MBIRIGA WENE 8:21 - Nanduk Ngget Tul Pidnak Wene

²¹ Kat-nen nde kuligit lak ala karug-e, an-nen mirabon kenpem pil lobok yosolar-e, kat min kat keyabu wanugwi nap min kat-nen tenagidnak wi woragwi nap min kenpem pil lobok yosolat, Mesira nap enma oboksa-nen na, Mesira wi oboksa-nen na mirabon-nen kobong ma-o.

MBIRIGA WENE 8:21 ပူးပေါင်းရင်းမြစ်များ

NDAWI ENGGA 105:31

Mbal Pem Nagawan-nen yidnak pem-et mirabon na kwarat lobok yosolat, nggurun na o ereba na oboksa-nen mondok yebet luk keya bij-o.

MBIRIGA WENE 10:6

Kat woraso sa min kat keyabu wanugwi nap min kat-nen tenagidnak wi woragwi nap min enma sil-nen nak kobong ma-o. Iri ma iri ge nanduk konmborak sil-nen kwat onposo-ge te-t nde, yawo-n kwat kunpuwa iri-ge mondok terak minig-et kwaruwa-o’ yak ti-o” yid. Yak tosola-ge, Musa na-ge tuguruk mbirij-o.

MBIRIGA WENE 8:20

Nagawan Indo-nen Musa yak tosolar-e: ”Kar-e kub-e kubu kabu Pirayon yi ma mbuwasoma, imin lambuk yekluk mbiri-o. Lambuk lug-e, an-nen yidnak wene yu yak ti-o: ’An nelem nap iri-ge an nerembel wil mburuwak-nen lerak inpi-o.

MBIRIGA WENE 8:22

Alat nde, an-e Nagawan Indo-nen yusu-o luk kenaru yobokluk, an nelem nap woragwi sa o Nggosen iri me perak pigit lak yumu, mirabon mbi wolma bug-o.

MBIRIGA WENE 8:24

Iri lug-e, Nagawan Indo-nen mirabon kwarat pil lobok yosolar-e, nagawan woraso sa-nen, nagawan eyabu wanugwi nap enma-nen, o Mesira wi obok pil lobok yamu, mirabon ereba na-nen anggun panggun tak onposolat woragij-o.

YESAYA 7:18

Iri tarem-e Nagawan Indo-nen Mesira nap min Asiut nap min yonggo unpuwa-o. Iri yosola-ge, ap enlem mberen iri-ge mirabon nggal, ngin ija ndelak nggal irit lobok yogolar-e, nggorok kobok arem min kerep uru arem min ereba na me irige lak yosolat, egere isile worak pem-nen na tusuangge bem-nen na utlud puwa-o.