin nap enpem kore yogola-ge, enpe min-et unkugwiwak min-et kat-nen maga wirik inpigen-o.

MBIRIGA WENE 12:51

Iri na tarem-et Nagawan Indo-nen it Isarael nap oboksa Mesira wi-nen wok unpuruk mbirij-o.

MBIRIGA WENE 20:2

”An-e kit anggun panggun tak kunpugwi sa Mesira-nen lesa wok kunpuruk lobok yigi nap Kenmbal Pem Nagawan, Nagawan Indo nen yusu-o.

MBIRIGA WENE 3:10

Nde, yawo-ge kar-e an nelem nap iri lit eneyaruk lobok yonokluk, an-nen Pirayon eram wirik kubusu-o” luk yij-et nde,

MBIRIGA WENE 4:10

Yak tij-et nde, Musa-nen yosolar-e: ”Nagawan Indo wa-e. An-e nanduk-nen woralat na irit, yawo kat-nen wene yu yak nurugunmu-nen na irit, an-nen wene yurag-e nemnde na angin, nene na nil kil tak me, orog-et yoso-o” luk yij-o.

MBIRIGA WENE 4:16

Nde, Arun-e kat kondolmasa kat kene lomboksa yoso nap kwat yosolar-e, it ap iri wene yak unduwa-o. Nde, kar-e Mbal Pem Nagawan an nggal at wene emndam tak posolat wolmomtag-o.

AMOS 2:10

An-e kir-e Mesira-nen lesa wok kunpuruk, nembaga nggwe ndegel kunpuruk mborosolar-e, olengen-e empat pulu irit worakmu-o. Iri kwasa kinmin lobok yosolar-e, Amori nap unuwi nggweyag-e kit kunuwi nggweyak kwat makluk wok kundukmu-o.

WONARIDNAK WENE 12:1

Musa-nen o Kus kwe wanid iri na wene bem-e Miriam min Arun min-nen-e Musa obok pogolat-nen

YIDNAK YIDNAK WENE 7:36

At iri-net it lit eneyaruk mborosolar-e, Mesira-nen na irit, Yi Erengen Mimi arem-nen na irit, karu me-nen na irit, molengen lasolat mbosolat empat pulu (40) worasolar-e, kwiye worak mende min kagwi buk mende min kwarosolat woragaij-o.

TUGURUK YIDNAK WENE 24:18

Kit na Mesira-nen-e ap ndegel unpugwi nab-et woraigepma-o. Iri kwarogola, Nagawan Indo Kenmbal Pem Nagawan-nen wisirik kinpid iri na kinndi yebet ker-o. Iri bem-nen an-e kit-nen kwat tenak wolmomtak wene yu kenpem pusu-o.

TUGURUK YIDNAK WENE 4:20

kir-e mondok andi bandi kaigep sa Mesira-nen kinmiri luk lobok yid iri-ge yawo kir-e at elem nap worali yu nggal worabokluk, kinmin lobok yij-o.

TUGURUK YIDNAK WENE 4:34

Are, Nagawan Indo Kenmbal Pem Nagawan-nen Mesira-nen kit kwat kinpid iri nggal mbal pem nagawan misik mbi-nen yi nap ndi nap ennggendumu-nen ap elem mbi lesa wok unpuruk at elem nap tak inpidnak mbi worali, lak? Alat nde, Mbal Pem Nagawan amawi bem-nen kwarosolar-e, lak tak onposo mende bem-nen na, wim pem-nen na, kwiye worak nin tak nan tak amawi bem-nen kwarusu-ge kenlengen-nen kali irir-o.

TUGURUK YIDNAK WENE 7:8

Alat nde, Nagawan Indo-nen len kinpid iri-ge, at-nen kenabuwa kasolar-e, konmborak inmin urul yak indid iri na ndak ndak tak posolat-nen kwarij-o. Iri bem-nen at amawi nggok pem kinmiri yosolat, Mesira nagawan-nen anggun panggun tak konposola inggiyapma-nen wisirik kinpij-o.

TUGURUK YIDNAK WENE 9:26

’Nagawan Indo kek tak wa-e. Kat kamawi kumbunu kwarat pem Mesira-nen wesera wok unpuruk lobok yigen kelem nap yu-ge lak tak unpurak pug-o.

1 SEMUEL 12:6

Iri luk, Semuel-nen yosolar-e: ”Nagawan Indo-net Musa min Arun min lenak unpuruk, konmborag-e Mesira-nen inmin lobok yij-o.