MBIRIGA WENE 8:19 - Nanduk Ngget Tul Pidnak Wene

¹⁹ Iri ala karuk, it kagwi buk mende kwarugwi nap ereba na-nen nagawan iri na yak togolar-e: ”Yu-ge Mbal Pem Nagawan-net kwarusu-o” yak togola-t nde, Pirayon na-ge indi amawi irit yij-o. Iri kwarid iri-ge, Nagawan Indo-nen yosolar-e: ”Nagawan iri-ge Musa min Arun min enne-ge no mende nggal tak puwa-o” yid iri na ndak ndag-et kwarij-o.

MBIRIGA WENE 8:19 ပူးပေါင်းရင်းမြစ်များ

NDAK WIRIDNAK WENE 41:24

Nde, mbato meya merek lerak ereya na-nen mbato ebe yok nggok ereya na lungguk nak mberak pij-o. Nde, nabi mberen ereya karug-e, nabi ya-ge ap kagwi buk mende kwarugwi nap kerengga yak indigi-t nde, it ennggendumu ap misiger-o luk tet-nen: ’Nabi ebe-ge iri nggal-o’ luk para yak nururag-e meya agaij-o” luk yij-o.

NDAWI ENGGA 8:3

Kat-nen mbal ndak worak pigen min waneya min wonaru min kat-nen pigen ereba an-nen yik kasolar-e,

MBIRIGA WENE 10:23

Worala-ge, it Mesira nab-e mondok yi mende ndi mende mondok mbi kagit lak, it enpe na nin me nan me mbirigit lak iri woragola-t nde, it Isarael nap enma-ge yaya irit woragij-o.

MBIRIGA WENE 10:7

Nde, Pirayon eyabu wanugwi nap ereba na-nen at yak togolar-e: ”Ap yu-nen nit nenare posolar-e, nunggwirik tarem wolma-o? Nit nunuwi yu-ge yigisa keya busu me, yu ki-o. It Isarael nap yu-ge lerak keya unpugunmu, it Enmbal Pem Nagawan, Nagawan Indo iri na erembel wil mburuwag-o” luk yak tiga-o.

MBIRIGA WENE 11:7

Alat nde, Isarael nap ennggendumu-ge li ala na irit, wam ala na irit mondok mbi sil kujwa bug-o. Iri karuk, Nagawan Indo an-nen-e Mesira nap min Isarael nap min lenak kunpusu iri-ge kenaru yugub-o’ yak kirij-o” luk yak tij-o.

MBIRIGA WENE 7:13

Iri nggal-et karug-et nde, Mesira nagawan iri-ge mondok indi amawi luk, Musa min Arun min-nen yidnak wene-ge no mende nggal tak posolat woragid iri-ge, Nagawan Indo-nen yid iri na ndak ndag-et kwarij-o.

MBIRIGA WENE 7:4

Iri bem-e an-nen Mesira enpem wene mbarosolar-e, angin worak irit mberak pimin-o. Iri rak purug-e an nelem nap Isarael nap oboksa Mesira-nen wok unpuruk mborosola-ge,

MBIRIGA WENE 7:5

an-nen Mesira nab-e angin worak enpem puruk, Isarael nab-e Mesira-nen wok unpuruk mborosola-ge, it Mesira nap-nen neberagolar-e: ’Ndemeret Nagawan Indo-nen yusu-o’ luk enaru ma-o” yij-o.

MBIRIGA WENE 9:26

Isarael nap woragwi sa o Nggosen nak perak talme engen-e mondok mbigit lag-o.

MBIRIGA WENE 9:4

An-e Isarael nap onowam-e lena keya bosolat, Mesira nap onowam-e lak tak pimin-o. Nde, Isarael nap onowam-e misiger-o luk tet mondok wat ma bug-o.

NDANIEL 2:19

Nde, iri na tarem-et kubu-ge Mbal Pem Nagawan-nen nabi nggal pem nabi iri na-ge para Ndaniel mirik ibij-o. Iri yosola-ge, Ndaniel-nen-e Mbal Pem Nagawan aid arem woraso iri na erembel wanosolat-nen yosolar-e:

MATIUS 12:28

Alat nde, an nde Mbal Pem Nagawan Indi amawi bem-nen kugi wirik pusu ala-ge, Mbal Pem Nagawan-nen tenagaidnak wi-ge kit kendam lobok yarik worasu-o.

LUKAS 11:20

Alat nde, an-e Mbal Pem Nagawan amawi bem-net kugi wirik pusu-o. Nde, iri yusu ala-ge, Mbal Pem Nagawan-nen tenagaidnak wi na-ge nendam wok yij-o luk yebet ker-o.

YOANES 11:47

Yak ondogolikma-ge, tepan omborak nagawan min Parisi nap min-nen wene mbarugwi nap inmin ndok wutluk-nen yogolar-e: ”At-nen-e kwiye worak mende kwarat kwarusu me, nir-e ngge nde kwat ubul-o?

YIDNAK YIDNAK WENE 4:16

”Ap mberen yu inmin-e no nde kwat unpul-o? It-nen kwiye worak mende nggulok kwariga yu-ge Yerusalem woragwi nap pidsa-nen kulidnak me, nit-nen-e ’Kwarigit lag-o’ yurag-e meya-o.

1 SEMUEL 6:3

it-nen onggo yogolar-e: ”Isarael nap Enmbal Pem Nagawan-nen idnak urul pidnak wene labu mbarak iri-ge we nag-e pil mbururak pug-o. Alat nde, kit-nen meya kwarigep onggo min-et pil mbururag-o. Iri nggal kwarogola-ge, kir-e ki yogolat, Isarael nap Enmbal Pem Nagawan-nen angin worak kundugu kenpem mberak posolat worasu iri-ge elem-e kenaru ma-o” luk yak indiga-o.

1 SEMUEL 6:9

Wirik puruk, ngge nggwe mburuwa? kenlengen nak wolmomtag-o. Worakmu nde, at uwi siri Mbet-Semes ambigit nggwe-t mborosola-ge: ’E! Iri-ge Isarael nap Enmbal Pem Nagawan-net mondok lak tak onposo mende kwiye worak iri na-ge nenpem pil lobok yamu-o’ luk yebet kudtag-o. Alat nde, nggweyak koma iri nde iri nggwe mbirigit lak ala-ge, ’Iri-ge Isarael nap Enmbal Pem Nagawan-nen-e lag-o. Are, we nenpem mburag-et nenpem yamu-o’ luk yebet kudtag-o” luk yiga-o.