MBIRIGA WENE 8:18 - Nanduk Ngget Tul Pidnak Wene

¹⁸ It Mesira nap, kagwi buk mende kwarugwi-nen na enaru yidnak mende bem nggurun kwarat tak purak pem enmawi kundiga-t nde, ebe kwat yigit lag-o. Nde, nggurun ereba na-ge nin me nan me irit woragij-o.

MBIRIGA WENE 8:18 ပူးပေါင်းရင်းမြစ်များ

NDAK WIRIDNAK WENE 41:8

Karuk, kup o nda yosoloma-ge, nagawan na-ge yobosa wolmomtag-e meya alama-ge, at-nen-e Mesira woragwi nap kagwi buk mende kwarugwi enaru nap min yi elem ndi elem enaru nap min oboksa wene mbo enpaga ndok worak unpuruk, at nabi kagaid iri na kiringgij-et nde, ap misiget ter-o luk-nen ”Nabi iri-ge ebe-ge iri nggal kaigen-o” luk yak turag-e meya irit agaij-o.

MBIRIGA WENE 10:23

Worala-ge, it Mesira nab-e mondok yi mende ndi mende mondok mbi kagit lak, it enpe na nin me nan me mbirigit lak iri woragola-t nde, it Isarael nap enma-ge yaya irit woragij-o.

MBIRIGA WENE 7:11

Iri na karug-e, Mesira nagawan iri na-nen na at nap yi iminep ndi iminep enaru nap min kagwi buk mende kwarugwi nap min wene mbo enpamu, it-nen na iri na nggal-et kwarogolar-e,

MBIRIGA WENE 7:12

it onowangun nggweyak ma mbud tak piganggal, waro irit kwat yij-et nde, Arun owangun iri na-nen it onowangun yeba na-ge ninggij-o.

MBIRIGA WENE 8:7

Alat nde, o iri woragwi nap-nen na, it-nen enaru yidnak mende bem kagwi buk mende kwarogolat Mesira uwi iri me mangge kwarat tak piga-o.

MBIRIGA WENE 9:11

Nde, it Mesira nap kwarugwi buk mende kwarugwi nap ereba na-ret it Mesira nap erep enpem yid nggal-et enpem-e kimbi nak-nen engen yilidnak me, Musa eram wok momtag-e meya irit agaij-o.

NDANIEL 4:7

Alat nde, ’Iri nggal kwat ma-o’ yugwi nap min yi iminep ndi iminep enaru nap min kwiye worak kwarugwi nap min wonaru enaru nap min lobok yogola, an-nen-e an-nen nabi kagi iri na inmbiri bem yigi-t nde, it-nen-e ap misiger-o luk mbi-nen nabi kagi iri na-ge iri nggal-o luk para yak nururag-e meya yij-o.

NDANIEL 5:8

Yosoloma, it inndi tenggerak enaru nap ereba na-ge panggosa mbiriga-t nde, it-nen-e engga mbarak iri na-ge wonarurak na meya, iri-nen wene ebe-ge iri nggal-o luk nagawan para yak turak na meya irit yij-o.

LUKAS 10:18

Yogolikma-ge, Yesus-nen it yak ondosolar-e: ”Sere-ge obinel yebek yidnak nggal mbal pem-nen mbuwasola, kagi-o.