MIKA 5:3 - Nanduk Ngget Tul Pidnak Wene

³ Nde, amawi worak nap iri na lobok yosolar-e, at amawi bem-nen at nap tena onposolar-e, Nagawan Indo Embal Pem Nagawan-nen idnak amawi bem-net tena unpuruk wolma-o. Elem nap iri na tena unpuruk woralar-e, ir-e mondok kona yamuksa woragola karuk, yi wi ndi wi woragwi nap oboksa-nen yogolar-e: ”At iri-ge wir-o!” luk, kek tak pogolat wolma-o.

MIKA 5:3 ပူးပေါင်းရင်းမြစ်များ

NDAWI ENGGA 67:3

Mbal Pem Nagawan wa-e. Yi nap ndi nap enlem-nen kat nak kerembel wanuwag-o. Yi nap ndi nap enlem oboksa-nen kat nak kerembel wanuwag-o.

YESAYA 49:6

Nagawan Indo-nen an yak norosolar-e: ”Ndegel noboso nap wa-e. Yabu mondok nggok terak minik lombog-e kat-nen wanurak worasu-o. Kat-nen wanurak yabu-ge Yakup-nen wigarak erep minggirik ereba kek tak woraiga ereba na tuguruk kek tak onposolat, enma inpil mborosolat kwarurak iri nak worasu-ge lag-o. Alat nde, yi wi ndi wi oboksa-nen inmiri yuwakluk, an-nen kar-e ap enlem oboksa ennggendumu yaya rak kibimin-o” luk yij-o.

YEREMIA 23:5

Nagawan Indo-nen yosolar-e: ”Lud tak nak kwaroso nagawan Ndaut-nen wigarak misig-e an-nen nagawan lenak purak tarem-e wog-et ma-o. Nde, nagawan iri-nen-e indi nggat nggat pem-et o tena woralat, o siri oboksa ndemeret lud tak mot mor-et kwarosolat wolma-o.

YEREMIA 31:1

Nagawan Indo-nen yosolar-e: ”An-e Isarael nap enlem oboksa Enmbal Pem Nagawan kwat yosolat, it na an nilirak kwat yurak tarem-e wog-et ma-o.

YESKIEL 34:16

Nolomba pul yuwa-ge kore yosolat, nde, kabak yuwa-ge waruk lobok yosolat, e elem wiridnak ala-ge, kamarak posolat, ud ala-ge, obat wok tosolat kwarimin-o. Alat nde, omok worak nggok min amawi worak min-e an-nen lak tak pimin-o. Iri kwarimin iri-ge an-e lomba wam yik karok woraso nap konak nak kwaroso me, konag-et kwarosolat-nen kwarimin-o.

OSEA 11:8

Nagawan Indo-nen yosolar-e: ”Isarael wa-e. An-nen-e meme rak kobosolat, keya kobosolat kwarurag-e meya-o. Atma iri na lak tak pigi nggal lak tak kibimin-a? Semboim kwat ibigi nggal kwat kibimin-a? An-e kat kabuwa-ge mondok kwarat kasolat me, iri nggal-e mondok kwat kibimin pug-o!

OSEA 2:14

Nagawan Indo-nen yosolar-e: ”Iri bem-e at iri-ge an-nen nembaga waruk mbirimindik, indi yanggonosolat abuwa min-et wene yak timin-o.

OSEA 2:9

Iri bem-e yagidnak mbarugwi tarem-nen an-nen wok tidnak mende nggandum min anggut min iri-nen sum wol min linen-nen konidnak sum min at-nen yuruwakluk wok tigi ereba na-ge tuguruk lit yaga wanimin-o.

AMOS 5:15

Meya kwarugwi elem iri-ge kinsili rak puruk, konak kwarugwi elem irit nggok tak pogolat wolmer-o. Iri kwarogolar-e, mot mot kwarugwi elem iri nggok tak pogolat wolmer-o. Erep-nen-e Nagawan Indo-nen-e enlem Isarael nap marig-et keya inpidnak ereba-ge enabuwa yuwa-t nde ma-o.

MIKA 4:4

Ap oboksa enambiktak lombok-nen kona wene lak, yamuksa irit woragolar-e, anggut eyapmu-nen na irit, e ara eyapmu-nen na irit, yamuksa wolma-o. Nde, ap misik-nen mbi kwiye rak onpogolat wolma bug-o. ”Iri nggal kwasa wolma-o” luk, Nagawan Indo Mondok Amawi worak iri na-nen urul pij-o.

MIKA 4:7

Nde, it iri-ge tu entambet mbururak meya rak unpuruk, it woragwi sa enma keya buruk, nin sa worali-t nde, it erep keya inpidnak nap minggirik ereba-nen wigarak-nen-e enlem ngget irit kwarak inpimin-o. Iri yumu, it iri-nen-e ap enlem nggok, enmawi worak irit kwat ma-o. An-nen-e it tena unpuruk woralar-e, Sion ndobo bem iri me-net tena unpuruk, pem irit woramin-o” luk yij-o.

MIKA 5:7

Nde, Isarael nap enlem nin nap ennggendumu wolma ereba na-ge singa ndakngge wolma woraso mena enggendumu woraso nggal woragolat, lomba oro tusuangge taroso sa woraso nggal woragolat kwaruwa-o. Nde, singa lomba oro ereba na enggendumu nggosolar-e, lomba ereba na wutluk, lebena nasolat worala, ap-nen mbi emndam mengga keya burag-e meya-o.

MIKA 5:8

Nde, Isarael nap-nen-e it unuwim nab-e urugwe nggwe rak unpuruk, it oboksa mondok yigisa lak tak unpuwa-o.

MIKA 6:14

Kir-e nunggwi mende-ge nunggub-et nde, kinmbir-e ma bug-o. Pem irit nere nak woragub-o. Kir-e silobulo-ge mburunuruk mburugub-et nde, imiri mbara ndok wosa-ge pugup pug-o. Kit-nen ndok wosa pugup mende ereba na-ge an-nen wim pem yigisa keya bimin-o.

MIKA 7:13

Alat nde, o nggweyak yu perak ebem woragwi nap-nen meya kwat tenak woragwi ereba na-nen ndowaga umbuk ma-o.

MATIUS 1:21

La kwe iri-nen-e li ap mbi ndaguwa-o. At elem nap-nen meya yogolat woraidnak iri na inmiri yaga wok unduwa me, unu-ge Yesus-o luk yarugun-o” luk yij-o.

MATIUS 12:50

An Neid aid arem woraso na indi-n pidnak nak kwatli nab-e iri-ge nowottak li ap min nowottak li kwami min an niya min-nen yusu-o” luk yij-o.

MATIUS 25:40

Yak togolikma-ge, Nagawan na-nen wene erep nggarosolar-e: ’An-nen yak kendeyeg-o: An nowot-tak marik komosa meya misik iri na iri nggal kwat ibigep iri-ge an-et kwat nibigeb-o!’ luk yuwa-o.

OROMA 8:29

Nanduk-net Mbal Pem Nagawan-nen it len inpid iri-ge at Ambara Yesus Kerisut abage nggal kwat mag-o luk obi-net lud tak pid iri bem-nen at anggamirak kwarat ennggendumu at Ambara na manggu nderak makluk len inpij-o.