MBIRIGA WENE 5:10 - Nanduk Ngget Tul Pidnak Wene

¹⁰ Yosoloma, Isarael nap yabu enpem pugwi Mesira nap min Isarael nap ennggendumu it yik eneyarok wolmakluk lenak inpidnak ereba na min-nen mbirigarik, Isarael nap na yak ondogolar-e: ”Nagawan nen wene wirik posolar-e: ’Nggweyak kerep konurak mbato ariwak wok undurak pug-o’ yamu me, wok kindili na wok kundul pug-o.

MBIRIGA WENE 5:10 ပူးပေါင်းရင်းမြစ်များ

MBIRIGA WENE 1:11

Iri lug-e, it Mesira nap-nen-e Isarael nap yik eneyarok wolmomtak nap lenak inpikma, it-nen Isarael nap na anggun panggun tak onpogolar-e, enne amawi bem watsa yabu enpem pogola, it-nen-e Mesira nagawan iri na amanggim o siri iminepma silobulo ndok wosa purak o Pitom min Aramses min ereya-ge it Isarael nap-nen wiriga-o.

MBIRIGA WENE 3:7

Nde, Nagawan Indo-nen yosolar-e: ”Mesira iri me-nen an nilirak iri andi bandi rak inpili iri-ge an-e abu eneyagi-o. ’Nit anggun panggun tak ninpili nap ininggiyapma-nen wisirik nunpurag-o’ luk enne nggoksa nemengen mbarogola kuligi-o. It-nen andi bandi kali oboksa-ge an-e mondok ndemeret naru-o.

MBIRIGA WENE 5:11

Nde, mbato ariwag-e kit kondomok-net kore yil nuruk, nggweyak kerep konurag-o. Alat nde, konogolar-e, mariger-e konurak pug-o. ’Nanduk konigep ereba na ndak ndag-et konurag-o’ luk nagawan-nen yak kindij-o” luk yak indiga-o.

MBIRIGA WENE 5:6

Yak unduruk, iri tarem-net Pirayon-nen yak ondosolar-e, Isarael nap yabu enpem pugwi Mesira nap na min Isarael nap ennggendumu it yik eneyarok wolmakluk lenak inpidnak nap min Pirayon iri na-nen wene ene amawi min watsa enpem posolar-e:

MBIRIGA WENE 5:9

it ap iri-ge yabu bem nak kiri keresa nggogolat, ebe lak kasa kasa wene ereba kulurak tarem ondoro lak makluk, yabu-ge angin worag-et watsa enpem pugupmu wanuwag-o” luk yij-o.

YESAYA 30:6

Nde, unta wam abare ena nggwe (selatan) worasu ereba wene-ge Nagawan Indo-nen-e yu nggal yij-o: ”Yewura-nen wirik inpil mbiridnak nap-nen it-nen idnak unta wam min enkelerai wam min ombolwak pem puruk, silobulo waruk mborogolar-e, o tula mondok enlengenwak lak tak purak nggwe, singa ndakngge min waro lese min waro naga isiyamu worak min worak ereba na nggwe-t waruk mbirigarik, waruk mbiriga ereba na-ge ap enlem mbi-nen it yongga undurag-e meya-t nde, ’Yongga nunduwa-o’ luk endam piga-o.