MBIRIGA WENE 8:26 - Nanduk Ngget Tul Pidnak Wene

²⁶ Yak ondosoloma, Musa-nen yosolar-e: ”It Mesira nap-nen-e kambing lomba iri-ge insili kagwi me, nit-nen Nagawan Indo Nenmbal Pem Nagawan amanggim yu me-n wosa kan purag-e meya-o. Nde, nit-nen Mesira nap insili kagwi kambing lomba ereba waga it inmbiri bem wosa pogola-ge, nir-e mondok kerep pem nenmera mbaruwa-o.

MBIRIGA WENE 8:26 ပူးပေါင်းရင်းမြစ်များ

NDAK WIRIDNAK WENE 43:32

Nde, nunggwi mende na nonggolar-e, Yusub-e mburu nunggwi ondoro misik me-nen nasola, nde, at owerak ereba na-ge ondoro min me-nen ningga-o. Nde, it Mesira nap erep ereba na-ge kek nggal yogolat me, Iberani nap inmin norag-e meya ala karuk, enarig-et ningga-o.

NDAK WIRIDNAK WENE 46:34

’Nir-e mondok marik pem ereba-net wam nak ndogorogolat woragwi-o. Nde, iri-ge, nanduk nonmborak-nen mamarag-er-o’ luk yurag-o. Kit-nen iri nggal yugup pem-e, kir-e o Nggosen-et winde rak kunpuwa-o” yak indij-o. Nde, Yusup-nen iri nggal yurag-o yid iri-ge it Mesira nap-nen-e wam ndugurugwi nab-e teberak nggal yik eneyaruk, inmin are kundugwi buk ala-n yij-o.

2 NAGAWAN NAGAWAN-NEN KWARIDNAK WENE 23:13

Iri-nen o Yerusalem iri me-nen mo luwaso ambigit nggwe (timur) min abare ena nggwe (selatan) ambigit Ndobo Saitun iri na min Nagawan Salomo-nen kugwiwak emben torak mende Siron nap unkugwiwak Ndewi Asoret min Moap nap unkugwiwak Kamos min Amon nap unkugwiwak Milkom min ereba na erembel wanogolat amanggim wosa kan pugwi ondoro Salomo-nen konid ereba na min Yosia-nen-e ndamera keya bij-o.

ESERA 9:1

Ereba na oboksa kwatlug-e, Isarael nap ennggendumu enne kulugwi nap erep an neram lobok yogolat-nen an yak norogolar-e: ”Isarael nap min tepan ombo min Lewi nap min-nen-e ap enlem nin nap entalu worali Amon nap min Moap nap min Mesira nap min Kanaan nap min Et nap min Peris nap min Yebus nap min Amori nap min ap enlem yeba inmin-e mondok lambinik worali-o. Iri nggal woragolar-e, enlem nin nap-nen meya mbilaro ngin mende kwarugwi ereba na it-nen na kwatlir-o.

MBIRIGA WENE 3:18

An nilirak-nen-e kat kene-ge kuluwar-o. Kologola-ge, kat min Isarael nap ennggendumu enne kulugwi ereba inmin-e Mesira nagawan iri na eram mburugupndik, yak togolar-e: ’Iberani nap Nenmbal Pem Nagawan, Nagawan Indo nit nendam lobok yarik, ninmbiri bem nam yidnak me, nit-nen Mbal Pem Nagawan amanggim wam wosa emben wok togolat kan puwokluk mbogorolar-e, nembaga-ge tundumu mberen nene yuwok-nen kat-nen lerak ninpi-o, nab-o’ luk yak ter-o.

MBIRIGA WENE 8:8

Iri ala, nagawan iri na-nen Musa min Arun min wene mbo unpuruk-nen yak ondosolar-e: ”Mangge yeba lak tak puwak-nen kir-e Nagawan Indo eram tepan yer-o. Iri ala-ge, kit kenlem nab-e wam wosa Nagawan Indo amanggim puwakluk lerak keya inpimin-o” luk yak indij-o.

YESAYA 44:19

Kugwiwak iri na ndak worosolar-e, indi-ge yebet kagit lak-nen kwaroso-o. At-nen-e yu nggal yurag-e yebet kaso bug-o: ”An-nen iri kwarosolar-e, e erep minggirig-e kan maburuk, kan engen pem-e an-nen norak oroti min uno min woragoso-o. Nde, e iri na erep mbarag-e kugwiwak ndak wosa bigi-o. Iri ala-ge an-e e ereba na erep mbarag-et erembel wanusu-o!” luk yebet kagit lak-nen kwaroso-o.