MBIRIGA WENE 7:13 - Nanduk Ngget Tul Pidnak Wene

¹³ Iri nggal-et karug-et nde, Mesira nagawan iri-ge mondok indi amawi luk, Musa min Arun min-nen yidnak wene-ge no mende nggal tak posolat woragid iri-ge, Nagawan Indo-nen yid iri na ndak ndag-et kwarij-o.

MBIRIGA WENE 7:13 ပူးပေါင်းရင်းမြစ်များ

MBIRIGA WENE 10:1

Nagawan Indo-nen Musa yak tosolar-e: ”Kar-e nagawan eram mbiri-o. An-e kwiye worak mende nin tak nan tak it ennggendumu kwareyekluk, Pirayon min at eyabu wanugwi nap min inndi amawi rak pigi-o.

MBIRIGA WENE 10:20

Alat nde, Nagawan Indo-nen Pirayon iri na-ge indi amawi rak irit posoloma-ge, Isarael nab-e lerak inpigit lak irit yij-o.

MBIRIGA WENE 10:27

Nde, Nagawan Indo-nen nagawan iri na indi amawi rak posola, at-nen Isarael nap iri na lerak unpurag e larok yij-o.

MBIRIGA WENE 14:17

Nde, Mesira nap ereba-ge an-nen inndi amawi rak pumu, mondok kit Isarael nap muk kiniyil lobok yuwa-o. An-nen-e Mesira nagawan iri min at-nen idnak ap kere ereba min onnggweyak koma min ebem koreyak ereba min enambigit an namawi wal kamin-o.

MBIRIGA WENE 4:21

Nagawan Indo-nen Musa yak tosolar-e: ”Kat-nen kwiye worak mende kwarurak amawi-ge abu wok kirigi irir-o. Nde, kat-nen nde tuguruk Mesira mburugundig-e, kwiye worak mende-ge Mesira nagawan iri imbiri bem kwarosolat wolmin-o. Alat nde, an-nen-e at indi amawi rak posola, ’Kit Isarael nab-e mberer-o’ luk yak kunduwa bug-o.

MBIRIGA WENE 7:12

it onowangun nggweyak ma mbud tak piganggal, waro irit kwat yij-et nde, Arun owangun iri na-nen it onowangun yeba na-ge ninggij-o.

MBIRIGA WENE 7:14

Iri luk Nagawan Indo-nen Musa yak tosolar-e: ”Nagawan iri-ge mondok indi amawi yosolat Isarael nab-e ’Mberer-o’ luk lerak unpusu buk me,

MBIRIGA WENE 7:22

Alat nde, Mesira woragwi nap kagwi buk mende kwarugwi nap-nen na enaru yidnak pem kagwi buk mende iri na nggal-et kwarogola-ge, nagawan iri na-ge indi amawi irit woragij-o. Iri kwarid iri-ge Nagawan Indo-nen yosolar-e: ”Musa min Arun min kenne-ge kuluwa bug-o” yid iri na ndak ndag-et kwarosolat kwarij-o.

MBIRIGA WENE 8:11

Nagawan Indo-nen-e nap kat min kat ndegel kubugwi nap min kat-nen idnak o bem nap min oboksa mangge ereba-ge kendam-nen lak tak puwa-t nde, yi Nil arem nak perak wolma-o” yij-o.

MBIRIGA WENE 8:15

Nde, nagawan-nen yik kagaidnggal, mangge yeba na-ge wat yidnak karug-e, Nagawan Indo-nen yosolar-e: ”Musa min Arun min enne-ge no mende nggal tak puwa-o” yid iri na ndak ndag-et tuguruk indi amawi irit yij-o.

MBIRIGA WENE 8:19

Iri ala karuk, it kagwi buk mende kwarugwi nap ereba na-nen nagawan iri na yak togolar-e: ”Yu-ge Mbal Pem Nagawan-net kwarusu-o” yak togola-t nde, Pirayon na-ge indi amawi irit yij-o. Iri kwarid iri-ge, Nagawan Indo-nen yosolar-e: ”Nagawan iri-ge Musa min Arun min enne-ge no mende nggal tak puwa-o” yid iri na ndak ndag-et kwarij-o.

MBIRIGA WENE 8:28

Yosoloma, Pirayon-nen yosolar-e: ”Nagawan Indo Kenmbal Pem Nagawan iri amanggim wam wosa kan pil ap lak ma nggwe mbururak iri-ge ob-er-o. Mbigija-ge kit-nen erepma nggwe mbirigit lak yurak iri nag-o. Nde, tepan an namanggim yurag-o” yij-o.

MBIRIGA WENE 9:12

Nanduk Nagawan Indo-nen yosolar-e: ”Musa min Arun min-nen yidnak wene-ge no mende nggal tak puwa-o” yid iri na ndak ndag-et kwarosolar-e, Nagawan Indo-nen Pirayon na-ge indi amawi rak ibij-o.

MBIRIGA WENE 9:35

Nde, Nagawan Indo-nen Musa yak tosolar-e: ”Nagawan iri-ge Isarael nab-e mondok lerak unpuwa bug-o” yid iri na nggal-et indi amawi yij-o.

MBIRIGA WENE 9:7

Nde, Pirayon-nen-e iri me-n kwat yidnak wene ereba na kin wanij-o. Kin wanosola karuk, yak togolar-e: ”Isarael nap onowam-e misiget ter-o luk mbi wat yigit lag-o” yak tiga-t nde, Pirayon na-ge indi amawi luk, Isarael nap na-ge lerak inpigit lag-er-o.

OROMA 1:28

Ab-e Mbal Pem Nagawan enaru yurag-e insili rak puruk keya bogola-ge, it inndi-ge meya nak peragolat, kwarugwi buk mende kwat tenak woragolat makluk-nen Mbal Pem Nagawan-nen-e keya inpij-o.

OROMA 2:5

Alat nde, kit kinndi amawi luk, kondok yili bug-o. Iri-nen ndowaga Mbal Pem Nagawan isilepma luk lud tag-et ap enpem wene mbaruwa tarem-nen-e kenpem wene mbarurak iri na kenambikpebe kenare pili-o.

IBERANI 3:13

Are, kit kennggendumu ap misiger-o luk tet meya yugwi elem-nen konmbol pem lasola, keneyanggo lak yugup naru kit na kit-nen pempa kinndi eyak wat kerak mbogolat woragolar-e, ”Yanem-er-o” luk unu yaridnak tarem worala ya-t iri nggal kwat tenak wolmer-o.

1 SEMUEL 6:6

Kir-e noluk-nen keneyanggo lak Mesira nagawan min Mesira woragwi nap min-nen kwariga iri na nggal kwatli-o? It iri-ge Mbal Pam Nagawan-nen lel mberel onposola karuk-nen Isaraal nab-e Mesira keya buruk mburuwakluk-nen keya inpiga iri na-ge meme rak purak pug-o.