MBIRIGA WENE 6:2 - Nanduk Ngget Tul Pidnak Wene

² Mbal Pem Nagawan-nen Musa yak tosolat-nen yosolar-e: ”An-e Nagawan Indo-nen yusu-o.

MBIRIGA WENE 6:2 ပူးပေါင်းရင်းမြစ်များ

NDAK WIRIDNAK WENE 15:7

Nde, misik pem-e Nagawan Indo-nen Abaram yak tosolar-e: ”An-e nggweyak yu kat ombo rak kebeyekluk, o Ut Mbabilonia nggweyak pem-nen lit kuburuk wagi Nagawan Indo-nen yusu-o” luk yak tij-o.

MBIRIGA WENE 12:12

Kubu iri tarem-et an-e Mesira wi mbenaril lobok yimin-o. An-e Nagawan Indo-t me, li marik-nen wam-nen nandug-et nderak iri-ge oboksa ondosolat, o Mesira-nen erembel wanugwi unkugiwak oboksa min ebe lak mende rak pimin-o.

MBIRIGA WENE 14:18

Iri yumu, Mesira nap-nen nebarogolar-e: ’Ar-e Nagawan Indo-net yusu-o’ luk yuwa-o” yij-o.

MBIRIGA WENE 15:3

Nagawan Indo iri-ge wim wari amawi worak-nen yusu-o. Unu-ge Nagawan Indo-o.

MBIRIGA WENE 17:1

Nde, Isarael nap oboksa-ge o Sin lid iri na keya burug-e, Nagawan Indo-nen yak indid iri na ndak ndag-et nin me-nen-e nin me ya turuk ereba-t mbiriga-o. Mbirigarik, misik tarem-e o Arapirim iri me o sare wiril lobok yiga-t nde, o iri me yi lak alama,

MBIRIGA WENE 20:2

”An-e kit anggun panggun tak kunpugwi sa Mesira-nen lesa wok kunpuruk lobok yigi nap Kenmbal Pem Nagawan, Nagawan Indo nen yusu-o.

MBIRIGA WENE 3:14

Yosoloma, Mbal Pem Nagawan-nen yosolar-e: ”An-e AN-E WORASO-O. Wene yu-ge kar-e Isarael nap yak indi-o: ’Unu misig-e AN-E WORASO iri na-nen an-e kit kendam wirik nibil lobok yamu-o’ yak indi-o.

MBIRIGA WENE 3:15

Kat-nen it yak ondosolar-e: Nagawan Indo an-e it onmborak Enmbal Pem Nagawan, Abarakam min Isak min Yakup min Enmbal Pem Nagawan an nak-nen it endam wirik kubusu-o. An nunu Nagawan Indo iri-ge pem-et woralik nalik irit wolma-o. Nde, an nunu Nagawan Indo iri-ge ap enlem oboksa nen ap pem lud pem yogolat wolma-o.

MBIRIGA WENE 6:29

”An-e Nagawan Indo-nen yusu-o. Nde, an-nen yak koroso wene ereba oboksa-ge Mesira nagawan iri yak ti-o” luk yak tij-et nde,

MBIRIGA WENE 6:6

Iri ala, an-nen yak undusu wene yu Isarael nap yak ender-o: ’An-e Nagawan Indo-nen yusu-o. Mesira nap-nen mumnggup manggim tak kunpuruk anggun panggun tak kinpili iri ge ininggiyapma-nen wisirik kinpimin-o. An namawi ija lombok nam tak posolar-e, kir-e kinmiri yosolat, nde, Mesira nab-e angin worak mende nggok lombok enpem pimin-o.

MBIRIGA WENE 6:8

An-nen Abarakam min Isak min Yakup min nggweyak yu wok kindimin-o luk owak mbara urul yak indigi nggweyak iri-ge kit wok kundumu pem mondok kit kunuwi nggweyak irit wolma-o. An-e Nagawan Indo-nen yusu-o’ yak ender-o” yij-o.

YESAYA 42:8

An nunu-ge Nagawan Indo-net yusu-o. An-nen kek tak woraso-ge mbal pem nagawan misik mbi mondok wok timin pug-o. An nanggu nobok mboroso elem iri na-ge an-nen-e kugwiwak ereba eram kegera keya bimin pug-o.

YESAYA 43:11

Nagawan Indo-ge an narig-et worasu-o. Kinmiri Yoso Nap misik mbi worasu-ge lag-o.

YESAYA 43:15

Isarael wa-e. An-e Nagawan Indo Kembal Pem Nagawan Mondok Marak kat ndak worak kibigi, kat-nen idnak Nagawan-nen yusu-o” luk yij-o.

YESAYA 44:6

Nagawan Indo Mondok Amawi Worak Isarael nap nggetlel onposo Nagawan Indo iri na-nen yid wene-ge yu-o: ”Mbal Pem Nagawan misiget an narik nak tel koroso min woroksiyem min-nen yusu-o. Mbal pem nagawan erep mbi mondok worasu bug-o.

YEREMIA 9:24

Ta-nen nde yi mende ndi mende bem indi kek yurak ala-ge, at-nen an aru yosolat, yebet neyasolat, an-nen pem irit enabuwa kasolat, an-nen mot mor-et ’Iri nggal kwarurag-o’ luk watsa posolat kwaroso wene ereba na bem-net indi kek yosolar-e ob-o. Ereba oboksa kwarogola-ge, an-e nindi alen tak pugub-o.’ Nde, an-e Nagawan Indo-nen yak kindigi-o” luk yij-o.

MALEAKI 3:6

Nagawan Indo-nen yosolar-e: ”An-e nin yoso buk Nagawan Indo-nen yusu-o. Iri bem-nen kit Yakup-nen wigarag-e mondok lak tak kinpigit lak worali-o.