MBIRIGA WENE 9:27 - Nanduk Ngget Tul Pidnak Wene

²⁷ Iri ala, Pirayon-nen Musa min Arun min wene mbo unpuruk-nen yak ondosolar-e: ”Yawo-n perak an-e ndemeret meya kwarigi-o. Nagawan Indo iri-ge ndemeret lud tak nak kwaroso-nen yusu-o. Nde, an min an-nen tenagidnak wi woragwi nap inmin-e ndemeret meya-t kwatli-o.

MBIRIGA WENE 9:27 ပူးပေါင်းရင်းမြစ်များ

2 SEMUEL 12:13

Yosoloma-ge, Ndaut-nen Natan yak tosolar-e: ”Ndemeret an-e Nagawan Indo imbiri bem mondok meya-t kwarigirig-o” luk yij-o. Yosoloma, Natan-nen yosolar-e: ”Nagawan Indo-nen-e kat-nen meya yidnag-e amberam tak pij-o. Kar-e wat yugun pug-o.

NDAWI ENGGA 145:17

Nagawan Indo-nen kwaroso mende oboksa bem-e mot mot nak kwarosolat, at-nen kwaroso mende oboksa bem na enabuwa bem-et kwaroso-o.

MBIRIGA WENE 10:16

Iri ala karuk, Pirayon-nen ndag-et nak Musa min Arun min wene mbo unpuruk-nen yak ondosolar-e: ”An-e kit-nen idnak Nagawan Indo, Kenmbal Pem Nagawan imin na irit, kit kinmin na irit, meya kwarigi-o.

MBIRIGA WENE 10:17

Iri ala-ge, an kwarigi iri-ge yawo-net kenmberam tak per-o. An nebem angin worak mende pamu, nundusu yu lak tak puwak-nen Nagawan Indo Kenmbal Pem Nagawan eram tepan yer-o” luk yak indij-o.

MBIRIGA WENE 8:25

Iri yosola, Pirayon-nen Musa min Arun min wene mbo unpuruk-nen yak ondosolar-e: ”Kir-e Kenmbal Pem Nagawan amanggim wam wosa pil mborogolar-e, o yu nggweyak kwid turuk pil mbururak pug-o” luk yak indij-o.

MBIRIGA WENE 8:8

Iri ala, nagawan iri na-nen Musa min Arun min wene mbo unpuruk-nen yak ondosolar-e: ”Mangge yeba lak tak puwak-nen kir-e Nagawan Indo eram tepan yer-o. Iri ala-ge, kit kenlem nab-e wam wosa Nagawan Indo amanggim puwakluk lerak keya inpimin-o” luk yak indij-o.

NDANIEL 9:14

Nagawan Indo Nenmbal Pem Nagawan wa-e. Lak tak onposo mende kat-nen lid lud tak pigen ereba na bem angin worak nenpem pigen-o. Kat-nen kwat ninpigen-e il pem lud tag-et kwat ninpigen-et nde, kat-nen yidnak wene-ge nir-e kwara kuligit lak yige-o.

WONARIDNAK WENE 21:7

Iri ala, Isarael nap Musa eram lobok yogolat-nen yak togolar-e: ”Nir-e kat min Nagawan Indo min met kinpige iri-ge, ndemeret meya kwarige-o. Waro yeba nit nenndam-nen lak tak puwak-nen kat-nen Nagawan Indo emengen mbari-o” yogolikma, Musa-nen ap ereba enmanggim Nagawan Indo emengen mbarosoloma,

WONARIDNAK WENE 22:34

Yosoloma, Mbileyam-nen yosolar-e: ”Nab-o. An meya kwarigi-o. Kar-e an nabuwok menda pak tak woraigen-e an-e kabak woragi-o. Alat nde, kat-nen an mburusu yu-ge meya-t neberasu ala-ge, an-e tuguruk nama mbirimin-o” luk yij-o.

MATIUS 27:4

Mberarik, at-nen yosolar-e: ”An-e mondok meya yigirig-o! Ap mondok meya yoso bug-et nde, at wuruwakluk wesel indigi-o!” luk yij-o. Yosoloma-ge, it-nen wene erep nggarogolar-e: ”Nde, iri-ge nit nenpem nde kasu-a? Kat kondomok kebem-net yusu-o” luk yiga-o.

OROMA 2:5

Alat nde, kit kinndi amawi luk, kondok yili bug-o. Iri-nen ndowaga Mbal Pem Nagawan isilepma luk lud tag-et ap enpem wene mbaruwa tarem-nen-e kenpem wene mbarurak iri na kenambikpebe kenare pili-o.

OROMA 3:19

Nit nenaru yili wene-ge yu-o: Musa-nen imiri mbarak pidnak wene arem-nen yidnak wene na-ge, imiri mbarak pidnak wene wanugwi nap nenmanggim yidnak-nen yusu-o. Iri yid iri-ge ap pidsa wene onggo yigit lak makluk, nggweyak ma nap pidsa enpem Mbal Pem Nagawan-nen wene mbaruwakluk-nen yij-o.

YOSUA 7:20

Yosoloma, Akan-nen yosolar-e: ”Ndemeret, an-e Isarael nap Enmbal Pem Nagawan imin meya kwarukmu-o. An-nen kwarigi-ge yu-o:

1 SEMUEL 15:24

Nde, Saul-nen wene iri kulurug-e, at-nen para Semuel yak tosolar-e: ”Ndemeret. An-e Nagawan Indo ene na tarosolat, an-nen kwarurak kat-nen mirik nibigen na tarigi-o. Nde, iri kwarigi iri-ge an nimin nugwi nap inndi aye-nen it enne nggarigirig-o.

1 SEMUEL 15:30

Yak tosoloma-ge Saul-nen onggo yosolar-e: ”An-e meya-t kwarigi-o. Alat nde, yongga norosolar-e, nab-o. An-e Nagawan Indo nombo Kembal Pem Nagawan erembel waneyek-nen tuguruk nenmberek mburuwog-o. Iri nggal kwasa nimin mborosola-ge, Isarael nap ennggendumu enne kulugwi nap min Isarael nap oboksa min enlengen pem-e kek tak nobosolat-nen kwarugun-o” luk yak tij-o.