MBIRIGA WENE 4:18 - Nanduk Ngget Tul Pidnak Wene

¹⁸ Wene iri na yak tosoloma-ge, Musa na-ge abak Yitero iri na ama lobok yarik, abak na yak tosolar-e: ”Nab-o. An-e nowe nowot unluk worali, lak? Are, ngge kwarak worali iniyil Mesira mbirimin yu-ge nunggwirig-o?” luk yak tij-o. Yosoloma, Yitero-nen yosolar-e: ”Nab-o. Kwara-t mbiri-o” yak tij-o.

MBIRIGA WENE 4:18 ပူးပေါင်းရင်းမြစ်များ

NDAK WIRIDNAK WENE 45:3

Nde, Yusup-nen owerak yeba na yak ondosolar-e: ”An-e Yusup iri nar-o. Nde, neid iri na-ge uruk worasu, lak?” yij-et nde, owerak na-ge kwiye kwarat yogola, wene onggo yurag-e mondok meya agaij-o.

2 NAGAWAN NAGAWAN-NEN KWARIDNAK WENE 5:10

Nde, Elisa-nen at ndegel oboso nap misik yak tosolar-e: ”Naman iri-ge yu nggal yak ti-o: ’Nab-o. Kar-e Yi Yareren arem-et mburugundik, tuju bem-et yi ma nggurag-o. Iri kwarosola-ge, ud ereba-ge mondok lak ma-o’ yak ti-o” luk yak tij-o.

2 NAGAWAN NAGAWAN-NEN KWARIDNAK WENE 5:19

Yosoloma, Elisa-nen yosolar-e: ”Kar-e kalen min-et mbiri-o” yak tosoloma-ge, Naman iri na-ge mbirij-o. Nde, Naman iri na nggeret mberamu, marig-et worarug-e,

MBIRIGA WENE 2:21

Nde, Musa na-ge iri me wolmomtak ”Ob-er-o” yosola karug e, Yitero-nen-e ara Sipora na-ge Musa wok tij-o.

MBIRIGA WENE 3:1

Nde, misik tarem-e Musa-ge abak tepan ombo Mirian iri me woraso Yitero owam kambing min lomba min ereba na ndogorosolat woragij-o. Nde, Musa na wam ereba na ndugulug-e ele bem nggal ereba-t ndil lasolar-e, Ndobo Sinai, Mbal Pem Nagawan ondobo iri na me wok yij-o.

LUKAS 7:50

Alat nde, Yesus-nen kwe iri na yak tosolar-e: ”Kat kindi angin tubu yigen iri-nen kimiri yamu me, kindi alen min-et mbiri-o” luk yak tij-o.

YIDNAK YIDNAK WENE 15:36

Nde, siyak worarug-e, Paulus-nen Mbaranabas yak tosolar-e: ”Nit nanduk Nagawan Indo-nen yidnak wene yak indige sa o siri oboksa-ge nennggamirak tak inpidnak nab-e ngge kwarak worali-o luk tuguruk iniyil mburuwog-o” luk yak tij-o.

YIDNAK YIDNAK WENE 16:36

Yogolikma-ge, o kubu me yik karok woraso nap na-nen wene iri lomboksa Paulus yak tosolar-e: ”O yu me nagawan-nen kit wisirik kunpurag-o luk wene pil lobok yidnak me, kir-e yawo mborogolar-e, kinndi yek tag-et mberer-o” luk yak tij-o.

1 TIMOTIUS 6:1

Mbal Pem Nagawan unu min nit-nen mul undugwi aid wene min nggwiyuruwa naru, it mumnggup manggi onnggo pidnak nap pidsa-nen-e it onmborak na kek tak onpogolat wolmag-o.

1 SEMUEL 1:17

Yosoloma, Eli-nen yak tosolar-e: ”Iri ala-ge, Isarael nap-nen erembel wanugwi Mbal Pam Nagawan-nen-e kat nggi yigen irit wok kuruwag-o. Nde, kar-e kindi yamuksa mbiri-o” yak tij-o.