MBIRIGA WENE 9:23 - Nanduk Ngget Tul Pidnak Wene

²³ Yosoloma, Musa-nen owangun iri na mbal nggwe nuk kasola-ge, Nagawan Indo-nen kwarosolar-e, o nggu obinel tak posolat, talme engen mberak pil mbuwagij-o. Nde, Nagawan Indo-nen pil mbuwasolar-e,

MBIRIGA WENE 9:23 ပူးပေါင်းရင်းမြစ်များ

NDAK WIRIDNAK WENE 19:24

Wok yosola-ge, mimo Nagawan Indo-nen kanduk talme emben ninggis mende worak iri-ge o Sorom min Nggomora min ebem mberak pil mbuwasolar-e,

NDAWI ENGGA 148:8

Pinel min talme engen min pyry min nggan nggan min Nagawan Indo-nen yidnak pem o wija amawi worak puk kaso min wa-e. At nak erembel waner-o!

MBIRIGA WENE 19:16

Mberen nene luk, kenan tak posolat, kuplilasa-ge ndobo iri na bem-e mondok nggan nggan-e kiso puruso yosolar-e, obinel, o nggu yij-o. Iri yosolar-e, mondok mbapu ene kwiye worak iri kulurug-e, it o lije ma worali nap yeba na-ge kwiye kwarat yogolat, ye le mbiga-o.

MBIRIGA WENE 20:18

Nde, it-nen-e o nggu min mbapu ene pu min kologolat, obinel yosolat ndobo iri na kule lasolat, yosola karug-e, ir-e kwiye-nen yot kot mbogolar-e, erepma mboksa ereba-t mendak wiriga-o.

MBIRIGA WENE 9:18

Nde, kub-e yanem nggal-et talme engen-e kwiye worak irit pil mbuwamin-o. Nde, talme engen iri nggal-e o Mesira yu me-ge o nanduk ereba kuri-nen yawo na mondok kagwi bug-o.

MBIRIGA WENE 9:24

o nggu obinel yosolat, talme engen kwiye worak pil mbuwagid iri-ge nanduk it Mesira nab-o luk enlem kwat yigit lak ma ereba-nen na talme engen iri nggal-e mondok kagwi bug-er-o.

YOSUA 10:11

Nde, iri kwasa Amori nap kwiye mbukmu-ge, Nagawan Indo-nen talme engen pem-nen indil indil-e Aseka wok yiga-o. Nde, iri indij-e wim nggogolat-nen indiga-ge mariger-et nde, talme engen pem-nen indij-e, mondok terak minig-et indij-o.

NAM PARA WENE 16:18

Iri yosola-ge, obinel yebek yebek yosolat, o nggu lunggu mbosolat, o lele kwiye worak irit yij-o. Nde, o lele iri nggal-e ap ndak worak enpamu, nggweyak ma yu woragola-ge, o lele kwiye worak iri nggal mbi mondok kagwi bug-o.

NAM PARA WENE 16:21

Talme engen nggulok, ariktak angin-e 50 kilo irit mbal pem-nen mbuwasolat, ap yemen inpij-o. Iri yosola-ge, talme engen iri-nen yemen onposola karuk, ap-nen-e Mbal Pem Nagawan imbiri lamut tak ibiga-o. Iri yiga iri-ge andi bandi kwiye worak kagolat-nen yiga-o.

NAM PARA WENE 8:7

Aid nap nandug-et (yang pertama) iri-nen-e at oboba ene pu yosola-ge, talme engen min kan amare min-e mep min nat karuk nggweyak pem nggilara mbuwagaij-o. Nggweyak erep menggesa (sepertiga) kan nasolat, e na erep menggesa (sepertiga) min tusuwangge miri oboksa min kan ninggij-o.