MBIRIGA WENE 7:23 - Nanduk Ngget Tul Pidnak Wene

²³ Nde, kwiye worak kwat yid iri na-ge mondok te rak puruk, at na-ge at ama mbirij-o.

MBIRIGA WENE 7:23 ပူးပေါင်းရင်းမြစ်များ

MBIRIGA WENE 7:22

Alat nde, Mesira woragwi nap kagwi buk mende kwarugwi nap-nen na enaru yidnak pem kagwi buk mende iri na nggal-et kwarogola-ge, nagawan iri na-ge indi amawi irit woragij-o. Iri kwarid iri-ge Nagawan Indo-nen yosolar-e: ”Musa min Arun min kenne-ge kuluwa bug-o” yid iri na ndak ndag-et kwarosolat kwarij-o.

MBIRIGA WENE 7:24

Nde, Mesira nap oboksa-ge yi Nil norag-e meya me, yi norak kore yogolat yi eyak eyak nggweyak yalil mbiriga-o.

MBIRIGA WENE 9:20

Nagawan eyabu wanugwi nap ereba na ennggendumu ap erep-nen-e Nagawan Indo-nen yidnak wene iri na kuluruk, kwiye kwarat kagolar-e, ndegel unpugwi nap nde onowam nde talme engen-nen unduwa naru enma ndegera piga-o.

MBIRIGA WENE 9:21

Alat nde, it ereb-e Nagawan Indo-nen yidnak wene iri na-ge te rak puruk, ndegel unpugwi nap min onowam min-e ndegel inpigit lak mbilak ereba-t keya inpiga-o.

NGGOMO WENE 22:17

Kwara kuli-o. Enaru nap-nen wirik pugwi wene mul kirimin-o! An-nen mirik kibimin wene-ge kwara yebet ki-o.

YEREMIA 36:24

Nde, iri na kan posola-ge, Elnatan min Ndelaya min Nggemaria min-nen-e: ”Engga ket mbet tak iri na-ge kan purak pug-o” luk nagawan na emengen mbariga-t nde, ar-e it enne kuligit kuligit kan pij-o. Nde, nagawan-nen na irit, it pemerinta yabu winde engga iri wonarosola kuliga nap-nen na irit, engga arem mbarak ereba na bem-e kwiye na mondok yigit lak, iri-nen ”Niri nera-o” luk, unmud na mondok kagit lag-o.

ABAKUK 1:5

Iri luk, Nagawan Indo-nen at ilirak yak ondosolar-e: ”Enlem nin nap, kit kentalu inggi inggi worali nap ereba kwara lombot enper-o. Nde, kit-nen kwara lombot onpogolar-e, kit-nen-e: ’Ijar-o’ luk wi langgu mbarugub-o. Iri kwarugup iri-ge kit woragola ya tarem an-nen misik mende mbi kwarimin iri na obok nak nde yak kondogola-ge, kir-e ndemerer-o luk yebet kagup pug-o.

MALEAKI 2:2

Kit-nen kwarugwi mende bem-net an kek tak nuburag-o. Kit-nen nde an-nen yidnak wene kuligit lak yogola-ge, an-nen imbiri lamut tak kinpimin-o. Kit-nen ndak kenalen pem woragwi oboksa iri na-ge nin luk, imbiri lamut mende nde kwat ma-o. Kir-e an-nen kenpem pidnak wene-ge kwara kek tak pigit lak yogola karuk, konak mende oboksa ndemeret an-nen imbiri lamut tak pigi-o.

TUGURUK YIDNAK WENE 32:46

Musa-nen yosolar-e: ”Kit-nen kwarurak kenpem pidnak an-nen yawo yak kindigi ereba-ge kwara yebet karug-e kinlirak-nen pempa mot mor-et Nagawan Indo-nen enpem pidnak wene oboksa ereba na kwarogolat wolmakluk, kinlirak mul undurag-o.

1 SEMUEL 4:20

Kwe na komo wat yekluk yosoma-ge, kweyap at yongga witli ereba na-nen yak togolar-e: ”Mamak puruk wolmin-o. Kela yu-ge ap ndaigen-o” yak tiga-t nde, enne erep na nggarigit lak, it-nen yak tiga wene na kwara yebet kagit lag-o.