MIKA 5:7 - Nanduk Ngget Tul Pidnak Wene

⁷ Nde, Isarael nap enlem nin nap ennggendumu wolma ereba na-ge singa ndakngge wolma woraso mena enggendumu woraso nggal woragolat, lomba oro tusuangge taroso sa woraso nggal woragolat kwaruwa-o. Nde, singa lomba oro ereba na enggendumu nggosolar-e, lomba ereba na wutluk, lebena nasolat worala, ap-nen mbi emndam mengga keya burag-e meya-o.

MIKA 5:7 ပူးပေါင်းရင်းမြစ်များ

2 SEMUEL 17:12

Iri kwasa mburukmu nde nin me ereba Ndaut nde karug-e, mimo ebem yeberak lak ma ebem mbud yogola-ge, ir-e no kwaruwa-o? Iri-ge misiger-o luk mbi mondok mburuwa bug-o. Ndaut na irit, at-nen idnak san ombo na irit mondok oboksa undul-o.

NDAWI ENGGA 110:3

Kat-nen kamawi bem lobok yugun tarem-e kat kuwokma woragwi nab-e ondomok inndi-net ndobo marak iri na bem keram lobok yogolar-e, kuplila lilangen nggal ap sujwe-ge kat keram lobok yuwa-o.

NDAWI ENGGA 133:3

Are, kundik woragwi iri-ge ndobo Eremon lilangen Sion ndobo ereba na me mboso ereba na nggal-nen yusu-o. Unlug-et pem-et woralik nalik wolmaklug-e, Nagawan Indo-nen-e imbiringgar-e iri me mberak pusu-o.

NDAWI ENGGA 72:6

Nagawan iri na-ge talme karu me mboso nggal, talme nggok mbosolat yabu piri rak poso nggal mag-o.

YESAYA 32:15

Alat nde, tuguruk Mbal Pem Nagawan lobok yosolar-e, at amawi bem-nen kwarosolar-e, nembaga karu-t nde, amburu worak tak puruk, yabu rak puwa-o. Nde, yabu ereba-ge ebe-ge kwarat puwa-o.

YESAYA 44:3

An-nen-e yi-ge nggweyak amburu lak pem kilik posolat, nggweyak mbeng larak pem-et nde, yi wirik posolat kwarimin-o. An namawi-ge kat-nen wigarak ininggem posolat, kat kilirak-nen ndaguwa imbiringgat tak onposolat kwarimin-o.

YESAYA 55:10

Talme-ge mbal pem-nen mbuwarug-e tugurug-e laso bug-o. Are, nggweyak nde piri rak posolar-e, yi mende ndi mende alim tak posolat, yagidnak mende wirik posolat, uwi pil kudtak min nunggwi mende min wok ondoso iri nggal-et

YESAYA 66:19

Nde, an-nen-e yenggerak purak mende mbi it ennggendumu pimin-o. It ennggendumu enpe marig-et nggal-e inmiri yimin-o. Nde, it iri-ge yi nap ndi nap enlem o erepma worali, an nobok na kulugwi buk, an-nen kek tak woraso na kulugwi buk, an namawi na kagwi buk ereba ennggendumu wirik onposolar-e: Tarisis wirik onposolat, Libia wirik onposolat, nde, Liria wirik onposolar-e, ap ininggi mbuk lembe min-et wirik inpimin-o. Tubal nggwe wirik onposolat, Yunani nggwe wirik onposolat kwarimin-o. Iri yumu-ge it-nen-e an nobog-e it enlem ereba ennggendumu wigaruwa-o.

YEREMIA 14:22

Nde, enlem nin nap unkugwiwak-nen-e talme nggweyakma yu me mberak pil mbumomtag-e meya-o. Mbal-nen na at ondomok amawi bem-nen talme mberak pil mbumomtak na meya-o. Nagawan Indo Nenmbal Pem Nagawan wa-e. Nit ninndi-ge kat kebem nak mbung mbung tak worali-o. Ereba oboksa-ge kat nak-nen kwarak posola-nen kwat yusu-o.

OSEA 14:5

Nagawan Indo-nen yosolar-e: ”An nilirak lugud tak nggwe mbitli ereba na-ge tuguruk neram tak inpimin-o. It enabuwa mondok kwarat kamin-o. Tuguruk nisilepma inpimin pug-o.

OSEA 6:3

Iri bem-e, nir-e mondok ndemeret ndemeret Nagawan Indo nenaru yurak pem nenmawi kunduwog-o. Ndemeret Nagawan Indo nendam lobok yosolar-e, o kil poso nggal, o sumbat woraruk, nggaruksa talme nggok mbosolat nggweyak piri rak poso talme nggal irit nendam lobok yuwa-o” luk yiga-o.

YOEL 2:32

Alat nde, ta-nen nde ’Yongga niri-o’ luk Nagawan Indo emengen mbaruwa nab-e inmiri-t yuwa-o. Ndobo Sion min Yerusalem min iri me-ge inmiri yurak elem-e wolma-o. Nagawan Indo-nen yid iri na ndak ndag-et Nagawan Indo-nen wene mbo unpuwa nab-e inmiri yuwa-o” luk yij-o.

AMOS 5:15

Meya kwarugwi elem iri-ge kinsili rak puruk, konak kwarugwi elem irit nggok tak pogolat wolmer-o. Iri kwarogolar-e, mot mot kwarugwi elem iri nggok tak pogolat wolmer-o. Erep-nen-e Nagawan Indo-nen-e enlem Isarael nap marig-et keya inpidnak ereba-ge enabuwa yuwa-t nde ma-o.

MIKA 2:12

Nagawan Indo-nen tuguruk yosolar-e: ”Kit Isarael nap keya kinpidnak erep worali wa-e. Kir-e lomba wam tuguruk o ma lobok yoso nggal, an-nen ndok worak kunpuruk misiget tak kinpimin-o. Nde, o lid lomba wam-nen ebebe lak yoso nggal kit kunuwi nggweyag-e ap-nen ebebe lak ma-o.

MIKA 4:13

Nagawan Indo-nen yosolar-e: ”Yerusalem woragwi nap wa-e. Mburugupndik, kit kunuwim nab-e kunuwok liri rak enper-o! Nde, an-nen-e sapi wam anggul ambo-ge mbesi pago, nde, ijok abis-e tembaga pago ereba na amawi nggal tak kinpimin-o. Iri rak kunpumu, kit-nen-e ap enlem kwarat yigisa lak tak unpugub-o. Nde, it-nen mengga wanidnak silobulo-ge mbal min nggweyak min ombol pem kek tak Nagawan Indo an namanggim pugub-o” luk yij-o.

MIKA 4:7

Nde, it iri-ge tu entambet mbururak meya rak unpuruk, it woragwi sa enma keya buruk, nin sa worali-t nde, it erep keya inpidnak nap minggirik ereba-nen wigarak-nen-e enlem ngget irit kwarak inpimin-o. Iri yumu, it iri-nen-e ap enlem nggok, enmawi worak irit kwat ma-o. An-nen-e it tena unpuruk woralar-e, Sion ndobo bem iri me-net tena unpuruk, pem irit woramin-o” luk yij-o.

MIKA 5:3

Nde, amawi worak nap iri na lobok yosolar-e, at amawi bem-nen at nap tena onposolar-e, Nagawan Indo Embal Pem Nagawan-nen idnak amawi bem-net tena unpuruk wolma-o. Elem nap iri na tena unpuruk woralar-e, ir-e mondok kona yamuksa woragola karuk, yi wi ndi wi woragwi nap oboksa-nen yogolar-e: ”At iri-ge wir-o!” luk, kek tak pogolat wolma-o.

MIKA 5:8

Nde, Isarael nap-nen-e it unuwim nab-e urugwe nggwe rak unpuruk, it oboksa mondok yigisa lak tak unpuwa-o.

MIKA 7:18

Nagawan Indo wa-e. Mbal Pem Nagawan kat nggal misik mbi worasu bug-o. Kat-nen len inpigen kilirak minggirik keya inpidnak ereba na-nen meya kwarugwi-ge kamberam tak poso-o. Kat-nen-e abu abu kisilepma yoso bug-o. Alat nde, kat-nen unpud kaso-ge pok tak poso buk iri na mirik onposolat-nen kwaroso-o.

SAKARIA 9:13

Nde, Yewura iri-ge san ombo ensan nggal kwat onposolat woramin-o. Nde, Isarael nab-e mare mbising kudtak anggare bem puruk woragwi nggal tak inpimin-o. Nde, Sion woragwi nab-e kabo nggal tak onposolug-e, kabo iri bem-nen Yunani nab-e inmin wim mbarimin-o” luk yij-o.

MATIUS 28:19

Iri bem-e, kit mburugupndig-e, ap enlem oboksa-ge an nowosirak tak unpuruk, yi mat onpogolar-e, Eid unu bem, Ambara unu bem, Konak Indi unu bem yi mat unpuruk,

YIDNAK YIDNAK WENE 11:15

Nde, an-nen wene tel korosolat-nen yosoma ereya na-net Konak Indi-ge nanduk nit nenpem mbuwagaid na nggal-et it na enpem mbuwagaij-o.

YIDNAK YIDNAK WENE 13:46

Alat nde, Paulus min Mbaranabas min-nen kwiye lag-et yogolar-e: ”Mbal Pem Nagawan-nen yidnak wene-ge mondok nandug-et kir-et yak kundurag-o. Alat nde, wene iri-ge kit-nen keya bogolat, kit-nen-e ’Unlug-et woralik nalik momtak wene iri-ge nit-nen wanurak meya-o’ luk yogola me, nir-e keya kunpuruk, enlem nin nap endam mbitli-o.

YIDNAK YIDNAK WENE 16:9

Nde, Paulus-nen kubu nggwe nabi nggal kasolar-e, Makeronia nap misik men luk, at emengen mbarosolar-e: ”Makeronia yu me yongga nindil ndil sug-o” luk yak tij-o.

YIDNAK YIDNAK WENE 9:15

Alat nde, Nagawan Indo-nen at yak tosolar-e: ”Irit nde, mbiri-o. Ap iri-ge an ndegel nobosolar-e, enlem nin nap min nagawan nagawan min Isarael nap min an nunu yak indil mburuwakluk an-nen lenak pidnak-nen yusu-o.

OROMA 10:20

Alat nde, Yesaya na-nen kwiye lag-et yosolar-e: ”An nogore yugwi buk nap-nen-e an neyaiga-o. An kin wok nibigit lak nap inmbiri bem-e an nondomok nam yaga mirik inpigi-o” luk Mbal Pem Nagawan-nen yij-o.

OROMA 11:12

Nde, Yawuri nap-nen lugud tak kwaridnak pem-e, Mbal Pem Nagawan-nen enlem nin nap oboksa-ge imbiringgat tak inpij-o. Nde, it Yawuri nap na-ge tuguruk Mbal Pem Nagawan-nen at imin kundik onposola-ge, Mbal Pem Nagawan-nen imbiringgat terak minik irit wok unduwa-o.

OROMA 9:30

Iri ala-ge, nir-e no nde yul-o? Yu nggal yuwog-o. Enlem nin nap iri-ge lud tak nak kwarugwi elem-e langgal luk mbirigit lak yiga-t nde, it inndi angin tubu yidnak pem-e Mbal Pem Nagawan imin-e lud tak nak inpij-o.

1 KORINTUS 3:6

An-nen uwi yaki-o. Apolos-nen yi kilij-o. Alat nde, wirik poso-ge Mbal Pem Nagawan-nen nag-o.

TUGURUK YIDNAK WENE 32:2

An-nen mul ondoso wene-ge talme nggal mbuma-o. An nene-ge lilangen nggal yung ndung mbuma-o. An nene-ge talme nggare nggare tusuangge bem mbuwaso nggal mbosolat, talme nggok yagidnak mende bem mbuwaso nggal mbosolat ma-o.

WENE MBENARUGWI NAP-NEN KWARIDNAK WENE 6:36

Nde, Nggireyon-nen Mbal Pem Nagawan yak tosolar-e: ”Nagawan Indo wa-e. Kat-nen yak norosolar-e: ’Isarael nap wisirik onponok-nen an-e yongga kirimin-o’ yigen nar-o.