MBIRIGA WENE 5:1 - Nanduk Ngget Tul Pidnak Wene

¹ Nde, Musa min Arun min mbirigarik, Pirayon eram wok yogolat-nen togolar-e: ”Isarael nap Enmbal Pem Nagawan, Nagawan Indo-nen yu nggal yak kurusu-o: ’An nelem nap iri-ge nembaga ereba an nerembel wil mburuwak-nen lerak inpi-o’ luk yak kurusu-o” luk yak togolikma-ge,

MBIRIGA WENE 5:1 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 21:20

Nde, Akap-nen Elia karuk, yak tosolar-e: ”Nuwim nap wa-e. Kar-e an nebem kore yurak lobok yusu-a?” luk yak tij-o. Yosoloma-ge, Elia-nen yosolar-e: ”Ye! Ndemerer-o. Nap kar-e mondok kindi-net wat tak puruk, Nagawan Indo erengen pem mondok meya nggok kwaridnak me,

MBIRIGA WENE 10:3

Yosoloma, Musa min Arun min-e Pirayon eram mbirigarik-nen yak togolar-e: ”Iberani nap Enmbal Pem Nagawan, Nagawan Indo-nen yosolar-e: ’Mepme tarem nggal-nen kar-e an neram tebe yugun-o? An nelem nap iri-ge an nerembel wil mburuwak-nen lerak inpi-o.

MBIRIGA WENE 10:4

Kat-nen nde lerak inpigit lak ala-ge, kub-e sil kwarat kuwi silmu pil lobok yimin-o.

MBIRIGA WENE 10:9

Musa-nen onggo yosolar-e: ”Nir-e Nenagawan Indo kek tak pogolat inik inik nggok sagurak me, nit oboksa sujwe min indi worak min, ninlirak oboksa min nonowam lomba min kambing min sapi min oboksa waruk mburul-o” yij-o.

MBIRIGA WENE 3:18

An nilirak-nen-e kat kene-ge kuluwar-o. Kologola-ge, kat min Isarael nap ennggendumu enne kulugwi ereba inmin-e Mesira nagawan iri na eram mburugupndik, yak togolar-e: ’Iberani nap Nenmbal Pem Nagawan, Nagawan Indo nit nendam lobok yarik, ninmbiri bem nam yidnak me, nit-nen Mbal Pem Nagawan amanggim wam wosa emben wok togolat kan puwokluk mbogorolar-e, nembaga-ge tundumu mberen nene yuwok-nen kat-nen lerak ninpi-o, nab-o’ luk yak ter-o.

MBIRIGA WENE 33:13

Iri ala-ge, Nagawan Indo wa-e. An-e pempa kat ndegel kobosolat kalen tak posolat worayek-nen kat-nen kwarurak kindi arem yemnak pigen iri mirik nibi-o. Nde, Isarael nap yu-ge kat-nen lena wok inpigen kat karengge nar-o” luk yak tij-o.

MBIRIGA WENE 4:23

Nde, an nene namawi min kat watsa kebem posolar-e, an nerembel wil mburuwak-nen an nambara iri-ge lera keya ibi-o yigi-t nde, kar-e tena unpusu me, yawo-ge kat kambara manggiya iri-ge wirimin-o” luk Nagawan Indo-nen yij-o’ yak turag-o” jak tij-o.

MBIRIGA WENE 6:11

”Kar-e Mesira nagawan iri eram mburugundik yak tosolar-e: ’Isarael nap iri-ge o yu keya buruk mburuwag-o’ luk yak ti-o” yij-et nde,

MBIRIGA WENE 7:16

Worasoma, lobok yosola-ge, kat-nen nagawan iri yak tosolar-e: Iberani nap Enmbal Pem Nagawan, Nagawan Indo-nen kat keram nibil lobok yid iri-ge, kat-nen at elirak lerak onposola, at erembel wanuwakluk nembaga ereba mbururak wene kat yak kururak nibil lobok yij-et nde, yawo na kar-e an nene kulusu buk me,

MBIRIGA WENE 7:2

Kat-nen kwarurak an-nen yak kirigi wene ereba na-ge oboksa Arun yak ti-o. At-nen nagawan iri yak tosolar-e: ’Isarael nab-e Mesira keya buruk mburuwak-nen lerak inpi-o’ luk yak tuwag-o.

MBIRIGA WENE 8:1

Iri luk, Nagawan Indo-nen Musa yak tosolar-e: ”Kar-e nagawan eram mburugundik, an-nen yidnak wene yu yak ti-o: ’An nelem nap iri-ge an nerembel wanuwakluk ”Mberer-o” yak indi-o.

MBIRIGA WENE 8:16

Nagawan Indo-nen Musa yak tosolar-e: ”Arun iri yak ti-o. Owangun pem nggweyak lel kujwag-o. Lel kasola, o age mabe nggal mborosolar-e, o Mesira wi oboksa o age mabe nggal iri-nen nggurun kwat ma-o” luk yak tij-o.

MBIRIGA WENE 8:17

Yak tosoloma-ge, Arun-nen owangun pem nggweyak lel kasola-ge, Mesira iri me o age mabe nggal oboksa nggurun kwat lug-e, ap enpem-nen wam pem-nen luknggere mbij-o.

MBIRIGA WENE 8:20

Nagawan Indo-nen Musa yak tosolar-e: ”Kar-e kub-e kubu kabu Pirayon yi ma mbuwasoma, imin lambuk yekluk mbiri-o. Lambuk lug-e, an-nen yidnak wene yu yak ti-o: ’An nelem nap iri-ge an nerembel wil mburuwak-nen lerak inpi-o.

MBIRIGA WENE 8:27

Iri ala karuk, nit Nenagawan Indo Mbal Pem Nagawan-nen yidnak ndak ndag-et kwarogolat at amanggim wam wosa kan pil mborogolar-e, ap lak ma mborogolat tundumu mberen nene yul-o” yij-o.

MBIRIGA WENE 9:1

Nagawan Indo-nen Musa yak tosolar-e: ”Kar-e Pirayon eram mbiri-o. Mburugundik-nen yak tosolar-e: ’Iberani nap Enmbal Pem Nagawan, Nagawan Indo-nen yosolar-e: ”An nelem nap iri-ge an nerembel wil mburuwak-nen lerak inpi-o.

MBIRIGA WENE 9:2

Kat-nen nde it lerak inpigit lak ala-ge,

YESKIEL 2:6

Alat nde, nggweyakma nap, lak yoso wa-e. Kar-e it eneyanggo lak iri enaye kasolat, it-nen yak kuruwa wene iri na kwiye yosolat kwarurak pug-o. It-nen-e kat kimin wim mbarogola, enlengenma nggal tak kobogola-ge, kar-e kigaru eyak worak enggendumu woraidnak nggal-et woragun-o. Alat nde, wene eyak wurugwi ereba-ge kar-e enaye yurak pug-o.

MATIUS 10:18

An nebem ala, kit kenpem wene mbarogolar-e, pemerinta wari nde, nagawan nagawan nde ininggem kunpuwama, nanongga kir-e an nowene it min enlem nin nap min yak undugub-o.

MATIUS 10:28

Kinndi-ge wirigit lak, we kenaboro nak wururak nap iri-ge enaye kudtak pug-o. Are, kan mare arem-nen kenpe min-et kinndi min-et lak tak kunpurak Mbal Pem Nagawan nak aye kudtag-o.

YIDNAK YIDNAK WENE 4:29

Nagawan Indo wa-e. Yawo-ge it enne amawi min-et watsa yak nindidnak wene iri-ge yebet ki-o. Yebet karug-e, kat ndegel kubugwi nap nir-e kat-nen yidnak wene yik tenak wolmok-nen kwiye kagwi buk elem wok nindi-o.

1 KORINTUS 5:8

Iri bem-e, nir-e sakwi tarem iri igijak worogolar-e, nanduk-nen lomboroso mende, meya yugwi min uwingga mbarugwi min yidnak lomboroso mende arem pidnak oroti iri imin igijak wururak pug-o. Are, lomboroso mende arem pigit lak oroti, mbek tak pidnak oroti, ndemeret wene bem yidnak oroti iri nak igijak wuruwog-o.