MIKA 3:11 - Nanduk Ngget Tul Pidnak Wene

¹¹ O siri ereba tena woragwi nap-nen-e o tenakolar-e, uang lesa wanurak pem nak o tena worali-o. Nde, tepan ombo-nen Nagawan Indo-nen imiri mbarak pidnak ereba na ap mul indili-ge onggo wanurak pem nak mul indili-o. Nde, Mbal Pem Nagawan ene lomboksa yugwi nap-nen Nagawan Indo-nen mirik unpuwakluk nggi yili-ge uang lesa wanurak pem nak nggi yili-o. Nde, it oboksa-nen iri nggal kwarogolar-e, it inndi-nen yebet kagolar-e: ”Nagawan Indo-ge nit nennggendumu worasu-o” luk yebet karug-e, it-nen yogolar-e: ”Nagawan Indo-ge nit ninmin worasu-o. Nde, iri ala-ge, nit nenpem-e lak tak onposo mende-ge mbuma bug-o” luk yili-o.

MIKA 3:11 ပူးပေါင်းရင်းမြစ်များ

YESAYA 1:23

Kit-nen idnak enne kulugwi nab-e wene eyak worogolat, yariya wanugwi entep kwarogolat, yi mende ndi mende min tol min lesa wanogolat kwatli-o. Wene mbenarugwi sa-nen wene mbenarogolar-e, li mul ineid iniya lak ereba na onowene kona mbarurak keya bogolat, kweyap togwe onowene konurak yak ondogola na kwara enne kuligit lak yogolat kwatli-o.

YEREMIA 23:17

Nde, it ereba-nen ap an nene kulurak insili yili nap yak ondogolar-e: ’Kir-e konak irit woragub-o’ luk yak ondogolat, nde, ap wene kulugwi buk ereba na yak ondogolar-e: ’Kir-e lak tak kunpurak mende-ge kenpem mbuma bug-o’ luk yak indili-o” luk yij-o.

YEREMIA 26:7

Nagawan Indo ama-nen yigi wene oboksa-ge tepan ombo min Mbal Pem Nagawan ene lomboksa yugwi nap min ap oboksa min-nen-e kulurug-e,

YEREMIA 7:4

Enesiget yugwi nap-nen yogolar-e: ”Nir-e yamuksa worali yu-ge ndemeret Mbal Pem Nagawan uwi-net yusu-o!” luk watsa kenan pem-et yogola-ge, ndemerer-o luk, kulurak pug-o.

YESKIEL 34:2

”Nggweyakma nap, lak yoso wa-e. Isarael nap nagawan nagawan ereba innggiri wiri-o. It yak ondosolar-e, Nagawan Indo Mondok Kek tak an-nen it yak undusu wene yu kwara yak indi-o: ’Isarael nap yik eneyarok woragwi nap wa-e. Kir-e kit kondomok kenmanggim nak nggok tak pili-o. Alat nde, kit konlomba amanggim-e nggok tak pili bug-o. Iri kwatli bem-e mondok lak tak kinpimin-o.

OSEA 4:18

Ir-e anggut engen kwarat nuruk, inndi nden kaidnak me, mondok enalen pem mbabi kwaril nili-o. Ir-e it kek tak unpurak iri na-ge insili rak puruk, pesel unpurak irit indingen tak pili-o.

OSEA 4:8

Kir-e an nilirak-nen meya kwarugwi bem yi mende ndi mende ombo yogolat me, kit-nen-e an nilirag-e meya nak kwat tenak wolmag-o luk perali-o.

AMOS 5:14

Kit kunlug-et wolmoklug-e meya-ge kwat tenak wolmomtak pug-o. Are, konak kwarurag-et kenmawi kondogolat wolmer-o. Iri kwarogola-ge, kit-nen yili ndak ndag-et Nagawan Indo Mbal Pem Nagawan Mondok Amawi worak iri na-ge ndemeret kit kennggendumu wolma-o.

AMOS 9:10

Nde, an nilirak ereba na ennggendumu worali meya yugwi nap ereba na-nen yogolar-e: ’Mbal Pem Nagawan-nen-e lak tak onposo mende-ge nit nenpem mbumakluk keya nunpuwa bug-o’ yili-t nde, it iri-ge ndemeret wim pem-nen unduwa-o” luk yij-o.

MIKA 3:5

Ennesiget Mbal Pem Nagawan ene lomboksa yugwi nap ereba-ge onggo wok ondogola-ge, ”Kir-e yamuksa woragub-o” luk wene yak ondogolat, nde, onggo wok indigit lak nab-e inmin sirid mbarogolat ereba kwat onpogolar-e, an nelem nap enmberam lali-o. Ennesiget Mbal Pem Nagawan ene lomboksa yugwi nap ereba nggal ereba na Nagawan Indo-nen yak ondogolar-e:

MIKA 7:3

It oboksa-nen meya kwarurak pem-e mondok kwara enaru yidnak worali-o. Yabu winde min ap enpem wene mbenarugwi nap min-e meya lugud tak kwarurak pem uang nggi yili-o. Ap oboksa-nen enne kulugwi nap ereba na-nen-e it inndi-nen pidnak iri na-t amawi rak pogolat lambuksa wene mbatli-o.

MALEAKI 1:10

Nagawan Indo Mondok Amawi worak iri na-nen yosolar-e: ”Kir-e wewesa an namanggim wam wosa kan pugwi ondoro iri na me-ge kan amare rak perenak woragup naru, an nuwi iri-ge mondok tu lerak puruk keya burag-e mondok konag-o. An-e kit yik kiniyudtak na mondok nisili-o. Kit-nen an namanggim pili mende na wanurag-e mondok nisili-o.

MALEAKI 2:9

Kir-e an nindi-nen pidnak ndak ndak kwarigit lak yogolat, kit-nen an nilirak Isarael nap mul ondogolar-e, ap len len kwatli iri bem-e an-nen Isarael nap enarem yabu wanosola, Isarael nap-nen-e kir-e enlengenma nggal tak kunpuwa-o” luk yij-o.

WONARIDNAK WENE 22:7

Iri yosoloma, wene na waruk Moap nap min Mirian nap min ennggendumu-nen enne kulugwi nap ereba na-ge Isarael nap inmbiri lamut tak purak pem onggo min Mbileyam eram wirik inpij-o. Iri yamu, Mbileyam eram wok yogolar-e, Nagawan Mbalak-nen wene wosa pid wene ereba na yak tiga-o.

MATIUS 3:9

Kit-nen peragolar-e: ’Abaram iri-ge nit nonmbo-nen yusu-o’ luk purudtak pug-o. An-nen yak kendeyeg-o. Mbal Pem Nagawan-nen-e kerep yeba bem-nen Abaram-nen wigarak nap nggal kwasa ndak worak unpurag-e ndak-net yusu-o.

1 TIMOTIUS 3:3

anggut engen amburu ndonggosa naro buk nap, isilepma yoso buk nab-et nde, indi yangonak nap, ap lambuk tak onposo nap, uwang nggok tak poso buk nap,

TITUS 1:11

Ap iri nggal yugwi iri-ge mondok enmende nggulurag-o. It-nen mul undugwi yugwi buk wene iri bem-nen-e ap kwarat onkwe la ndomok inmin nari wari rak inpili-o. Nde, it iri kwarugwi iri-ge uwang lesa terak mena wanurak pem-nen iri yili-o.

1 PETERUS 5:2

Mbal Pem Nagawan-nen kininggem pidnak lomba wam iri na towarak woragolar-e, Mbal Pem Nagawan indi-n pidnak ndak ndag-et kwarogolar-e, kinsili lag-et, kenalen min-et yik karok wolmer-o. Nde, yik karok woragolar-e, onggo wanurak pem nak-nen yik karok wolmomtag-e lag-o. Are, ndemeret kinndi-nen ndegel enpeyeg-o peraruk-nen ndegel unpurag-o.

YURAS 1:11

It iri-ge Kain-nen mbiridnak tu na nggwe mbiriga-o. Iri-nen Mbileam-nen onggo waneyekluk enesiget wene yid nggal, it-nen na iri nggal kwariga-o. Iri-nen Kora-nen Mbal Pem Nagawan-nen yidnak wene kuruk tidnak pem at lak tak ibid nggal, it-nen na Mbal Pem Nagawan ene kuruk togola, lak tak inpid nap iri-ge enabuwa-o!

1 SEMUEL 8:3

Alat nde, it mberen ya na-ge ineid-nen kwaroso nggal-e kwarigit lag-o. Are, it ondomok enmanggim nak uang ndok wuruwaklug-e ap enpem wene mbenarogolar-e, onggo lesa wanogolat, ap enpem wene mot mot mbarugwi iri na-ge lugud tak pogolat woraiga-o.