MBIRIGA WENE 34:9 - Nanduk Ngget Tul Pidnak Wene

⁹ ”Nagawan Indo wa-e. Kat nde ndemeret kalen nebem poso ala-ge, nab-o. Mondok ninmin mbururak kindi koni-o. Nde, ap enlem yu-ge wene kulugwi buk lem-nen yili-o. Alat nde, nit-nen lugud tak kwarugwi min meya kwarugwi min kamberam tak puruk, nir-e kat kelem nap tag-et nunpurag-o yij-o.

MBIRIGA WENE 34:9 ပူးပေါင်းရင်းမြစ်များ

NDAWI ENGGA 135:4

At-nen-e Yakub-e ondomok amanggim-et lenamu-o. Isarael nab-e at ondomok arengge rak enpamu-o.

NDAWI ENGGA 33:12

Ap enlem mbi-nen: ”Nagawan Indo iri-ge nit Nenmbal Pem Nagawan-nen yusu-o” luk yili nab-e enalen kagolat wolmag-o. At ondomok ilirak tak enpeyekluk len inpidnak nab-e mondok enalen kagolat wolmag-o.

MBIRIGA WENE 19:5

Yawo kit-nen nde pempa an-nen yidnak nak kwarogolat, an-nen urul yak kindidnak iri na-t puksa tena woragola-ge, kir-e an nondomok nilirak tak kinpimin-o. O yu-ge oboksa an narengge-t nde, kir-e narengge nindi kundik kwat yugub-o.

MBIRIGA WENE 32:9

Nde, it ap yu enlem yu-ge inndi-ge mondok kerep nggal-nen yusu-o luk an-e naru-o.

MBIRIGA WENE 33:12

Misik tarem Musa-nen Nagawan Indo yak tosolar-e: ”Nagawan Indo wa-e. Kat nen-e an nimin-e ’Isarael nap yu lit eneyaruk, an-nen urul yak kindigi sa mbiri-o’ yak nurusu-t nde, kat-nen neyasolat, kalen nebem posolat na kwarusu-t nde, an yongga nururak nab-e ’At iri-nen yongga kururak wirik pil lobok yigi iri-o’ luk yak nurusu buk yu-ge ngge-o?

MBIRIGA WENE 34:7

An-nen enabuwa kasolar-e, ap nderak pem lud kwarat enabuwa yosolat, it meya yidnak nemberam tak inpimin-o. Alat nde, meya lugud tak kwatli nab-e mondok abu abu angin worak enpem posolar-e, ineidtak-nen meya yidnak pem-e at ilirak-nen na, oworak omborak-nen na, ap tap kenan pem ala na, tap empat pem ala na, mondok angin worag-et enpem posolat woramin-o” luk yij-o.

MIKA 7:18

Nagawan Indo wa-e. Mbal Pem Nagawan kat nggal misik mbi worasu bug-o. Kat-nen len inpigen kilirak minggirik keya inpidnak ereba na-nen meya kwarugwi-ge kamberam tak poso-o. Kat-nen-e abu abu kisilepma yoso bug-o. Alat nde, kat-nen unpud kaso-ge pok tak poso buk iri na mirik onposolat-nen kwaroso-o.

WONARIDNAK WENE 14:19

Nde, Nagawan Indo wa-e. Yawo-ge kar-e mondok enabuwa kundugu kasolat, kat-nen urul pidnak iri na ndak ndag-et kwarosolat yoso me, kat-nen it Mesira keya bogola kuri-nen it meya yidnak kamberam tak pigen iri nggal-et it meya kwatli-ge kamberam tak pi-o” luk emengen mbarij-o.

MATIUS 28:20

an-nen ’Iri nggal mer-o’ luk yak kindigi wene oboksa-ge it mul ender-o. Yebet yebet tak wolmer-o. An-e pempa-t kit kinmin irit worasoma, woroksiyem wok ma-o” luk yak indij-o.

TUGURUK YIDNAK WENE 32:9

Alat nde, Yakup-nen wigarak yu-ge Nagawan Indo-nen at ondomok amanggim len enpamu-o.

TUGURUK YIDNAK WENE 4:20

kir-e mondok andi bandi kaigep sa Mesira-nen kinmiri luk lobok yid iri-ge yawo kir-e at elem nap worali yu nggal worabokluk, kinmin lobok yij-o.

TUGURUK YIDNAK WENE 9:18

Iri luk, tuguruk ndobo bem lagirik, Nagawan Indo eram iri me tud tak worasolar-e, nunggwi mende min yi min ninggit lak lengge empat pulu, kubu empat pulu irit woragi-o. Iri kwarigi iri-ge kit-nen Nagawan Indo erengen pem meya kwarogolar-e, meya-o luk yik kaso iri na kwarogola, at isilepma yosola-nen kwarigi-o.

TUGURUK YIDNAK WENE 9:26

’Nagawan Indo kek tak wa-e. Kat kamawi kumbunu kwarat pem Mesira-nen wesera wok unpuruk lobok yigen kelem nap yu-ge lak tak unpurak pug-o.

TUGURUK YIDNAK WENE 9:29

Nagawan Indo wa-e. Yu yebet ki-o. It ap enlem yu-ge kat-nen len unpuruk, kat kelem nap tak inpigen-o. Iri rak puruk kamawi kumbunu kwarat puruk, Mesira-nen wok unpuruk lobok yigen-o’ luk tepan yigi-o” yij-o.