MIKA 2:9 - Nanduk Ngget Tul Pidnak Wene

⁹ An nilirak ereba na ennggendumu-nen kwami-ge unuwi inndi kundik ereba na me-nen langgara wirik onpogolat, an-nen it inlirak ereba na imbiringgat wok indidnak ereba na-ge kir-e abu abu mengga wanili-o.

MIKA 2:9 ပူးပေါင်းရင်းမြစ်များ

NDAWI ENGGA 72:19

At unu kek tak pem-et woralik nalik ma iri nak erembel wanurag-o. Yi wi ndi wi oboksa-nen at abinal-nen kobong mag-o! Iri nggal-et kwat mag-o! Amin-o!

YOEL 3:6

Nde, Yewura woragwi nap min Yerusalem woragwi nap min-e it unuwi nggweyak pem-nen nin sa wok unpuruk mbirigepndik, Yunani nap enpem onnggo wanigeb-o.

AMOS 2:7

It-nen-e ap enmawi lak, at-nen kwarurak enmawi lak ereba na lel mberel inpili-o. Insilobulo lak nab-e pelek pelek wirik onpogolat kwatli-o. Ineidtak-nen na irit, enmbararak-nen na irit, ndegel onposo kwe misik iri na imin nak nene yogolar-e, an nunu marak iri na-ge emben to rak pili-o.

MIKA 2:2

Ereba na kwarogolar-e, it-nen nde yabu misik wanurak perarug-e, yabu iri na-ge mengga wanogolat, nde, it-nen nde o misik ukwe perarug-e, o iri na ndela nggogolar-e, iri me woragwi nap ereba na enarengge enmawi bem mengga wanogolat, enpe na lel mberel onpogolat, kwat tenak woragola, enarengge wanili nab-e yamuksa worali bug-o.

ABAKUK 2:14

Yi koma ereba-ge yi nak-nen kobong tak worasu nggal, iri nggal-et Nagawan Indo kek tak woraso obok enaru yugwi iri na-nen nggweyak ma yu me kobong ma-o.

MATIUS 23:13

”Kenesiget siget kwarugwi nap kit imiri mbarak pidnak wene kenaru nap nde Parisi nap nde wa-e. O, kenabuwa-o! Kir-e ap enabuwok Mbal Pem Nagawan-nen tenagaidnak wi tumende nggela labuk yili-t nde, kit-nen nggugwi na lak, nde, nin nap-nen ngguwokluk yidnag-et nde, kit-nen tu nggela labuk yili-o. [

MARAKUS 12:40

It-nen kweyap togwe enmberam lagolar-e, it unuwi mengga wanogoluk, it meya yidnak iri na lumurogolar-e, tepan mondok mot lit karuk mburugwi-o. Nde, iri kwatli nap iri-ge angin worak mende mondok enpem puwa-o” luk yij-o.

LUKAS 20:47

It iri-ge kweyap togwe na onmbol pem lagolat, it unuwi mengga wanugwi-o. Nde, it-nen meya kwarugwi na lumurogolar-e, ir-e tepan mot pare lit karuk mburugwi-o. Iri kwatli iri-ge it enpem-e wene angin worag-et mbaruwa-o” luk yij-o.

2 KORINTUS 3:18

Iri ala-ge, nit oboksa sum nentare bem na wabidnak me, papalo pem kaidnak nggal Nagawan Indo abinal iri-ge nit nentare bem worasu-o. Iri ala-ge, Nagawan Indo Indi na-nen nin tak nonposolar-e, at abage nggal tak nonposola-ge, abinal iri na nggok nggok mburusu-o.

2 KORINTUS 4:6

Mbal Pem Nagawan-nen yosolar-e: ”Ndamuk arem-nen yaya yuwag-o” luk yid Mbal Pem Nagawan at-net at eyaya-ge nit nenarem yaya rak pij-o. Iri yosolar-e, Mbal Pem Nagawan abinal-e Kerisut erare bem worasu abinal iri nenaru rak purak pem-nen iri yij-o.