MBIRIGA WENE 9:16 - Nanduk Ngget Tul Pidnak Wene

¹⁶ Alat nde, an-e namawi mirik konposola, yi wi ndi wi oboksa na nanggu nobok mburuwakluk-nen kunluk keya kunpusu-o.

MBIRIGA WENE 9:16 ပူးပေါင်းရင်းမြစ်များ

2 SEMUEL 7:23

Isarael nap nak perak nde kat-nen kondomok kilirak tak enpeyekluk anggun panggun tak unpugwi sa Mesira-nen wisirik inpigen iri nggal yi wi ndi wi oboksa ap enlem Isarael nap nggal mbi worali bug-o. Kat-nen kwat inpigen mende nggok ereba-nen ndowaga kat kanggu kobok yi wi ndi wi mburusu-o. Kat kilirak-nen ap enlem nin nap enpem kore yogola-ge, enpe min-et unkugwiwak min-et kat-nen maga wirik inpigen-o.

2 NAGAWAN NAGAWAN-NEN KWARIDNAK WENE 19:35

Nde, kubu iri na tarem-et Nagawan Indo-nen idnak aid nap lobok yosolar-e, Asiut nap san ombo woragwi sa wok yosolat, san ombo seratus delapan pulu lima ribu (185.000) irit indij-o. Endamu, kub-e werep mberep liring tak irit eneyaiga-o.

NEMIA 9:10

Kat-nen-e kilirak andi bandi rak inpili ereba na-ge karu me, kat-nen-e Mesira nagawan iri na min at eyabu wanugwi nap min we nap oboksa min kwat onposolar-e, kwiye worak kwarat kwat inpigen-o. Iri yigen pem-e kat kanggu kobog-e yawo-nen na mborosolat worasu-o.

MBIRIGA WENE 14:17

Nde, Mesira nap ereba-ge an-nen inndi amawi rak pumu, mondok kit Isarael nap muk kiniyil lobok yuwa-o. An-nen-e Mesira nagawan iri min at-nen idnak ap kere ereba min onnggweyak koma min ebem koreyak ereba min enambigit an namawi wal kamin-o.

MBIRIGA WENE 14:4

An-nen-e Mesira nagawan iri na indi amawi rah pumu, kit muk kiniyujwa-t nde, an-nen-e Mesira nagawan iri min at-nen idnak esan ombo ereba min an namawi mirik onposola, it-nen-e an nimin-e ’Ar-e ndemeret Nagawan Indo-net yusu-o’ luk enaru ma-o” yak tij-o. Yosoloma-ge, it Isarael nap ereba na-ge Mbal Pem Nagawan-nen yak indidnak ereba na ndak ndag-et kwariga-o.

MBIRIGA WENE 18:11

Ap-nen kek tak pugwi unkugwi erep ereba-ge tebek tag-et nde, Nagawan Indo iri perak terak minik kek tag-er-o luk naru yusu-o. Nde, ereba kwarid ereba-ge Mesira nap-nen Isarael nap lel onpogolar-e indi kek tak pem kwat onpogola-nen kwarij-o” luk yij-o.

MBIRIGA WENE 9:15

An-nen nde kat min kat-nen tenagidnak wi woragwi nap inmin kenpem wene mbarosolat-nen nde kugwi kenpem pelepnggalmu-nen-e mondok kowak ngget min lak tak kenpeleb-o.

MBIRIGA WENE 9:17

Alat nde, yawo na kar-e kindi kek tak pem woralat, an nelem nab-e mburuwakluk lerak unpusu bug-o.

MALEAKI 1:11

Yi nap ndi nap yi wi ndi wi worali-nen an kek tak nibili-o. Ap enlem oboksa-nen an kek tak nobogolar-e, nin me nan me oboksa an nunu kek tak pogolat emben konak mende namanggim kan pogolat, an namanggim wosa purak mende ndak ndag-et kan pili-o.

MALEAKI 1:14

Kit konowam ereba na enggendumu omok worak usul-et pimin-o luk urul pidnak ereba na worala-t nde, wam-e meya ebe lak, indi ud ereba na nde an namanggim pogolat, an namberam lagwi nap kir-e imbiri lamut mer-o! Nde, an-e nagawan mondok kek tak, ap enlem oboksa-nen kek tak nubugwi-nen yusu-o” luk yij-o.

WONARIDNAK WENE 14:21

Alat nde, an nondomok nunu min nuruk nak worasolat o yu tena worasu yu nggal-o. Mondok yak kereyeg-o.

OROMA 9:17

Mbal Pem Nagawan engga mbarak pem at-nen Pireon yak tosolar-e: ”An-nen mendak kibigi yu-ge an namawi kat kebem-nen nam tak posolat, an nunu yi wi ndi wi wigarak posolat yonokluk-nen mendak kubukmu-o” luk yij-o.

OROMA 9:22

Nde, iri nggal-et Mbal Pem Nagawan-nen kwaroso-o. At isilepma-ge nam tak posolat, at amawi na mirik onposolat eyekluk yij-et nde, at isilepma rak pili nab-e lak tak enpeyekluk lid lud tak pij-et nde, it inmin-e indi luruk puruk woragaij-o.

YOSUA 4:24

Iri kwarid iri-ge yi ap ndi ap nggweyak ma worali oboksa-nen Nagawan Indo amawi enaru yuwakluk-nen kwarij-o. Nde, kit-nen-e Nagawan Indo Kenmbal Pem Nagawan-e kek tak pogolat woralik nalik irit woragub-o” luk yak indij-o.

1 PETERUS 2:19

Elem lak ma-t nde, ap-nen kondogola-ge, kir-e andi kagir-et ”Mbal Pem Nagawan indi-n pidnak pem-net yu kwat nibili-o” luk mamak puruk woragup pem-e Mbal Pem Nagawan-nen-e imbiringgat tak kunpuwa-o.

1 PETERUS 2:8

engga wene misik-nen yosolar-e: ”Ap unuwok abis pijasa wosa mberak onposo kere irit ma-o” luk yij-o. Nde, it unuwok abis pija yugwi iri-ge ir-e Mbal Pem Nagawan-nen yidnak wene kuruk togola-nen pija yugwi-o. Iri yugwi-ge Mbal Pem Nagawan-nen it inmin-e: ”Irit ma-o” luk yidnak pem-nen kwatli-o.

YURAS 1:4

Mbal Pem Nagawan enaru buk nap erep nit nennggendumu tirabo nggwiga iri-ge obi-net Mbal Pem Nagawan engga bem-nen it enpem mburak wene urul paga pij-o. It iri-nen-e it enaboro-nen ukwe ukwe yugwi mende kwaruwoklug-e, Mbal Pem Nagawan-nen we wok ondoso elem-e nden penden tak pili-o. Nde, nit-nen idnak amawi worak Yesus Kerisut, Nenagawan Indo iri-ge it-nen-e ndemerer-o luk eberagwi bug-o.

1 SEMUEL 4:8

It-nen yogolar-e: ”It unkugwi amawi worak iri na inggem-nen-e ta-nen ninmiri yuwa-o? Mesira nap nembaga-nen indid kugwi ereba na-ge ereba-ner-o.