MIKA 5:6 - Nanduk Ngget Tul Pidnak Wene

⁶ Nde, Isarael nap erep minggirik ap enlem nin nap ennggendumu wolma ereba-ge Nagawan Indo-nen yidnak enpem yamuk tak poso lilangen nggal, yagidnak mende piri rak poso talme nggal irit ennggendumu wolma-o. Nde, Isarael nap ereba-ge ki nap enpem inndi wat tak wolma bug-o. Nagawan Indo ebem-et inndi wat tak wolma-o.

MIKA 5:6 ပူးပေါင်းရင်းမြစ်များ

NDAWI ENGGA 110:3

Kat-nen kamawi bem lobok yugun tarem-e kat kuwokma woragwi nab-e ondomok inndi-net ndobo marak iri na bem keram lobok yogolar-e, kuplila lilangen nggal ap sujwe-ge kat keram lobok yuwa-o.

NDAWI ENGGA 72:6

Nagawan iri na-ge talme karu me mboso nggal, talme nggok mbosolat yabu piri rak poso nggal mag-o.

YESAYA 33:1

Nit nunuwim nab-e mondok enabuwa worak-nen yusu-o! It iri-ge ap-nen-e nden unpugwi bug-et nde, ap nden unpugwi-o. It iri-ge ap-nen-e onmbol pem lagwi bug-et nde, ir-e ap onmbol pem lagwi-o. Alat nde, iri nggal nden onpogolat, onmbol pem lagolat kwaruwa-t nde, abok nggwe-ge it nde nden onpogolat, enmberam lagolat kwaruwa-o.

YESAYA 6:13

O siri iri me enpe sepulu woragwi-nen nde ereya na lak yogolat, misiget nak nde worala-ge, iri na lak tag-et pimin-o. E ndaridnag-et nde, undugul pem isit worasu iri na nggal it ap iri na enlem-e abok woragotlat, woma iri na-ge nandug-et tel korogolat Mbal Pem Nagawan ilirak marak irit kwat ma-o” luk yij-o.

YEREMIA 14:22

Nde, enlem nin nap unkugwiwak-nen-e talme nggweyakma yu me mberak pil mbumomtag-e meya-o. Mbal-nen na at ondomok amawi bem-nen talme mberak pil mbumomtak na meya-o. Nagawan Indo Nenmbal Pem Nagawan wa-e. Nit ninndi-ge kat kebem nak mbung mbung tak worali-o. Ereba oboksa-ge kat nak-nen kwarak posola-nen kwat yusu-o.

LUKAS 1:71

’Kit kinmin wim nap min insili rak kunpugwi nap min ininggem-nen kinmiri yimin-o.

LUKAS 24:27

Yurug-e, Mbal Pem Nagawan engga bem-nen at kwat uburak obok mbaridnak pidsa-ge Musa-nen mbaridnak wene na bem tel korarik, yak indil indil Mbal Pem Nagawan ene lomboksa yugwi nap oboksa-nen mbaridnak wene bem pil mborosolar-e, ”Iri nggal yosolat-nen yidnag-e” luk mul indil indil mbirij-o.

TUGURUK YIDNAK WENE 32:2

An-nen mul ondoso wene-ge talme nggal mbuma-o. An nene-ge lilangen nggal yung ndung mbuma-o. An nene-ge talme nggare nggare tusuangge bem mbuwaso nggal mbosolat, talme nggok yagidnak mende bem mbuwaso nggal mbosolat ma-o.