MBIRIGA WENE 8:15 - Nanduk Ngget Tul Pidnak Wene

¹⁵ Nde, nagawan-nen yik kagaidnggal, mangge yeba na-ge wat yidnak karug-e, Nagawan Indo-nen yosolar-e: ”Musa min Arun min enne-ge no mende nggal tak puwa-o” yid iri na ndak ndag-et tuguruk indi amawi irit yij-o.

MBIRIGA WENE 8:15 ပူးပေါင်းရင်းမြစ်များ

MBIRIGA WENE 14:5

Mesira nagawan iri na-nen kulidnggal-e: ”Isarael nap yeba na-ge kwiye-nen mbiriga-o” yogola kulurug-e, Pirayon min at eyabu wanugwi nap min-nen-e niri nera keya inpikma mbiriga-o luk-nen yogolar-e: ”Nir-e no kwarige-o? Noluk-nen nir-e Isarael nap iri-ge keya onpogola, mbirikma nit ndegel nunpurak nab-e nendam lak worali yu-ge ngge-o?” luk yiga-o.

MBIRIGA WENE 4:21

Nagawan Indo-nen Musa yak tosolar-e: ”Kat-nen kwiye worak mende kwarurak amawi-ge abu wok kirigi irir-o. Nde, kat-nen nde tuguruk Mesira mburugundig-e, kwiye worak mende-ge Mesira nagawan iri imbiri bem kwarosolat wolmin-o. Alat nde, an-nen-e at indi amawi rak posola, ’Kit Isarael nab-e mberer-o’ luk yak kunduwa bug-o.

MBIRIGA WENE 7:4

Iri bem-e an-nen Mesira enpem wene mbarosolar-e, angin worak irit mberak pimin-o. Iri rak purug-e an nelem nap Isarael nap oboksa Mesira-nen wok unpuruk mborosola-ge,

MBIRIGA WENE 8:14

Worak pamu-ge, it Mesira nap-nen-e mangge worak pidnak ereba na-ge ndok wosa ligik pil lobok yikma, o iri me-ge emben to yosolat woragij-o.

MBIRIGA WENE 8:16

Nagawan Indo-nen Musa yak tosolar-e: ”Arun iri yak ti-o. Owangun pem nggweyak lel kujwag-o. Lel kasola, o age mabe nggal mborosolar-e, o Mesira wi oboksa o age mabe nggal iri-nen nggurun kwat ma-o” luk yak tij-o.

MBIRIGA WENE 8:28

Yosoloma, Pirayon-nen yosolar-e: ”Nagawan Indo Kenmbal Pem Nagawan iri amanggim wam wosa kan pil ap lak ma nggwe mbururak iri-ge ob-er-o. Mbigija-ge kit-nen erepma nggwe mbirigit lak yurak iri nag-o. Nde, tepan an namanggim yurag-o” yij-o.

MBIRIGA WENE 8:29

Yosoloma, Musa-nen yosolar-e: ”Kar-e nit nenmberam ludtak pug-o. Nde, an mbirimindig-e, kup mirabon ereba kit kendam-nen lak makluk, kat min kat keyabu wanugwi nap min kat-nen tenagidnak wi woragwi nap min kenmanggim Nagawan Indo emengen mbarimin-o. Nde, Nagawan Indo amanggim wam wosa kan pil mborogola-ge, kar-e tu nggulurak pug-o” luk yak tij-o.

MBIRIGA WENE 8:32

Irit nde, Pirayon na-ge tugurug-et indi amawi yosolat Isarael nap na-ge lerak inpigit lag-o.

MBIRIGA WENE 8:8

Iri ala, nagawan iri na-nen Musa min Arun min wene mbo unpuruk-nen yak ondosolar-e: ”Mangge yeba lak tak puwak-nen kir-e Nagawan Indo eram tepan yer-o. Iri ala-ge, kit kenlem nab-e wam wosa Nagawan Indo amanggim puwakluk lerak keya inpimin-o” luk yak indij-o.

OSEA 6:4

Alat nde, Nagawan Indo-nen yosolar-e: ”Kit Isarael nap min Yewura nap min wa-e. Kit-nen an nabuwa kagwi-ge kuplila o age min lilangen min ndag-et nak lak yusu iri na nggal me, an-e kit kinmin-e ngge nggal kwarimin-o?

IBERANI 3:15

Mbal Pem Nagawan engga bem-nen yosolar-e: ”Kir-e yawo Mbal Pem Nagawan ene kulurug-e, kenlawingga nanduk Mbal Pem Nagawan imin eyak wutluk, eneyanggo lak yiga iri nggal kwarurak pug-o” luk yij-o.

IBERANI 3:8

keneyanggo lak yurak pug-o. Nanduk konmborak karu me-nen Mbal Pem Nagawan indi ngarogolat, eneyanggo lak luk Mbal Pem Nagawan imin eyak wiriga na nggal kwarurak pug-o.

NAM PARA WENE 16:9

Molengen embem-nen ap nok onposola-ge, it-nen-e andi bandi mende iri amawi tena woraso Mbal Pem Nagawan na unu-ge imbiri lamut tak piga-o. Alat nde, it-nen meya yidnak keya buruk, kondok yigit lak yogolar-e, Mbal Pem Nagawan kek tak woraso iri erembel wanurak na insili yiga-o.

1 SEMUEL 6:12

Puruk keya bikma-ge, sapi ya na-ge nok nok Mbet-Semes nggwe-t mbirij-o. Lugud tak nggwe mbirigit lak, tula nggwe-t kul mbaro mborosola, Pilisin nagawan lima ereba na-ge imbirik enlengen waruk mbiriga mbiriga o Mbet-Semes kuri mak mak wok yiga-o.

1 SEMUEL 6:3

it-nen onggo yogolar-e: ”Isarael nap Enmbal Pem Nagawan-nen idnak urul pidnak wene labu mbarak iri-ge we nag-e pil mbururak pug-o. Alat nde, kit-nen meya kwarigep onggo min-et pil mbururag-o. Iri nggal kwarogola-ge, kir-e ki yogolat, Isarael nap Enmbal Pem Nagawan-nen angin worak kundugu kenpem mberak posolat worasu iri-ge elem-e kenaru ma-o” luk yak indiga-o.

1 SEMUEL 6:6

Kir-e noluk-nen keneyanggo lak Mesira nagawan min Mesira woragwi nap min-nen kwariga iri na nggal kwatli-o? It iri-ge Mbal Pam Nagawan-nen lel mberel onposola karuk-nen Isaraal nab-e Mesira keya buruk mburuwakluk-nen keya inpiga iri na-ge meme rak purak pug-o.

1 SEMUEL 6:9

Wirik puruk, ngge nggwe mburuwa? kenlengen nak wolmomtag-o. Worakmu nde, at uwi siri Mbet-Semes ambigit nggwe-t mborosola-ge: ’E! Iri-ge Isarael nap Enmbal Pem Nagawan-net mondok lak tak onposo mende kwiye worak iri na-ge nenpem pil lobok yamu-o’ luk yebet kudtag-o. Alat nde, nggweyak koma iri nde iri nggwe mbirigit lak ala-ge, ’Iri-ge Isarael nap Enmbal Pem Nagawan-nen-e lag-o. Are, we nenpem mburag-et nenpem yamu-o’ luk yebet kudtag-o” luk yiga-o.