MBIRIGA WENE 5:6 - Nanduk Ngget Tul Pidnak Wene

⁶ Yak unduruk, iri tarem-net Pirayon-nen yak ondosolar-e, Isarael nap yabu enpem pugwi Mesira nap na min Isarael nap ennggendumu it yik eneyarok wolmakluk lenak inpidnak nap min Pirayon iri na-nen wene ene amawi min watsa enpem posolar-e:

MBIRIGA WENE 5:6 ပူးပေါင်းရင်းမြစ်များ

MBIRIGA WENE 1:11

Iri lug-e, it Mesira nap-nen-e Isarael nap yik eneyarok wolmomtak nap lenak inpikma, it-nen Isarael nap na anggun panggun tak onpogolar-e, enne amawi bem watsa yabu enpem pogola, it-nen-e Mesira nagawan iri na amanggim o siri iminepma silobulo ndok wosa purak o Pitom min Aramses min ereya-ge it Isarael nap-nen wiriga-o.

MBIRIGA WENE 3:7

Nde, Nagawan Indo-nen yosolar-e: ”Mesira iri me-nen an nilirak iri andi bandi rak inpili iri-ge an-e abu eneyagi-o. ’Nit anggun panggun tak ninpili nap ininggiyapma-nen wisirik nunpurag-o’ luk enne nggoksa nemengen mbarogola kuligi-o. It-nen andi bandi kali oboksa-ge an-e mondok ndemeret naru-o.

MBIRIGA WENE 5:10

Yosoloma, Isarael nap yabu enpem pugwi Mesira nap min Isarael nap ennggendumu it yik eneyarok wolmakluk lenak inpidnak ereba na min-nen mbirigarik, Isarael nap na yak ondogolar-e: ”Nagawan nen wene wirik posolar-e: ’Nggweyak kerep konurak mbato ariwak wok undurak pug-o’ yamu me, wok kindili na wok kundul pug-o.

MBIRIGA WENE 5:19

Nde, it yabu wanogola yik eneyarok woragwi Isarael nap ereba na yak ondosolar-e: ”Mondok nggweyak kerep konogolar-e, mondok mariger-e konurak pug-o. Are, nanduk konili ereba na nggal-et konurag-o” luk lembesa yak ondosola-n perak nde, ”E! Nir-e anggun panggun tak nonpogolat worali kagi” luk yenggerak piga-o.

MBIRIGA WENE 5:7

”Nde, mondok yawo kuri-nen-e it nggweyak kerep woraguwakluk tuguruk nggandum mbato ariwak it Isarael nap yu-ge wok undurak pug-o. It ondomok-net kore yil mburuwakluk keya unpurag-o.

WONARIDNAK WENE 11:16

Yosoloma, Nagawan Indo-nen Musa yak tosolar-e: ”Kat-nen-e Isarael nap ennggendumu-nen enne kulugwi nap enpe tuju pulu (70) ndok worak unpuruk, an neram nama inmin lobok yugundik, keralu mendak inpi-o.

YOSUA 24:1

Yosua-nen-e Isarael nap oboksa o Sikem iri me ndok wuruwakluk yonggo onposola-ge, Isarael nap ennggendumu-nen enne kulugwi nap min ap sarok min wene mbenarugwi nap min san wari min yonggo onposola-ge, ir-e Mbal Pem Nagawan eram wok yiga-o.

YOSUA 24:4

Iri luk, Isak wok tosolar-e, ilirak mberen Yakup min Esau min wok tigi-o. Nde, Esau wok tosolar-e, Erom nggweyak ndobo worak iri-ge winde rak pigi-o. Alat nde, kombo Yakup iri ilirak inmin-e Mesira mbirij-o.