MBIRIGA WENE 7:3 - Nanduk Ngget Tul Pidnak Wene

³ Alat nde, an nen nagawan iri-ge indi amawi rak posola, lak tak unpurak mende kwarat Mesira iri me enpem pimin-et nde, at-nen-e kat kene-ge ’No wene yusu?’ nggal tak puruk indi amawi irit ma-o.

MBIRIGA WENE 7:3 ပူးပေါင်းရင်းမြစ်များ

NEMIA 9:10

Kat-nen-e kilirak andi bandi rak inpili ereba na-ge karu me, kat-nen-e Mesira nagawan iri na min at eyabu wanugwi nap min we nap oboksa min kwat onposolar-e, kwiye worak kwarat kwat inpigen-o. Iri yigen pem-e kat kanggu kobog-e yawo-nen na mborosolat worasu-o.

NDAWI ENGGA 135:9

Mesira-nen-e at-nen-e Nagawan Piraon min at eyabu wanugwi nap ereba na min angin worak enpem posolar-e, wi yurak kwiye worak irit kwaramu-o.

MBIRIGA WENE 11:10

Yosoloma-ge, Musa min Arun min-e kwiye worak mende oboksa ereba Pirayon iri na eram-net kwariga-t nde, Nagawan Indo-nen indi amawi rak posola, Isarael nap yeba na-ge lerak inpigit lak yij-o.

MBIRIGA WENE 11:9

Nagawan Indo-nen Musa yak tosolar-e: ”An-nen Mesira wi yu me oboksa kwiye worak mende kwarat kwat unpuwaklug e, kat kene-ge mondok kuluwa bug-o” yij-o.

MBIRIGA WENE 14:4

An-nen-e Mesira nagawan iri na indi amawi rah pumu, kit muk kiniyujwa-t nde, an-nen-e Mesira nagawan iri min at-nen idnak esan ombo ereba min an namawi mirik onposola, it-nen-e an nimin-e ’Ar-e ndemeret Nagawan Indo-net yusu-o’ luk enaru ma-o” yak tij-o. Yosoloma-ge, it Isarael nap ereba na-ge Mbal Pem Nagawan-nen yak indidnak ereba na ndak ndag-et kwariga-o.

MBIRIGA WENE 3:20

Alat nde, an namawi bem Mesira nap lak tak unpurak angin worak mende nin tak nan tak kwiye worak it enpem pil lobok yosola-n perak, at-nen-e ’Mberer-o’ luk lerak kunpuwa-o.

MBIRIGA WENE 4:21

Nagawan Indo-nen Musa yak tosolar-e: ”Kat-nen kwiye worak mende kwarurak amawi-ge abu wok kirigi irir-o. Nde, kat-nen nde tuguruk Mesira mburugundig-e, kwiye worak mende-ge Mesira nagawan iri imbiri bem kwarosolat wolmin-o. Alat nde, an-nen-e at indi amawi rak posola, ’Kit Isarael nab-e mberer-o’ luk yak kunduwa bug-o.

MBIRIGA WENE 4:29

Yak turug-e, Musa min Arun min mbirigarik, Mesira wok yogolar-e, it Isarael nap ennggendumu-nen enne kulugwi nap ereba na oboksa ndok worak unpurug-e,

MBIRIGA WENE 4:7

Kasola-ge, Nagawan Indo-nen yak tosolar-e: ”Tuguruk kinggi-ge kusum arem nggorak pi-o” yosoloma, inggi na yid iri na nggal-et kwasa abare sum arem pil nggwarik, lit karuk nen piridnggal-e, ud na ambut yosolat aboro na-ge ondolma woraso nggal irit kagaij-o.

MBIRIGA WENE 7:13

Iri nggal-et karug-et nde, Mesira nagawan iri-ge mondok indi amawi luk, Musa min Arun min-nen yidnak wene-ge no mende nggal tak posolat woragid iri-ge, Nagawan Indo-nen yid iri na ndak ndag-et kwarij-o.

MBIRIGA WENE 9:16

Alat nde, an-e namawi mirik konposola, yi wi ndi wi oboksa na nanggu nobok mburuwakluk-nen kunluk keya kunpusu-o.

MIKA 7:15

Nagawan Indo wa-e. Nanduk kat-nen Mesira-nen lesa wok nunpuruk lobok yosolat kwiye worak kwat ninpigen iri na nggal kwiye worak kwat ninpi-o.

YOANES 4:48

Yosoloma-ge, Yesus-nen at yak tosolar-e: ”Kit-nen nde kagwi buk mende min kwiye worak mende min kagit lak-nen-e kinndi-ge an nebem angin tubu yugup pug-o” luk yak tij-o.

YIDNAK YIDNAK WENE 2:22

Kit Isarael nap wa-e. Wene yu koler-o. Nasaret nap na-ge Mbal Pem Nagawan-nen at mirik konposolar-e, kwiye worak mende min wi yurak mende min yenggerak purak mende min-e Mbal Pem Nagawan-e Yesus arem woralat-nen kit kennggendumu-nen irit kwarosolat woragaid na-ge kir-e kenaru irir-o.

YIDNAK YIDNAK WENE 7:36

At iri-net it lit eneyaruk mborosolar-e, Mesira-nen na irit, Yi Erengen Mimi arem-nen na irit, karu me-nen na irit, molengen lasolat mbosolat empat pulu (40) worasolar-e, kwiye worak mende min kagwi buk mende min kwarosolat woragaij-o.

OROMA 15:19

kwaril nosolar-e, yenggerak purak mende amawi min kwiye worak mende amawi bem-nen na iri pidsa Konak Indi amawi bem-nen kwaril nigi-o. Iri nggal kwaril nosolar-e, o Yerusalem-nen Kerisut-nen idnak aid wene na-ge kwara timbiril timbiril Ilirikum kuri pigi-o.

OROMA 9:18

Iri ala-ge, Mbal Pem Nagawan indi-n peraidnak pem-net ap unpud kasolat, at indi-n peraidnak pem-net ap inndi amawi rak posolat yoso-o.

TUGURUK YIDNAK WENE 4:34

Are, Nagawan Indo Kenmbal Pem Nagawan-nen Mesira-nen kit kwat kinpid iri nggal mbal pem nagawan misik mbi-nen yi nap ndi nap ennggendumu-nen ap elem mbi lesa wok unpuruk at elem nap tak inpidnak mbi worali, lak? Alat nde, Mbal Pem Nagawan amawi bem-nen kwarosolar-e, lak tak onposo mende bem-nen na, wim pem-nen na, kwiye worak nin tak nan tak amawi bem-nen kwarusu-ge kenlengen-nen kali irir-o.

TUGURUK YIDNAK WENE 7:19

Lak tak onposo mende kit kondomok-nen kwiye worak kaigep ereba na kinndi yeberak wolmer-o. Nagawan Indo Kenmbal Pem Nagawan-nen kit wisirik kenpeyeklug-e, at amawi nggok pem-nen kwarosolar-e, wi yurak mende ereba kwarij-o. Iri nggal-et Nagawan Indo-nen-e kit-nen yawo enaye kali nap ereba na oboksa-ge iri nggal-et kwat unpuwa-o.