MIKA 3:2 - Nanduk Ngget Tul Pidnak Wene

² kir-e konak kwarurak iri na-ge kinsili rak nde pili-o. Nde, meya kwarurag-e kinndingen nde yusu-o. Kit-nen-e an nelem nab-e unlug-et woragola, enaboro nggorogolat, onowak pem-nen ununo lobonogolat kwatli-o.

MIKA 3:2 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 21:20

Nde, Akap-nen Elia karuk, yak tosolar-e: ”Nuwim nap wa-e. Kar-e an nebem kore yurak lobok yusu-a?” luk yak tij-o. Yosoloma-ge, Elia-nen yosolar-e: ”Ye! Ndemerer-o. Nap kar-e mondok kindi-net wat tak puruk, Nagawan Indo erengen pem mondok meya nggok kwaridnak me,

NDAWI ENGGA 15:4

at erengenma-ge meya kwaroso nap na isili min yik kasolar-et nde, Nagawan Indo unu aye kagwi nab-e kek tak onposo nap, At-nen owak mbarak pidnak wene iri-nen at meya rak uburag-et nde, iri na tena woraso nap,

YESKIEL 34:3

Nde, konlomba ereba agamo amburu-ge kir-et nonggolat, usu bem-e kit-nen yurugwi sum yakolat, lomba wam mondok nggog-e kit-nen wutluk nili-o. Alat nde, kit-nen-e lomba ereba-ge mondok ndigitli bug-o.

AMOS 4:1

Mbasan woraso sapi wam nggal yok nggok enagil lobok yili kit Samaria kweyap konmok worak wa-e. Kit-nen-e it enmawi lak ereba na-ge lel mberel onpogolat, enarengge lak nap ereba na enarengge ondoro rak pogolat, kununtak inmin: ’Indi nden kaso yi nenmanggim lid lud tak per-o’ luk keresa yak ondogolat kwat tenak worali-o!

AMOS 5:15

Meya kwarugwi elem iri-ge kinsili rak puruk, konak kwarugwi elem irit nggok tak pogolat wolmer-o. Iri kwarogolar-e, mot mot kwarugwi elem iri nggok tak pogolat wolmer-o. Erep-nen-e Nagawan Indo-nen-e enlem Isarael nap marig-et keya inpidnak ereba-ge enabuwa yuwa-t nde ma-o.

MIKA 2:8

Yogola, Nagawan Indo-nen onggo yosolar-e: ”Kit yu-net wim nap nggal kwatluk, an nilirak inmin wim mbatli-o. Nde, ap wim tumbutluk lobok yogolar-e, ’Yawo-ge o ma-t yamuksa woramin-o’ peraruk lobok yosoma-t nde, kir-e unuwi mengga wanuwokluk nde pak tak worali-o.

MIKA 7:2

Nde, mot mot kwarugwi nab-e it woragwi sa-nen mondok lak yili-o. Nde, tugup lak Mbal Pem Nagawan-nen yidnak yidnak kwarugwi nab-e mondok misik mbi eneyagup pug-o. Nde, ap ondomoktak-nen-e ap wururak pem ondoro terak mbi wok yosola-nen unduwom-o luk yik karok worali-o. Ap ondomoktak-nen ennggamirak enmanggim sabu logo pil lobok yigarik worali-o.

MIKA 7:3

It oboksa-nen meya kwarurak pem-e mondok kwara enaru yidnak worali-o. Yabu winde min ap enpem wene mbenarugwi nap min-e meya lugud tak kwarurak pem uang nggi yili-o. Ap oboksa-nen enne kulugwi nap ereba na-nen-e it inndi-nen pidnak iri na-t amawi rak pogolat lambuksa wene mbatli-o.

LUKAS 19:14

Alat nde, ap kek tak na elem nap-nen at insili rak puruk, at imbirik ap wirik onpogolat-nen yosolar-e: ’Ap iri-ge nit nennggendumu nagawan mendak purag-e ninmbir-o’ luk yiga-o.

YOANES 18:40

Yak ondosoloma-ge, it pidsa-nen enne nggoksa yogolar-e: ”Lag-o! At iri-ge lag-o! Mbarabas irit wesel nindi-o!” luk yiga-o. (Nde, Mbarabas iri-ge yariya wanoso nab-o.)

YOANES 7:7

Ki nap pidsa-nen-e kir-e insili rak kunpuwa bug-et nde, an-nen-e: ’Kit-nen kwatli mende meya nak kwatli-o’ luk yak undusu me, insili rak nibili-o.

OROMA 1:32

Mbal Pem Nagawan-nen imiri mbarak pidnak wene-nen yosolar-e: ”Iri nggal kwarugwi nab-e mondok wat ma-o” luk yidnak iri-ge ir-e enaru-net nde, iri mende nak kwat tenak woragolat, nde, ap erep-nen na iri nggal kwarogola inndingen kali-o.

OROMA 12:9

Ap enabuwa kagolar-e, ndemeret kinndi min-et enabuwa kudtag-o. Meya mende kinsili rak puruk, konak mende iri nak tena wolmomtag-o.

2 TIMOTIUS 3:3

ap enabuwa na kagwi buk yogolat, kuri wat yogolat, ap unnu komorogolat, yanggo na yugwi buk, insilepma worak woragolat irit ma-o. It-nen-e konak kwarurag-e insili rak pogolat,