MIKA 2:1 - Nanduk Ngget Tul Pidnak Wene

¹ Kubu nene yugwi sa mbiringgik woragolat: ”Meya kwarurak iri nggal kwarimin-o” luk inndi yebet kagolat worarug-e, kup o nda yosola-ge, meya kwarurak enmawi worasola me, inndi arem yebet kaidnak ereba na kwatli nab-e mondok enabuwa kagolat wolmag-o.

MIKA 2:1 ပူးပေါင်းရင်းမြစ်များ

NDAK WIRIDNAK WENE 31:29

Iri ala, an-e kat kebem mbud yurak iri-ge ndag-et nde, yawo kubu kat keid-nen kek tak poso Mbal Pem Nagawan iri-nen-e yak norosolar-e: ’Kar-e wene tebarosolat, kene marig-et tet Yakup ebem purak puk na-e’ yak nirid iri-nen keya kubusu-o.

1 NAGAWAN NAGAWAN-NEN KWARIDNAK WENE 21:7

Isebel-nen yak tosolar-e: ”Kar-e Isarael nap nagawan yu-t nde noluk-nen iri kwarij-o? Ndak menluk nunggwi mende min-o. Nabot eyabu iri-ge kar-et wok kirimin-nen yusu-o. Kar-e kindi yanggo yi-o” yak tij-o.

ESET 3:8

Iri rak puruk, Aman-nen Nagawan Agasuweros yak tosolar-e: ”Nagawan wa-e, Kat-nen tenagidnak wi yu me-ge ap enlem misig-e ngguberenot woraidnak sa lombok yeba me wigak yidnak worali-o. Nde, ap enlem erep-nen kwarugwi-ge nin-et nde, it-nen kwarugwi-ge mondok arig-er-o. It-nen-e kat-nen tenagidnak wi yeba me-nen kwarogolat wolmomtak owak mbarak pidnak ereba na-ge mondok kwatli bug-o. Iri kwatli iri-ge nagawan kat-nen-e it ondomok inndi-nen pidnak ereba nak kwarogolat wolmakluk keya unpurak pug-o.

ESET 5:14

Iri yosola, anggamirak min ogwe min-nen at yak togolar-e: ” ’At iri tiong tak uburak e mor-e dua pulu dua (22) meter irit yener-o’ luk yak indi-o. Iri lug-e, kub-e kuplila nagawan yak tosolar-e: ’An-e Morendekai iri na urusu kerebara tiong tak purag-e nunggwirig-o?’ luk yak turug-e, Morendekai iri urusu kerebara tiong tak purug-e, kub-e kar-e yamuksa Eset-nen nggok saguwa iri me-ge mbururag-o” luk yak togola-ge, Aman-nen-e: ”Wene iri-ge ob-et yigeb-o” yosolug-e, ”Morendekai kerebara tiong tak purak e yener-o” ap erep ereba na yak indij-o.

NGGOMO WENE 3:27

Ap-nen nde kat-nen konak kwat unpurak nggi yak korogola-ge, kat-nen konak kwat unpurak ala-ge, kwar-et unpurag-o.

YESAYA 32:7

Ap enmberam laso nab-e at-nen meya kwarurak iri na-ge indi-nen yebet karuk-nen meya kwaroso-o. At-nen insilobulo lak nap ereba na enare bosolat, it enarengge it-nen wanurak mende ereba na wanuwa naru, tu nggulurak pem-e mbawi worosolar-e, enesiget wene yoso-o.

YEREMIA 18:18

Ap ereba-nen yogolar-e: ”Yawo-ge Yeremia wuruwok-nen wene mbaruwog-o. Nde, Mbal Pem Nagawan imin wene yurak iri-ge at nak ndag-e lak-nen yusu-o. Pempa tepan ombo-nen na nit mul nondogolat, inndi worak nap-nen na nggomo nondogolat, Mbal Pem Nagawan-nen kwarurak nenpem pidnak wene na at ene lomboksa yugwi nap-nen na yak nondogolat worali yebar-o. Ap enpem wene mbenarugwi sa-nen Yeremia indi ngara keya buruk, ’Kat kene-ge kulul pug-o’ luk yuwog-o” luk yiga-o.

YESKIEL 33:26

Kir-e kensan pem kinndi wat tak pili-o. Kit-nen kwarugwi-ge emben to rak mende nak kwatli-o. Kir-e unun onkwe worak inmin mbabi nak kwat tenak woralir-o. Iri nggal kwarogolar-et nde, kit-nen-e te sa-t nggweyak yu-ge nit nonnggweyak-nen yusu-o luk yurag-e ndag-er-a?

MIKA 6:12

Kit o silmu woragwi nap kinsilobulo worak-nen-e insilobulo lak nap lel inpili-o. Kit oboksa-net kennesiget yugwi nap nak-nen yili-o.

MARAKUS 15:1

Kubu kabu-ge tepan omborak nagawan nagawan-e ogore yidnak nap min imiri mbarak pidnak wene enaru nap min wene mbarugwi nap erep pidsa min-e inmin wene mbariga-o. Wene mbatlug-e, Yesus na kere kamatluk, waruk mbirigarig-e, Pilatus eram pil mbiriga-o.

LUKAS 20:19

Wene iri yid tarem ereya na-net, ”Nden karuk wene yu-ge nit-et yak nindij-o” luk it imiri mbarak pidnak wene enaru nap min tepan omborak nagawan min-nen Yesus tenaguwokluk yiga-t nde, ap kwarat iri enaye-nen larok yiga-o.

YOANES 19:11

Yak tosoloma-ge, Yesus-nen yosolar-e: ”Mbal Pem Nagawan-nen amawi iri kinggem pigit lak nggal-nen-e kat-nen an nebem wene mbarurag-e meya-o. Iri bem, kat meya yidnag-e marig-et nde, it an wesera kinggem nibiga nap-nen meya yidnag-e ijar-o” luk yij-o.

YIDNAK YIDNAK WENE 23:12

O nda yosoloma, Yawuri nap-nen Paulus wuruwokluk wene mbarogolar-e: ”Nir-e Paulus wirigit lak woragolar-e, mburu min yi min mondok nul pug-o” luk owak mbariga-o.

YIDNAK YIDNAK WENE 23:15

kit min wene mbarugwi nap min-nen kenpe-net nde san winde wari na yak togolar-e: ’Nir-e Paulus na ebem wene kwara-t lombot puwoklug-e, nit nendam-e pil mbi-o’ luk yak ter-o. Nde, ar-e kit kendam wok yigit lak ma-net at wururag-e mondok lid lud tak puruk worali-o” luk yiga-o.

OROMA 1:30

enesiget wene bem ap unnu meya rak pugwi min Mbal Pem Nagawan imin sirid woragwi min paleksa yugwi min enambik entembel wanugwi min enambik kek yugwi min meya kwarurak pem enpam yugwi min ineid iniya-nen yidnak yidnak kwarugwi buk min