MBIRIGA WENE 8:12 - Nanduk Ngget Tul Pidnak Wene

¹² Yak turug-e, Musa min Arun min-e nagawan iri na eram-nen mbirigarig-e, mangge nagawan iri na bem pil lobok yidnak ereba na lak tak puwakluk, Nagawan Indo eram Musa-nen tepan yij-o.

MBIRIGA WENE 8:12 ပူးပေါင်းရင်းမြစ်များ

NDAWI ENGGA 105:31

Mbal Pem Nagawan-nen yidnak pem-et mirabon na kwarat lobok yosolat, nggurun na o ereba na oboksa-nen mondok yebet luk keya bij-o.

MBIRIGA WENE 10:18

Yosoloma, Musa na Pirayon keya buruk mborosolar-e, Nagawan Indo emengen mbarij-o.

MBIRIGA WENE 32:11

Yosoloma, Musa nen Nagawan Indo Ambal Pem Nagawan emengen mbarosolat-nen yosolar-e: ”Nagawan Indo wa-e. It yu-ge kat-nen tena unpuruk kinggi amawi bem Mesira-nen inmiri yaga wok unpuruk lobok yigen na-t nde, kar-e noluk-nen iri kwat unpugun-o?

MBIRIGA WENE 8:13

Yosoloma, Nagawan Indo-nen Musa-nen tepan yid iri na kulurug e, mangge o ma-nen omborom-nen yapmu-nen ereba na-ge oboksa worak pij-o.

MBIRIGA WENE 8:30

Iri luk Musa na Pirayon eram-nen mborosolar-e, Nagawan Indo eram tepan yij-o.

MBIRIGA WENE 8:8

Iri ala, nagawan iri na-nen Musa min Arun min wene mbo unpuruk-nen yak ondosolar-e: ”Mangge yeba lak tak puwak-nen kir-e Nagawan Indo eram tepan yer-o. Iri ala-ge, kit kenlem nab-e wam wosa Nagawan Indo amanggim puwakluk lerak keya inpimin-o” luk yak indij-o.

MBIRIGA WENE 9:33

Nde, Musa na nagawan eram-nen mborosolat, o siri keya buruk ombol nggwe mborosolar-e, Nagawan Indo emengen mbarosolat, inggi teram nggwe ligik puruk tepan yosola ereya na-net o nggu iri na lak yosolat, talme engen min talme min iri na pok yij-o.

YESKIEL 36:37

Nde, Nagawan Indo Mondok Kek tak iri na-nen yosolar-e: ”Isarael nap wa-e. An nindi-nen-e kir-e lomba oro nggal kwarat tak kenpeyek-nen ’Yongga kunduwakluk an nemengen mbarer-o’ yak kindimin-o.

1 SEMUEL 12:23

Nde, an nondomok namanggim-e an-nen kit kenmanggim tepan yigit lak yosolat, Nagawan Indo imin meya yimin naru kwara yongga nuruwag-o. Nde, iri-nen an-nen mul kondosolar-e, ndemeret konak mot mot kwarugwi irit mirik konposolat woramin-o.