MBIRIGA WENE 4:11 - Nanduk Ngget Tul Pidnak Wene

¹¹ Yosoloma, Nagawan Indo-nen onggo yak tosolar-e: ”Ap enemnde-ge ta-nen ndak woramu-o? Ta-nen eneyanggo lak tak posolat, enne lak tak posolat kwaroso-o? Ta-nen enlengen kuwarak posolat, enlengen ngguru rak posolat yoso-o? Iri-ge Nagawan Indo an-net kwaroso-o.

MBIRIGA WENE 4:11 ပူးပေါင်းရင်းမြစ်များ

NDAK WIRIDNAK WENE 11:7

Anggam-nen anggam ene kulurak meya makluk, nir-e mbulndik, enne nari wari rak puwog-o” luk yiga-o.

NDAK WIRIDNAK WENE 18:14

Nagawan Indo-nen-e kwarugwi buk mende-t nde kwarurag-e meya? Waneya sembilan woraruk, an-e lobok yimin-o luk urul pigi iri tarem-e Sara-ge la li ap mbi ndaguwa-o luk yak kirigi nar-o” luk yak tij-o.

NDAWI ENGGA 146:8

Enlengen ngguru woragwi nab-e enlengen kuwara keya bosola, kona yik kagwi rak onposolat, wosa mbidnak nab-e at-nen mendak onposolat, mot mot woragwi nab-e enabuwa kasolat kwaroso-nen yusu-o.

NDAWI ENGGA 51:15

Nagawan Indo wa-e. An wene yosola-ge, yongga niri-o. Iri yosola, an-e kat kerembel wanimin-o.

NGGOMO WENE 20:12

Neneyanggo iri-ge kulurak amanggim-o. Nde, nenlengen iri-ge kudtak amanggim-o. Mberensa-t Nagawan Indo-nen nak ndak worak pamu-o.

YESAYA 42:7

Kar-e enlengen ngguru enlengen kuwara wok ondosolat, o kubu me woragwi nap wisirik onposolat kwarugun-o.

YESAYA 6:7

kan ngen iri na imin marig-et nemnde bem posolat-nen yosolar-e: ”Kan ngen yu-nen imin marig-et kemnde bem yid iri-nen yawo-ge kat-nen lugud tak kwaroso-ge Nagawan Indo-nen korak posolat, kat-nen meya kwaroso-ge amberam tak pij-o” luk yak nirij-o.

YEREMIA 1:6

Yosoloma, an-nen onggo yak tosolar-e: ”Nagawan Indo Mondok Kek tak wa-e. An-e li awo mendaso me, an-nen wene yurag-e mondok meya-o” luk yigi-o.

YEREMIA 1:9

Iri lug-e, Nagawan Indo inggi mberak parik, nemnde tena buruk-nen yosolar-e: ”Kwara kuluruk, an-nen yusu wene yu ap inmbiri bem yi-o.

YESKIEL 33:22

Nde, at iri na kup lobok yekluk yosola-ge, kubu-ge Nagawan Indo amawi nebem mbosola kagi-o. Nde, ap iri na neram lobok yosola-ge, wene yurak meya woraso iri na-ge wene yoso kwat yigi-o.

AMOS 3:6

Nde, o siri nggok ma woragwi nap-nen-e wim worasola-nen ene rak pugwi mende (terompet) kulurug-et nde, kwiye lak woragwir-a? Nagawan Indo-nen pil lobok yigit lak ma-ge o siri misik ebem lak tak onposo mende mbumomtag-e ndag-er-a?

MATIUS 11:5

Enlengen ngguru nap na enlengen kuwarak posolat, onowak wat yidnak nap na tula nugwi rak onposolat, ndigiril laso mbijap enpem mbidnak nap na ambut tak onposolat, eneyanggo lak nap na wene kologolat, wat yidnak nap na unluk tak posolat, insilobulo lak nap na aid wene yak ondosolat kwarusu-o.

LUKAS 1:20

Alat nde, an-nen yak kurusu yu-ge kwat yurak tarem ndak ala-ge, an-nen yidnak wene yu-ge luj-et ma-t nde, kar-e te rak pusu-o. Te rak pusu me, kene lak yuwama, kene yigit lak woragundik, an-nen tul pusu wene yu kwat yosola-net kene kuwak ma-o” luk yak tij-o.

LUKAS 1:64

Nde, ereya na-net Sakaria na ene kuwak lug-e, Mbal Pem Nagawan erembel wanosolat woragaij-o.

YOANES 10:21

Nde, it erep-nen yogolar-e: ”Kugi enarem nggwidnak nap-nen-e wene iri nggal yugwi bug-o. Enlengen ngguru yidnag-e kugi-nen-e ndak kuwarak poso-a?” luk yiga-o.