MBIRIGA WENE 4:22 - Nanduk Ngget Tul Pidnak Wene

²² Iri yosola-ge, nagawan iri-ge yu nggal yak turag-o: ’Nagawan Indo at-nen yosolar-e: ”Isarael iri-ge an nambara manggiya nen yusu-o.

MBIRIGA WENE 4:22 ပူးပေါင်းရင်းမြစ်များ

NDAWI ENGGA 89:27

Iri yosola, an-nen kwarak obosolar-e, an nambara manggiya rak ibimin-o. Iri rak pumu, nagawan oboksa ennggendumu-nen nagawan anggu obok worak tak pimin-o.

MBIRIGA WENE 6:11

”Kar-e Mesira nagawan iri eram mburugundik yak tosolar-e: ’Isarael nap iri-ge o yu keya buruk mburuwag-o’ luk yak ti-o” yij-et nde,

MBIRIGA WENE 7:16

Worasoma, lobok yosola-ge, kat-nen nagawan iri yak tosolar-e: Iberani nap Enmbal Pem Nagawan, Nagawan Indo-nen kat keram nibil lobok yid iri-ge, kat-nen at elirak lerak onposola, at erembel wanuwakluk nembaga ereba mbururak wene kat yak kururak nibil lobok yij-et nde, yawo na kar-e an nene kulusu buk me,

YESAYA 63:16

Kar-e nit nineid-net yusu-o. Abarakam min Yakup min-e nir-e enaru bug-et nde, Nagawan Indo wa-e. Kar-e nit nineid, o nanduk ereba-net nit ninmiri yoso-nen yusu-o.

YESAYA 64:8

Alat nde, Nagawan Indo wa-e. Kar-e nit nineid-net yusu-o. Nir-e mimi nggweyag-et nde, kat-nen kwarak ninpidnak-nen yusu-o. Nit oboksa-ge kat kinggi-nen kwarak ninpidnak-nen yusu-o.

YEREMIA 2:14

”Isarael iri-ge ndegel unpugwi nab-e lag-o. Iri-nen ap ndegel unpugwi nap-nen wigarak na lag-er-o. Alat nde, ar-e noluk-nen at uwim nap enmena kwat yij-o?

YEREMIA 31:9

It tuguruk lobok yogolar-e, yip lengen-e yolo mbosolat irit lobok yogola, an-nen-e inndi yanggunil yanggunil lit unpuruk lobok yimin-o. An-nen wok unpuruk lobok yosolar-e, yi worak nggwe-t inmin lobok yosolat, it unuwok abis pijaksa wosa mbigit lak, konak lobok yurak yamuk tak tu nggwe-t inmin lobok yimin-o. An-e Isarael nap ineid kwat yimin-o. Nde, Eperaim iri-ge an nambara manggiya-nen yusu-o” luk yij-o.

OSEA 11:1

Nagawan Indo-nen yosolar-e: ”Isarael-e marik pem-net an-nen abuwa kaso-o. Nambara iri-ge wene mbo uburuk, Mesira-nen lesa pil lobok yukmu-o.

MALEAKI 1:6

Nde, Nagawan Indo Mondok Amawi worak iri na-nen tepan ombo yak ondosolar-e: ”Li marik-nen na ineidtag-e kek tag-et unpugwi-o. Ndegel unpugwi nap-nen na it onmborag-e kek tag-et unpugwi-t nde, an-e kit kineij-et nde, noluk-nen kir-e kek tak nibili bug-o? An-e kit konmbo-t nde, noluk-nen kir-e an naye kagit lak yili-o? Nde, kit-nen-e kenlengenma nggal tak nobogolar-et nde, kit-nen yogolar-e: ’Nir-e ngge kwarogolat-nen nenlengenma nggal tak kibili-o?” luk kin wok nibili-o.

MATIUS 2:15

iri me worakmu, Erores na wat yij-o. Iri kwat yid iri-ge Nagawan Indo-nen at ene lomboksa yoso nap emndam tak posolar-e: ”Mesira worasoma, an Nambara-ge wene mbo bigi-o” yid iri na ndak tak posolat-nen kwat yij-o.

OROMA 9:4

Nde, it Isarael nap iri na-ge Mbal Pem Nagawan-nen len inpidnak nap-nen yili-o. It iri-ge Mbal Pem Nagawan-nen at ilirak tak unpuruk, at unu kek tak nggal unnu kek tak pij-o. It inmin-e: ”Iri nggal kwat kinpimin-o” yosolat, imiri mbarak pidnak wene na wok ondosolat, mot mot nak Mbal Pem Nagawan erembel wanurak elem mirik onposolat, Mbal Pem Nagawan urul yak indidnak wene na it-nen wanogolat yiga-o.

2 KORINTUS 6:18

An-e kit Kineid yosolat, nde, kir-e an nilirak li ap nde, li kwami nde tugub-o luk Amawi Kwarat worak Nagawan Indo-nen yij-o.”

TUGURUK YIDNAK WENE 32:6

Kit wid, kinndi lak yu-ge wa-e. Kit-nen Nagawan Indo-nen konak kwat kinpidnak iri na onggo at konak kwat obogolar-e, iri kwatli irir-a? Nagawan Indo iri-ge kit Kineid ndak wat kunpuruk, ap enlem misik kwarak kinpid nab-e lag-a?

IBERANI 12:23

Mbal Pem Nagawan ilirak manggu nderak, unnu-ge aid arem mbarak worali nap-nen enalin enalen yuwokluk ndok worogola, kir-e endam wok yigeb-o. Kir-e oboksa enpem wene mbaroso Mbal Pem Nagawan eram wok yogolat, lud tak nak woragwi nap iminep mbarak pidnak inndi endam wok yigeb-o.

YAKOBUS 1:18

At ondomok indi-n pidnak pem-net lud tak nak yoso ene bem-nen-e nit ndak wat nonposolar-e, at-nen ndak worak pidnak tengge oboksa ennggendumu nir-e at indi kundik tak nenpeyekluk, ndak worak ninpij-o.