MBIRIGA WENE 5:22 - Nanduk Ngget Tul Pidnak Wene

²² Iri yogola-ge, Musa na tuguruk Nagawan Indo eram tepan yosolat-nen yosolar-e: ”Nagawan Indo wa-e. Kar-e noluk-nen Isarael nab-e mondok meya yu nggal kwat unpusu-o? Kar-e noluk-nen yu me nibil lobok yigen-o?

MBIRIGA WENE 5:22 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 19:10

Yosoloma, Elia-nen onggo yosolar-e: ”Nagawan Indo kamawi worak Mbal Pem Nagawan wa-e. An-e pempa Nagawan Indo kat kamanggim nag-et yabu-ge wanoso-o. Alat nde, Isarael nab-e it-nen kat kimin urul piga wene ereba na ondomok-nen kwid togolar-e, kat kamanggim wam wosa kan pugwi ondoro ereba na mijarogolat, kat kene lomboksa yugwi nap ereba na oboksa ondogolat yikma, an narig-et nak worala, yawo-ge nururak yili-o” luk yak tij-o.

1 NAGAWAN NAGAWAN-NEN KWARIDNAK WENE 19:4

Iri luk, ijok tu nembaga nggwe aptusa misik tarem-et mbirij-o. Mberarik, e angga mumak worak misik indipma-t ndong luk kore yosolar-e, wat yurak nak mot tak pij-o. Woralat-nen tepan yosolar-e: ”Nagawan Indo wa-e. An-e ndak siri mbarigi-o. Iri ala, an-e wat yeg-o. Nomborag-e wat yiga-t nde, an-e noluk nuruk wolmomtag-o? Mondok nindi wani-o!” yij-o.

NDAWI ENGGA 73:25

Aid arem-nen-e an-e ta nggal winde yimin-o? An narengge kat nag-er-o. Nggweyakma yu me-nen-e ta nggal nindi ebem pimin-o? Mondok lag-o, kat kebem nak pimin-o.

MBIRIGA WENE 17:4

Yogolikma-ge, Musa na mondok kiri keresa Nagawan Indo emengen mbarosolat-nen yosolar-e: ”An-e ap it yu enmanggim-e no kwarimin-o? Mondok kerep nuruwokluk yili yu ki-o” luk yij-o.

YEREMIA 20:7

Nagawan Indo wa-e. Kat-nen an namberam lasola, an-e namberam lanokluk, larok yigi-o. Kat kamawi-ge ombol nggwe terak minig-et me, an-e kat keram teberak nibigen-o. Ap oboksa-nen an pesel nobogolat, enlengenma nggal tak nobogolar-e, kuplila-nen tel kwiridnak, keyama yusu-o.

ABAKUK 2:3

An-nen nam tak pimin mende-ge awo worasu me, engga bem mbarurag-o. Alat nde, iri kwaruwa tarem-e yanem-et wok ma-o. An-nen kat kimbiri bem nam tak pigi mende-ge ndemeret kwar-et ma-o. Yik kagolar-e, woraruk-nen kwat ma-o luk perali-t nde, mondok karok nak wolmin-o! Iri kwarurak tarem-e wog-et ma-o. Nimik tak puwa bug-o.

WONARIDNAK WENE 11:11

Nagawan Indo yak tosolar-e: ”Noluk nen anggun panggun tak nubusu-o? Kar-e an-e kisili rak nubusu, lak? Noluk-nen ap yeba oboksa kar-e an nebem nak pigen-o?

YOSUA 7:7

Iri yogolat-nen Yosua-nen Nagawan Indo yak tosolar-e: ”O, Nagawan Indo Nembal Pem Nagawan wa-e. Noluk-nen kar-e Yi Yareren yu eyak ponok nggwe ninmin ndil waigen-o? Amori nap ininggem kegera keya nenpeyekluk-nen kwarigen, lak? Nit wat makluk-nen kwarigen, lak? Yi Yareren eyak ele bem nak woralep nggal-nen-e ob-et nde-o!