MBIRIGA WENE 6:1 - Nanduk Ngget Tul Pidnak Wene

¹ Yak tosola-ge, Nagawan Indo-nen Musa yak tosolar-e: ”Yawo-ge an-nen nagawan iri kwat ibimin-e kagun-o. An-nen angin worak ebem posola-ge, an nelem nap iri-ge wisirik unpuwa-o. Nde, an-nen angin worak ebem posola-ge, at-nen-e it iri-ge o yu me-nen mburuwakluk langgara wirik unpuwa-o” yak tij-o.

MBIRIGA WENE 6:1 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 7:19

nagawan yongga woroso nap iri na-nen yosolar-e: ”Mondok Nagawan Indo at-nen yanem-et mbal tu kuwarak puwa-t nde, kat-nen yigen iri nggal-e mondok kwat ma bug-o” luk yosola, Elisa-nen onggo yosolar-e: ”Nunggwi mende ereba-ge kat kerengen-nen kagun-et nde, kar-e mondok mariget tet nunggun pug-o” luk yak tij-o.

2 NAGAWAN NAGAWAN-NEN KWARIDNAK WENE 7:2

Yak tosola-ge, nagawan iri yongga woroso nap iri-nen onggo yosolar-e: ”Mondok Nagawan Indo at-nen yanem-et mbal tu kuwarak puwa-t nde, kat-nen yigen iri nggal-e mondok kwat ma bug-o” yij-o. Nde, Elisa-nen onggo yosolar-e: ”Kar-e kerengen-nen kagun-et nde, nunggwi mende ereba-ge kat-nen-e mariget tet mondok nunggun pug-o” luk yak tij-o.

NDAWI ENGGA 136:12

Iri yosolar-e, at inggi amawi bem erabit umbunu bem irit wok unpuruk lobok yamu-o. At-nen-e pem kundugu irit enabuwa yoso-nen yusu-o.

NDAWI ENGGA 89:13

Kat kamawi-ge nggok lombog-o! Kat karong-e ija lombog-o!

MBIRIGA WENE 11:1

Nagawan Indo-nen Musa yak tosolar-e: ”An-nen-e Pirayon min at-nen tenagidnak wi woragwi nap min enpem lak tak onposo mende tuguruk misik mberak pimin-o. Iri rak onposola-nen perak mborobokluk lerak kunpuwa-o. Iri yosolar-e, kir-e o yu me-nen langgara wirik kunpuwa-o.

MBIRIGA WENE 12:31

Ala karuk, kubu iri na-t Pirayon-nen Musa min Arun min wene mbo unpuruk-nen yak ondosolar-e: ”Yawo kir-e mondok pidsa mberer-o! Yawo-ge nunuwi keya ber-o. Kit-nen ’Mbal Pem Nagawan erembel wil mburul-o’ yili na-ge yawo-n mburugupndik erembel waner-o.

MBIRIGA WENE 12:33

Iri yogolar-e, Mesira nap-nen Isarael nap ndag-et nak Mesira keya buruk mburuwakluk lembe yogolat-nen yak ondogolar-e: ”Ndag-et mberer-o. Kit mbirigit lak yogola-ge, nit pidsa wat mul-o” yiga-o.

MBIRIGA WENE 12:39

Nde, ir-e Mesira-nen oroti lomboroso mende pigit lak awo worakit lak kona pidnak waruk mbiriga ereba na-ge oroti woraiga-o. Nde, it na-ge iri me-nen langgara wirik onpogola, mija lele nak mborogolar-e, tularo mondok lid lud tak pigit lak irit mbiriga-o.

MBIRIGA WENE 13:14

Abok-nen kinlirak-nen kin wok konpogolar-e: ’Yeba-ge ebe-ge ngge kwarag-o?’ luk kin wok konpogola-ge, kit-nen onggo-ge yu nggal yurag-o: ’Nagawan Indo amawi worak iri na bem-nen anggun panggun tak nunpugwi sa Mesira-nen wesera wok nunpuruk lobok yamu-o.

MBIRIGA WENE 13:16

Iri kwarugwi iri-ge yenggerak pugwi mende nininggi bem min ninmbiriwak pem min kamarak pidnak nggal woralat iri-nen yeberak nonposolat wolma-o. Iri nggal kwasa Nagawan Indo-nen-e amawi bem-nen Mesira-nen wisirik nenpamu-o luk ninndi yeberak nonposolat wolma-o’ yak undurag-o” luk yij-o.

MBIRIGA WENE 13:3

Musa-nen Isarael nap yak ondosolar-e: ”Nagawan Indo inggi amawi kwarat pem anggun panggun tak kunpugwi sa Mesira-nen wisirik kinpidnak tarem yu pempa yebet kagolar-e, oroti lomboroso mende pigit lak oroti iri nak woraga nonggolat wolmer-o.

MBIRIGA WENE 13:9

Oroti lomboroso mende pigit lak oroti nunggwi tarem yu-ge yenggerak purak mende ininggi bem min inmbiriwak pem min kamarak pugwi nggal kwat ma-o. Nde, Nagawan Indo-nen amawi kwarat pem kir-e Mesira wi-nen wisirik kinpidnak me, iri yidnak tarem yebet kagola-ge, iri-nen yeberak konposolar-e, Nagawan Indo-nen ’Irit kwarurag-o’ luk wat tak pidnak wene yogolat, kwara kenaru yogolat woragup na-e.

MBIRIGA WENE 14:13

Iri yogolikma, Musa-nen onggo yosolar-e: ”Kwiye yili-ge meyog-o! Kinndi tugup lak wolmer-o. Nagawan Indo-nen kit kinmiri yosolat-nen kwaruwa-ge yanem kagub-o. Mesira nap yawo eneyali yeba-ge abog-e mondok eneyagup pug-o.

MBIRIGA WENE 15:6

Nagawan Indo wa-e. Kat kinggi kigit amawi-ge ap-nen wi yugwi-nen yusu-o. Kat kinggi-nen wim nab-e yigisa lak tak inpigen-o.

MBIRIGA WENE 7:4

Iri bem-e an-nen Mesira enpem wene mbarosolar-e, angin worak irit mberak pimin-o. Iri rak purug-e an nelem nap Isarael nap oboksa Mesira-nen wok unpuruk mborosola-ge,

MBIRIGA WENE 7:5

an-nen Mesira nab-e angin worak enpem puruk, Isarael nab-e Mesira-nen wok unpuruk mborosola-ge, it Mesira nap-nen neberagolar-e: ’Ndemeret Nagawan Indo-nen yusu-o’ luk enaru ma-o” yij-o.

YESAYA 63:12

Nagawan Indo inggi amawi worak Musa imin nosolat, pempa at unu kek tak pogolat wolmakluk, it enlengen pem yi koma mbuguksa pyry rak pid iri na-ge ngge me worasu-o?

WONARIDNAK WENE 11:23

Yosoloma, Nagawan Indo-nen erep nggarosolar-e: ”An namawi-ge marig-et kasu-a? Kerengen wolmin-o. An yak kirigi iri-ge kwat yigit lak yosola kagun, lak?” yij-o.

WONARIDNAK WENE 23:23

Kugi amawi Yakup ebem ma-t nde, ebem ma bug-o. Kugi tu mbarugwi amawi worag-e Isarael abuwog-e pak tuwa bug-o. Ap-nen Isarael onpok yogolar-e: ’Mbal Pem Nagawan-nen kwiye worak it ennggendumu kwarusu iri ker-o’ yuwa-o.

YIDNAK YIDNAK WENE 13:17

Isarael nap Enmbal Pem Nagawan-nen-e nit nenlawingga len unpurug-e, ir-e ap sal nggal Mesira wi woragola-ge, ap kwarat tak inpij-o. Iri lug-e Mesira wi-nen at inggi amawi bem-nen lit unpuruk mberamu-o.

TUGURUK YIDNAK WENE 32:39

Kwara yebet ker-o. Mbal pem nagawan nin mbi-ge mondok lak. Mbal Pem Nagawan-e an narig-et nak-nen yusu-o. An-e lak tak onposo min unluk tak poso min-nen yusu-o. An-e mep tak onposo min ambut tak onposo min-nen yusu-o. An-nen kwarosola-ge, ap misiger-o luk tet nebem kore yugwi buk-nen yusu-o.

TUGURUK YIDNAK WENE 4:34

Are, Nagawan Indo Kenmbal Pem Nagawan-nen Mesira-nen kit kwat kinpid iri nggal mbal pem nagawan misik mbi-nen yi nap ndi nap ennggendumu-nen ap elem mbi lesa wok unpuruk at elem nap tak inpidnak mbi worali, lak? Alat nde, Mbal Pem Nagawan amawi bem-nen kwarosolar-e, lak tak onposo mende bem-nen na, wim pem-nen na, kwiye worak nin tak nan tak amawi bem-nen kwarusu-ge kenlengen-nen kali irir-o.