MIKA 1:5 - Nanduk Ngget Tul Pidnak Wene

⁵ Ereba oboksa kwat ma ereba-ge Isarael nap-nen meya kwarogolat, Mbal Pem Nagawan imin wim mbarugwi iri bem-nen kwat ma-o. Ta-nen ndowaga Isarael nab-e meya kwatli-o? Iri-ge, it unuwi siri iminepma Samaria iri-net ndowaga-nen kwatli-o! Ta-nen ndowaga Yewura nab-e kugwiwak erembel wanili-o? It ondomok unuwi siri Yerusalem-net ndowaga-nen kwatli-o!

MIKA 1:5 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 11:7

Iri kwarosolar-e, Yerusalem-nen ndobo bem mo luwaso (timur) ambigit nggwe ereba me Moap nap unkugwiwak Kamos min Amon nap unkugwiwak Molok min erembel wanurak ondoro kona ndama mendaga pil lagaij-o. Nde, kugwiwak mberen ereya-ge yik karug-e, mondok sok wururak mende-o.

YESAYA 7:9

Nde, Isarael iri na amawi-ge uwi siri iminepma Samaria amawi ombol nggwe-nen yusu-ge lag-o. Nde, Samaria iri na amawi-ge it ennggendumu Nagawan Peka amawi ombol nggwe-nen yusu-ge lag-o. Kit-nen nde ndemeret kinndi an nebem wat tak woragit lak yugup pem-e mondok pak pugup pug-o” luk yij-o.

YEREMIA 2:17

Iri nggal kwat kibiga iri-ge kat kondomok-nen kwarigen pem-nen ndowaga kwat kibiga-o. Kar-e an-nen kinggi waruk tula mborosola-t nde, kar-e Nagawan Indo Kembal Pem Nagawan an-e kamberam tak nibigen pem-nen kwat kibiga-o.

YEREMIA 2:19

Kondomok-nen meya kwaroso iri na-nen ndowaga angin worak kebem posolat, kat Kembal Pem Nagawan an keya nubusu iri na bem-nen andi bandi rak kubusu-o. Kar-e an kek tak nibigit lak, kamberam tak nibigen iri na-ge yawo-ge kumburugwi ngari rak posola, al ngari ki-o. An-e Nagawan Indo Kembal Pem Nagawan-nen yigi-o. An-e Nagawan Indo Mbal Pem Nagawan Namawi Worak Mondok Kek tak-nen yusu-o” luk yij-o.

YEREMIA 23:13

An nene lomboksa yugwi nap Samaria woragwi-nen meya kwatli ereba-ge an-e kasu-o. Ir-e kugwi Mbaal unu bem yogolar-e, an nilirak Isarael nab-e kabak tak inpili-o.

YEREMIA 23:14

Alat nde, Yerusalem iri me an-nen kasolar-e, an nene lomboksa yugwi nab-e yi meya ndi meya terak minik nde kwarogola, eneyasu-o. Ir-e ennesiget wene yogolat, unun onkwe worak inmin mbabi yogolat, meya kwaruwakluk yongga ondogolat, iri nggal kwarogolar-e, ap misiger-o luk tet mondok it meya yidnak keya buruk, kondok yili bug-o. Iri nggal kwarogolar-e, it oboksa-nen Sorom min Nggomora min woragwi nap-nen meya kwariga ereba na nggal kwatli-o” luk yij-o.

YEREMIA 6:19

O yu-ge wa-e. Kwara kuli-o! An nilirak-nen an-nen mul indidnak wene wanigit lak yogolat, an-nen yidnak yidnak kwatli buk-nen ndowaga it ondomok inndi-n pidnak kwarugwi bem an-nen-e lak tak onposo mende enpem pil lobok yimin-o.

OSEA 7:1

Nagawan Indo-nen yosolar-e: ”An-nen-e pempa an nilirak Isarael nab-e ki rak onposolat, tuguruk nanduk-nen woragwi nggal ondolma rak onposolat kwareyekluk yosoma-t nde, an-nen yik kasoma-ge, it-nen lugudtak kwarugwi min meya kwarugwi min nak kasu-o. Ir-e it na it-net enmberam lagolat, yariya wanurak pem ap enma nak nggogolat, tula tula ereba na me-nen ap nak nden enperenak worali-o.

AMOS 6:1

Kit kenalen pem Sion woragolat, kit konak yamuksa Samaria woragolat yili nab-e mondok kenabuwa-o! Kenlem Isarael nap kennggendumu kenne kulugwi nap, mondok kek tak worali nab-e kit kunuwokma woragwi Isarael nab-e yongga undurak pem-e kit kendam-et lobok yugwi nap kir-e mondok kenabuwa worag-o!

AMOS 7:9

Isak-nen wigarak-nen an nerembel wanugwi ondoro ereba na-ge mondok yigisa lak ma-o. Isarael nap-nen an nerembel wanugwi sa marak ereba na-ge mijara langgu rak puwa-o. Nagawan Yerobeam-nen wigarag-e mondok an-nen lak tak inpimin-o” luk yij-o.

AMOS 8:14

Nde, ap Samaria unkugwiwak iri na unu bem owak mbarogolat-nen yogolar-e: ’Enlem Ndan min Mbereseba min unkugwiwak owag-o’ yuwa nab-e ma-ge mondok men-e ma bug-o” luk yij-o.

MIKA 1:13

Kit Lakis woragwi nap wa-e. Kit-nen idnak kura wam-e kit-nen wim nggugwi nggweyak koma ereba na bem paril lobok yer-o. Isarael-nen meya kwatli ereba-ge kit-nen ndemul mul kwatli iri-nen ndowaga Yerusalem min-et meya kwarugwi rak pigeb-o.