MIKA 5:2 - Nanduk Ngget Tul Pidnak Wene

² Iri kwarak me, Nagawan Indo-nen-e at ilirag-e keya nak unpuwama, it unuwim nap-nen tebel unpuruk irit worakmu, amawi worak nap iri na ija kwat mag-o luk lenak pidnak iri na-nen-e amawi worak nap iri na ndet ubuwama, at elem nap mbo inpidnak sa worali ereba na-ge it enlem ereba na inmin tuguruk misiget tak unpuwa-o.

MIKA 5:2 ပူးပေါင်းရင်းမြစ်များ

NDAK WIRIDNAK WENE 35:16

Iri na kwatluk ombol nggwe-ge Yakup iri na-ge at-nen lit unpuruk ap erep ereba na inmin-e Mbetel-nen mborogolat o Eperata wok yigit lak awo ma irit mburukmu-ge, kwe Arakel iri na-ge la ndagurak yane wirij-et nde, ndakit lak yane nak wat tenak woragij-o.

NDAK WIRIDNAK WENE 35:19

Iri luk, Arakel iri na wat yosola-ge, o Eperata mburugwi tula ambanggoma irit yapma biga-o. Nde, iri na me unu yawo-nen yogolar-e, Mbetleyem yili irir-o.

NDAK WIRIDNAK WENE 48:7

Nde, an-nen iri kwarusu iri-ge kiya Arakel amanggim-et kwarusu-o. Nde, an-e Mesopotamia-nen tuguruk lobok yosoma, kwe Arakel na-ge o Kanaan nggweyak pem wat yamu, nindi puru min-et Eperata mburugwi tu mbanggoma yapma pigi-o” luk yij-o. (Nde, Eperata-nen-e iri me-ge erepma-ge lag-o. Nde, Eperata na-ge yawo-nen-e Mbetleyem yugwi-o.)

NDAK WIRIDNAK WENE 49:10

Yewura-ge nagawan-nen tena woragwi wangun tena wolma-o. At-nen wigarak-nen o tena woralar-e, pem-et woralik nalik irit wolma-o. Worala-ge, yi ap ndi ap oboksa-nen-e ar-e ombol nggwe yidnak pem tol eram pogolat, at indipma nak tebe rak wolma-o.

NDAWI ENGGA 132:6

Urul pidnak wene labu mbarak iri na obog-e Mbetleyem-nen kuligerik, Yat karu me iri me-nen kaige-o.

NDAWI ENGGA 90:2

Ndobo ndak wirigit lak ma, nggweyak min o yu min kwarak pigit lak ma-ge, kar-e woroksiyem na lak, tel kwiridnak na lak, kar-e pem irit woraso-nen yusu-o.

MBIRIGA WENE 18:21

Iri-ge kwarosolar-et nde, eralu-ge kat-nen it ennggendumu ap indi nggat nggat worak lenak unpuruk, ereb-e ap seribu (1000) enanggul pem lenak unpuruk, ereb-e seratus (100) enanggul pem lenak unpuruk, ap ereb-e lima pulu (50) enanggul pem lenak puruk, ap ereb-e ap sepulu enanggul pem lenak onposolat kwari-o. Nde, it len unpugun iri-ge Mbal Pem Nagawan indi aye worak nap, ap erep-nen ob-er-o enperagwi nap, uang lesa wanugwi buk nap, ab-e iri nggal-et lenak unpurag-o.

MBIRIGA WENE 18:25

Isarael nap ennggendumu indi nggat nggat worak ereba na lenak unpurug-e, ereb-e ap seribu (1000) enanggul pem mendak onposolat, ereb-e ap seratus (100) enanggul pem mendak onposolat, ereb-e ap lima pulu (50) enanggul pem lenak onposolat, ereb-e ap sepulu enanggul pem lenak onposolat kwarij-o.

YESAYA 11:1

Ndaut-nen wigarag-e e ndaridnak undugul iri nggal-nen yusu-o. E ndaridnak undugul pem-nen isit laso iri nggal, Ndaut-nen wigarak enpem-nen nagawan misik men ma-o.

YESAYA 53:2

Nagawan Indo indi-n perasolar-e, at ndegel oboso nab-e e isit nggal nggweyak amburu lak pem tanggal momtak perasu-o. Nit-nen nenlengen mberensa yik kudtak at ebem konak mbi woragit lag-o. Ninndi at ebem puwakluk, inndi wanoso mende mbi at ebem woragit lag-o.

YESAYA 55:4

Ap enlem erep-nen an namawi iri na at ebem kujwaklug-e, an-nen-e Ndaut iri-ge ndemeret nagawan tak posolat, san ombo onowe rak posolat kwarukmu-o.

YESAYA 7:14

Yawo-ge Nagawan Indo ondomok-nen kit-nen yenggerak purak mirik Konposolar-e: kwe ndugum abila misik-nen liap misik ndaguruk, unu-ge Imanuel yaruwa-o.

OSEA 6:3

Iri bem-e, nir-e mondok ndemeret ndemeret Nagawan Indo nenaru yurak pem nenmawi kunduwog-o. Ndemeret Nagawan Indo nendam lobok yosolar-e, o kil poso nggal, o sumbat woraruk, nggaruksa talme nggok mbosolat nggweyak piri rak poso talme nggal irit nendam lobok yuwa-o” luk yiga-o.

AMOS 9:11

Nagawan Indo-nen yosolar-e: ”Ndaut-nen tenagidnak wi iri na-ge an-nen tuguruk nanduk woraso nggal ondolma rak purak tarem-e wog-et ma-o. Nde, yawo-ge at-nen tenagidnak wi iri na-ge o tud yidnak nggal tud tak worasu-o. Alat nde, an-nen-e o iri na worosolat, kebet tuguruk konimin-o. Konumu-ge, o iri-ge nanduk worasu iri na nggal-et ondolma rak pimin-o.

MIKA 4:10

Yerusalem woragwi nap wa-e. Yawo-ge kunuwi siri keya buruk, nembaga karu me ereba na me woragup pem-e kweyap-nen li ndakolat andi bandisa yane wurugwi nggal yane wiri-o! Kir-e mondok Mbabel mbururag-o. Alat nde, iri me-nen Nagawan Indo-nen-e kunuwim nap ininggem-nen lerak kunpuwa-o.

SAKARIA 9:9

Sion woragwi nap wa-e. Kenalin kenalen mber-o! Yerusalem woragwi nap wa-e. Kenalen-nen kinni kenne mber-o! Yik ker-o! Kit-nen idnak nagawan-e ombol nggwe luk lobok yusu-o! At iri-ge mot mot nak kwaroso nagawan inmiri yoso elem waruk lobok yusu-o. Alat nde, ar-e indi teberak pem-et wok yosolar-e, kelerai awo mendaso mbi ebem koreluk lobok yusu-o.

MATIUS 2:1

Nagawan Erores worasola tarem-e Yurea nggweyak pem-o Mbetleyem iri me-nen Yesus ndet yij-o. Nderak worala-ge, mo luwaso sa-nen wonaru mbenarugwi nab-e Yerusalem wok yogolat-nen

MATIUS 2:6

”Kat Yewura nggweyak pem woraso Mbetleyem wa-e. Yewura nap nagawan ennggendumu-ge kar-e marig-e lag-o. Kat karem-nen nam yosolar-e, an nilirak Isarael nap ndemil unpuruk nosolat, togwat unpurak nap mbi nam ma-o” luk mbaridj-o.

MATIUS 28:18

Nde, Yesus na it endam panggo yosolat-nen it yak ondosolar-e: ”Aid arem amawi min nggweyak ma amawi min oboksa-ge an ninggem pidnak-nen yusu-o.

LUKAS 23:2

Puruk, it-nen enesiget wene at ebem pogolar-e: ”Ap yu-ge nit nenlem nap inndi kabak tak posolat, ’Nagawan Kaisat amanggim tol purak pug-o’ luk yak ondosolat, ’Nagawan Kerisut iri-ge an-net yusu-o’ luk yosola kulige-o” luk yiga-o.

LUKAS 23:38

Yesus anggulnduk engga mbara pogolar-e: ”At yu-ge Yawuri nap nagawan-nen yusu-o” luk mbara piga-o.

YOANES 7:42

Mbal Pem Nagawan engga bem-nen yosolar-e: ’Mesias iri-ge Ndaud-nen wigarak, Ndaud ama Mbetleyem-nen ndet ma-o’ luk yij-o” luk yiga-o.

KOLOSE 1:17

Yi mende ndi mende ndak worak pigit lak ma-net ar-e worasor-o. Nde, yi mende ndi mende oboksa-ge at ebem-net worasu-o.

IBERANI 13:8

Yesus Kerisut-e tono-n na irit, yawo-n na irit, abok woralik nalik worasolat-nen na irit, nin yoso buk, iri na-t woraso-nen yusu-o.

IBERANI 7:14

Nde, nit Nenagawan Indo iri-ge elem-e Yewura nab-o luk ap pidsa nenaru nar-o. Nde, Musa-nen-e tepan omborak-nen kwarurak wene mbarosolar-e, enlem Yewura nap ri unnu mbi yoso bug-o.

1 YOANES 1:1

Engga yu arem-e unlug-et woragwi elem wok ondoso Wene iri owene mbatli-o. Nde, Wene iri-ge tel kwiridnak kuri-net woraso-o. Wene iri na nir-e ene kologolat, nondomok nenlengen-nen kagolat, nenlengen nomosa yik karok woragolat, nininggi-nen tena obogolat yige-o.

NAM PARA WENE 19:16

Nde, at usum pem min at awak pem min-e at unu-ge ”Nggweyak ma nagawan oboksa onmbol pem Nagawan-o. Ap nggok oboksa onmbol pem Nagawan Indo-nen yusu-o” luk mbarag-o.

NAM PARA WENE 2:8

”Simirina woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge at tel koroso min min woroksiyem min, wat lug-et nde, tuguruk uruk yidnak nap iri na-nen yidnak wene-o.

NAM PARA WENE 21:6

Iri yuruk, at-nen tuguruk yosolar-e: ”Abu ndak yij-o. Nde, an-e Tel Koroso min Woroksiyem min-nen yusu-o. An-e Nanduk-net Woraso, Abok-nen na irit Woramin Nagawan Indo-nen yusu-o. Yi nere kagwi nab-e an-nen we onggo lag-et mak ondosolar-e, unlug-et woragwi yi ulusu na kenangga mak indimin-o.

URUT 1:1

Nde, nanduk Isarael nap ennggendumu nagawan mendak unpugwi lak woragola tarem-e Kanaan wi-ge nogoro mondok kwiye worak irit mbud yij-o. Nde, iri tarem-e ap misik unu-ge Elimelek irit woragij-o. At iri-ge Eperata nap, Yewura nggweyak pem o Mbetleyem woragij-o. Nde, iri me mondok nere kwiye worak mbud yosola-ge, ogwe Naomi min enmbararak mberen Maklon min Kilion min inmin Moap wi mberarik, ereba me worakmu-ge,

URUT 4:11

Iri yosola, enne kulugwi nap min ap erep ereba me woraiga ereba na min-nen yogolar-e: ”Iri-ge mondok kaige-o. Nde, Nagawan Indo-nen kogwe iri-ge Arakel min Lea min-nen inlirak kwarat Yakup ndet tiga ereya na nggal Nagawan Indo-nen kwarak ubuwag-o. Ap suwon Eperata kennggendumu-nen-e kar-e yi mende ndi mende bem-e ndak worala, Mbetleyem iri me-nen kanggu kobok mburuwag-o.

1 SEMUEL 10:19

An-nen-e kit yane wurugwi min andi bandi kagwi min oboksa arem-nen wisirik konposo-t nde, kit yawo-ge an-nen nagawan misik kennggendumu lenak purak nggi yak norogolat, Kenmbal Pem Nagawan an-e keya nibili-o. Iri ala ge, ob-o. Yawo-ge kit-nen idnak Nagawan Indo an neram kenlem lombok ndok werer-o’ yij-o” luk yak indij-o.

1 SEMUEL 17:12

Nde, Ndaut iri-ge Eperata nap Isai ambara Yewura nggweyak pem Mbetleyem iri me woraso-o. Nde, Isai ambara-ge ap nak delapan irit woragij-o. Nde, Saul nagawan worasola tarem-e Isai iri-ge abu indi worak irit woragij-o.

1 SEMUEL 17:18

Iri-nen it enanggul pem san ombo onowe amanggim keju sapi wam amburu-nen konidnak mende sepulu yu min-et waruk mbiri-o. Iri yosolar-e, kowerak worali wene kin wanurag-o. Kin wanuruk, lobok yosolar-e: ’Ir-e konag-et unluk ndigirig-et worali-o’ luk yebet kasolat, kat na it endam-et wok yigen-o luk yebet kayek-nen yenggerak purak mende it-nen pidnak min-et waruk lobok yurag-o.

1 SEMUEL 8:12

Nde, ereb-e san ombo enpe seribu (1.000) enanggul pem san ombo onowe rak onposolat, nde, ereb-e ap san ombo lima pulu (50) enanggul pem kek tak onposolat kwaruwa-o. Iri-nen at amanggim nggweyak yalurak watsa enpem posolat, at eyapmu yagidnak ereba na ogwere yosola, mbara uburak enpem posolat, at amanggim tup san kwarogolat, wim koma konurak mende ndak worogolat kwarurak irit enpem puwa-o.