MBIRIGA WENE 40:20 - Nanduk Ngget Tul Pidnak Wene

²⁰ Iri rak purug-e, urul pidnak wene labu mbarak iri na arem-e kerep imiri mbarak pidnak wene mbarak ya na yarak puruk, usurup puruk, labu mbarak iri na bem manggo yaga uru bela pidnak iri na arem tenaburuk kud turak e pil nggwij-o.

MBIRIGA WENE 40:20 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 8:9

Nde, urul pidnak wene labu mbarak iri arem-e mondok nin nan-e yarak pigit lag-o. Are, imiri mbarak pidnak wene mbarak kerep mberen Isarael nap Mesira wi-nen Kanaan wi mborogola, Nagawan Indo-nen inmin kondosolat urul yak indidnak wene mbarak kerep mberen Musa-nen Sinai Ndobo bem-nen yarak pid ereya na nak yarag-o.

NDAWI ENGGA 40:8

’Mbal Pem Nagawan wa-e. Kat kindi-n pidnak kwarurak iri-ge an-e nindingen-o. Kat-nen idnak imiri mbarak pidnak wene-ge an narem pukmu-o’ luk mbarak worasu-o” yigi-o.

MBIRIGA WENE 16:34

Yosoloma, Nagawan Indo-nen watsa Musa yak tid iri na ndak ndag-et Arun-nen-e togolwak iri na-ge ndok worak wolmomtak pem urul pidnak wene labu mbarak iri na eralu pij-o.

MBIRIGA WENE 31:18

Sinai ndobo bem-nen Mbal Pem Nagawan-nen Musa imin wene mbatlug-e, Mbal Pem Nagawan-nen-e kerep abak mberen Mbal Pem Nagawan-nen imiri mbarak pidnak wene mbarak irit Musa wok tij-o.

MBIRIGA WENE 40:19

Iri rak purug-e, Nagawan Indo-nen yak tid iri na ndak ndag-et o ngguwa-ge sum abak pem wosarosolat, kebet na sum pem-net tambungsa mbeyoksa keya bij-o.

MATIUS 3:15

Yosoloma-ge, Yesus-nen yak tosolar-e: ”Irit nde, yawo-ge ereba mag-o. Iri nggal kwarogolar-e, Mbal Pem Nagawan indi-n pidnak obok ndak ndak pogolat-nen kwarul-o” luk yak tosoloma-ge, Yoanes na-ge at-nen yidnag-et kwarij-o.

OROMA 10:4

Musa-nen imiri mbarak pidnak wene na-ge Kerisut-nen ndak tak pidnak me, inndi-ge at ebem angin tubu yuwa nap pidsa-ge lud tak nak unpuwa-o.

OROMA 3:25

Mbal Pem Nagawan-nen-e Yesus iri-ge wam wosa eyabi at amanggim pidnak nggal pid iri-ge, at eyabi mbiridnak pem at ebem inndi angin tubu yidnak nap-nen meya yidnak lak tak peyekluk pij-o. Mbal Pem Nagawan-nen Yesus pid iri-ge at lud tak nak kwaroso na mirik nenpeyekluk-nen pij-o. Nandug-e ap-nen meya kwarogola, eneyasolar-et nde, Mbal Pem Nagawan-nen at indi luruk puruk, indisem woragaij-o.

TUGURUK YIDNAK WENE 10:5

ndobo bem-nen mbuwasolar-e, kerep ya na-ge ondoro konigi iri na arem yarak pigi-o. Yarak pigi iri na-ge, yawo-nen na mondok yarak irit worasu-o” yij-o.

IBERANI 4:16

Iri bem-e, Mbal Pem Nagawan indi op koreyak worasu sa at eram wok yogolar-e, ninndi kwiye lag-et wok yuwog-o. Nit nenabuwa kasolat, nit ninndi kabak yidnak tarem-nen we irit yongga nunduwakluk wok yuwog-o.

IBERANI 9:4

Nde, o ma iri me-ge emben worak mende kan pugwi sa emas-nen konidnak iri min emas-nen mbeyoksa keya bidnak labu mbarak iri min woragaij-o. Nde, Mbal Pem Nagawan-nen urul pidnak wene labu mbarak na arem-e no mende mburu yarak emas-nen konidnak yimbe na min Arun owangun isit mbiridnak iri na min Mbal Pem Nagawan-nen imiri mbarak pidnak wene sepulu mbaridnak kerep abak mberen iri na min-e labu mbarak iri arem yarak woragaij-o.

1 YOANES 2:2

Nde, nit meya yidnak amberam tak puwakluk, Kerisut-e mirin ngal yij-o. Nde, nit meya yidnak nag-e lag-o. Are, ap pidsa meya yidnak amberam tak puwakluk, mirin ngal yid irir-o.