MIKA 5:1 - Nanduk Ngget Tul Pidnak Wene

¹ Nagawan Indo-nen yosolar-e: ”Mbetleyem Eperata wa-e. Kar-e Yewura nggweyak pem-nen o siri kunu lak, marig-et nde, kat kebem-nen Isarael tena unpuruk wolmomtak nagawan amawi worak misik mendak pimin-o. Nde, at iri-ge mondok o nanduk ereba na-net woraso-nen yusu-o” luk yij-o.

MIKA 5:1 ပူးပေါင်းရင်းမြစ်များ

NDAK WIRIDNAK WENE 35:19

Iri luk, Arakel iri na wat yosola-ge, o Eperata mburugwi tula ambanggoma irit yapma biga-o. Nde, iri na me unu yawo-nen yogolar-e, Mbetleyem yili irir-o.

NDAK WIRIDNAK WENE 49:10

Yewura-ge nagawan-nen tena woragwi wangun tena wolma-o. At-nen wigarak-nen o tena woralar-e, pem-et woralik nalik irit wolma-o. Worala-ge, yi ap ndi ap oboksa-nen-e ar-e ombol nggwe yidnak pem tol eram pogolat, at indipma nak tebe rak wolma-o.

1 NAGAWAN NAGAWAN-NEN KWARIDNAK WENE 22:24

Iri yosoloma, iri nggal kwat ma-o luk urul poso nap Sendekia-nen-e Mika eram panggosa lasolat, inggi nggambu Mika erare lel kasolat-nen yak tosolar-e: ”Nagawan Indo Indi-ge an-e keya nuburuk, kat nak wene yak kirij-a?” luk yak tij-o.

NGGOMO WENE 8:23

An-e o nanduk ereba-net kwarak nibidnak-nen yusu-o. Nanduk o yu ndak wirigit lak ma-net kwarak nebamu-o.

YESAYA 33:22

It-nen idnak yi koma ereba arem yi mende ndi mende lid lud tak pidnak ereba na-ge ebe lak mende nde kwat ma-o. Kona mburuwakluk o wija-nen wat kaso sum ereba na-ge wesera wigak tak purag-e meya ma-o! San ombo ap kere kwarat ereba na enarengge mondok kwarat nit-nen ndena wanogolar-e, ap onowak wat, yidnak woragwi tet ininggem ma-o. Iri tarem-e Nagawan Indo ar-et nennggendumu nagawan kwat yosolar-e, at-nen tena nonposolat, ninmiri yosolat ma-o.

YESAYA 8:9

Ap enlem oboksa wa-e. Kwiye min-et ndok werer-o! O kuri ap kuri woragwi nap wa-e. Kwara koler-o! Wim nggurak lid lud tak pogolar-et nde, kinndi-ge ndorosola-net kwarer-o! Ye, lid lud tak pogolar-et nde, kinndi-ge kwiye min-et kwarer-o!

YESAYA 9:5

Nde, san ombo unuwok sum ene mbirip mbirip mbitli min unsum ap eneyabi-nen kobong tak ereba-ge ndag-et nak pagurak kumusuwe nde kwat ma-o.

NDANIEL 9:25

Yu-ge kwara karu yosolat, kwara yebet ki-o. O Yerusalem iri na tuguruk wururak wene wirik posola tarem-nen ap lit unpuruk mbururak nap Mbal Pem Nagawan-nen lenak pidnak nap lobok yuwa kuri-ge olengen tuju kali tuju irit wolma-o. Nde, Yerusalem iri me tuguruk worogolar-e, tula ereba na-ge tuguruk yakolat, kurak yil mburugwi ondoro ereba na-ge tuguruk worogolat wolmarik, olengen tuju kali enam pulu dua (62) ereya wolma-t nde, ereya tarem-e mondok angin worak tarem-er-o.

YOEL 3:9

Wene yu-ge ap oboksa ennggendumu kuluwakluk yak undurag-o: ’Wim nggurak lid lud tak per-o! San ombo enmawi worak yonggo unpuruk, san wari oboksa min kenmawi kunduruk mondok kenanggul tak per-o!

AMOS 2:3

Moap iri me tena woraso nagawan min at eyabu wanugwi ap yok nggok oboksa min indimin-o” luk yij-o.

ABAKUK 1:6

Enlem Mbabilonia nap insilepma worak-nen eneyak mbuk worak iri-ge an-nen-e it iri-ge ap enlem mondok enmawi worak tak irit unpusu-o. It iri-ge unuwi nggweyak pem-net obo nesa keya buruk lobok yogolar-e, ap enlem erep ereba na urugwe nggwe rak unpuwokluk yi wi ndi wi oboksa waring kali-o.

ABAKUK 3:16

Iri kwarigen wene kulurug-e, an-e lele yosolat, nindi min ndirij-o. Iri yosolar-e, mondok namawi lak, ndeyak irit yigi-o. Nowak uruna lasolar-e, kwara kondoksa mburusu bug-o. An-e an nimin wim mbarugwi nap ereba na Mbal Pem Nagawan-nen angin worak mberak puwa iri na-t yik karok nindiyabu worasu-o.

MATIUS 26:67

Iri luk, it-nen-e wusi tebara at erare bem pogolat, ininggi-nen at nduk puk worogolat kwarukmu-ge, it erep na-nen at worogolat-nen

MATIUS 27:30

Iri yuruk, wusi tebara ebem puruk, wangun iri na waga at anggulwak lel kaiga-o.

MATIUS 5:39

Alat nde, an-nen yak kendeyeg-o: Kit meya rak konpogola-ge, kit-nen na onggo it meya rak unpurak pug-o. Are, ap misik-nen nde kerabengan kigit nggwe nde lel kasola-ge, kar-e kerabengen ponok nggwe na min-et nuk kudtag-o.

YOANES 18:22

Iri yosoloma-ge, iri me towarak woraso nap misik-nen at inggi mok pem-nen Yesus erare lel kasolat-nen at yak tosolar-e: ”Kar-e tepan ombo nggulok imin-e kwiye lag-et iri nggal yoso-a?” luk yij-o.

YOANES 19:3

at eram lobok yogola-nen yogolar-e: ”Yawuri nap nagawan wiwa-o!” luk ininggi nggambu lel kagolat woraiga-o.

YIDNAK YIDNAK WENE 23:2

Yosoloma-ge, tepan ombo nggulok Ananias-nen Paulus eralu mendak ereba na yak ondosolar-e: ”Emende lel ker-o” luk yak indij-o.

2 KORINTUS 11:20

Nde, ap-nen unlugwe nggwe rak konpogola-t nde, kenarengge mberek togola-t nde, yemen kunpuruk woragola-t nde, tebek tak konpogola-t nde, ininggi nggambu kentare lel kagola-t nde, kit-nen iri kwat kunpugwi nap inmin-e kinndi luruk puruk worali-o.

TUGURUK YIDNAK WENE 33:27

Mbal Pem Nagawan-e pem kit nggetlel kunpuruk woraso-nen yusu-o. Pem woraso erabit pem kit yogo kunpuruk worasu-o. At-nen kunuwim nap kenndam-nen maga wirik onposolar-e, ”Mondok lak tak enper-o” yak kindij-o.