MBIRIGA WENE 34:7 - Nanduk Ngget Tul Pidnak Wene

⁷ An-nen enabuwa kasolar-e, ap nderak pem lud kwarat enabuwa yosolat, it meya yidnak nemberam tak inpimin-o. Alat nde, meya lugud tak kwatli nab-e mondok abu abu angin worak enpem posolar-e, ineidtak-nen meya yidnak pem-e at ilirak-nen na, oworak omborak-nen na, ap tap kenan pem ala na, tap empat pem ala na, mondok angin worag-et enpem posolat woramin-o” luk yij-o.

MBIRIGA WENE 34:7 ပူးပေါင်းရင်းမြစ်များ

NDAK WIRIDNAK WENE 19:16

Nde, Lot na-ge indi mberen yosola karuk, aid nap mberen ya na-nen-e enabuwa-nen at ogwe min nde at ararak ndugum mberen ereya na nde ininggi tena buruk, ndemera o siri iri na ombol nggwe inpil mbiriga-o.

1 NAGAWAN NAGAWAN-NEN KWARIDNAK WENE 8:32

Nagawan Indo wa-e. Kat ndegel kubugwi nap enpem wene mbidnag-e kat-nen aid arem-nen kuluruk, ndemeret meya kwaridnak ala-ge, at-nen kwaridnak ndak ndag-et angin worak ebem posolat, nde, meya kwarigit lak ala-ge, keya uburag-o.

NEMIA 1:5

Tepan yosolar-e: ”Nagawan Indo Mbal Pem Nagawan aid arem tena woraso wa-e. Kar-e Mbal Pem Nagawan kek tak me, inndi kwiye min-et keram wok yugwi-o. Kar-e kat kabuwa kagwi nap min kat-nen enpem pidnak kwarugwi nap min inmin-e ’Irit kwat kinpimin-o’ luk urul pidnag-e mborok tak poso buk-nen yusu-o.

NEMIA 9:32

Mbal Pem Nagawan wa-e. Kar-e nit Nenmbal Pem Nagawan kamawi worak-nen yusu-o! Kar-e Mbal Pem Nagawan mondok kek tak kwiye worak-nen yusu-o! Kar-e mondok tugup lag-et kat-nen urul pigen-e puksa tena woralat, kat-nen urul pidnak ereba na-ge ndak ndag-et kwaroso-o. Nde, Asiut nap nagawan nagawan woraiga kuri-nen yawo kuri anggun panggun tak nonpogola, nir-e andi bandi kwarat kagolat worali-o. Iri rak nonpogola-ge, nit-nen idnak nagawan nagawan min tepan ombo min kat kene lomboksa yugwi nap min enne kulugwi nap min iri-nen nonmborak min ap oboksa min oboksa-nen andi bandi rak ninpiga-o. Nde, nit-nen andi bandi kali iri-ge meme rak purak pug-o! Mondok yebet yebet tak wolmin-o!

NDAWI ENGGA 103:3

Kat-nen meya kwaroso oboksa at-nen lak tak pusu-o. Kat-nen kugwi kebem mboso oboksa-ge at-nen ki rak kubusu-o.

NDAWI ENGGA 130:4

Alat nde, kar-e kat kindi aye worak wolmakluk nit meya yidnak kamberam tak poso-nen yusu-o.

NDAWI ENGGA 136:10

Mesira nap enmbararak manggiya oboksa endamu-o. At-nen-e pem kundugu irit enabuwa yoso-nen yusu-o.

NDAWI ENGGA 136:15

Alat nde, Mesira nagawan min at-nen idnak esan ombo ereba na inmin-e yi ma yubuk tak enpamu-o. At-nen-e pem kundugu irit enabuwa yoso-nen yusu-o.

MBIRIGA WENE 23:21

Kir-e kwara yebet karuk, at nen yidnak yidnag-et kwarurag-o. At iri-ge an-nen ibil lobok yimin me, kir-e at imin eyak wururak pug-o. Kit-nen eyak worogola-ge, at-nen-e mondok amberam tak puwa bug-o.

MBIRIGA WENE 23:7

An-nen-e meya kwarugwi nap iri-ge meya-t yik eneyaso me, kir-e kennesiget wene ap enpem purak pug-o. Meya kwarigit lak nap iri na mondok wururak pug-o.

MBIRIGA WENE 33:19

Yosoloma, Nagawan Indo-nen yosolar-e: ”An lobok yosolar-e, an nabinal oboksa ge kat kerare nggwe mborosolat, an nunu mondok marak iri-ge kimbiri bem yil yil mbirimin-o. An-e Nagawan Indo-nen yusu-o. An-nen unpud kaso elem mirik onposolar-e, an-nen mondok len inpimin nap irit enabuwa kamin-o.

MBIRIGA WENE 34:9

”Nagawan Indo wa-e. Kat nde ndemeret kalen nebem poso ala-ge, nab-o. Mondok ninmin mbururak kindi koni-o. Nde, ap enlem yu-ge wene kulugwi buk lem-nen yili-o. Alat nde, nit-nen lugud tak kwarugwi min meya kwarugwi min kamberam tak puruk, nir-e kat kelem nap tag-et nunpurag-o yij-o.

YESAYA 45:21

Kit-nen konowene nam-et nak yak nerer-o. Ndemerer-o luk yurak wene-ge para nam-et nak yer-o. It ereba-ge lambuksa wene mbaruwag-o. Ta-nen nanduk-net wene iri-ge wigarosolat, kenaru rak posolat kwaramu-o? Nagawan Indo an-net kwarukmu-o. Kugwiwak Mbal Pem Nagawan an nggal misik mbi worasu-ge lag-o. An-e mot mot kwarosolat, inmiri yosolat Mbal Pem Nagawan-nen yusu-o. An nggal nin mbi worasu bug-o.

YEREMIA 9:24

Ta-nen nde yi mende ndi mende bem indi kek yurak ala-ge, at-nen an aru yosolat, yebet neyasolat, an-nen pem irit enabuwa kasolat, an-nen mot mor-et ’Iri nggal kwarurag-o’ luk watsa posolat kwaroso wene ereba na bem-net indi kek yosolar-e ob-o. Ereba oboksa kwarogola-ge, an-e nindi alen tak pugub-o.’ Nde, an-e Nagawan Indo-nen yak kindigi-o” luk yij-o.

NDANIEL 9:4

Iri yosolar-e, an nelem nap-nen meya kwarugwi ereba na-ge para Nagawan Indo Nembal Pem Nagawan yak tigi-o. Iri yosolat, an-nen yosolar-e: ”Nagawan Indo kar-e mondok nggok ala karuk, nir-e kat nak kek tak kibili-o. Kat-nen ’Kwat kinpimin-o’ luk urul yak indidnak ereba na-ge ndak ndag-et kwat onposolat, kat kabuwa kagolat, kat-nen it enpem pidnak ereba na ndak ndak kwarogolat yugwi nab-e kat-nen-e pempa enabuwa kaso-o.

NDANIEL 9:9

Nir-e kat kimin wim mbarogola-t nde, kar-e nit nunpud karuk, nit meya yidnak kamberam tak nonposo-nen yusu-o.

MIKA 6:11

Enesiget lugudsa angin ndak wurugwi nab-e an-nen it-nen meya kwarugwi ereba na namberam tak purag-e ndag-a?

MIKA 7:18

Nagawan Indo wa-e. Mbal Pem Nagawan kat nggal misik mbi worasu bug-o. Kat-nen len inpigen kilirak minggirik keya inpidnak ereba na-nen meya kwarugwi-ge kamberam tak poso-o. Kat-nen-e abu abu kisilepma yoso bug-o. Alat nde, kat-nen unpud kaso-ge pok tak poso buk iri na mirik onposolat-nen kwaroso-o.

MATIUS 12:31

Iri bem-e, an-nen yak kendeyeg-o: Ap-nen meya yidnak nde, ap-nen meya wene yidnak nde oboksa Mbal Pem Nagawan-nen amberam tak puwa-t nde, Konak Indi imin meya wene yuwa iri perak nde Mbal Pem Nagawan-nen amberam tak puwa bug-o.

MATIUS 6:12

Ap-nen nit meya rak ninpidnak na nenmberam tak pili nggal, kat-nen na nit meya yidnak kamberam tak pi-o.

LUKAS 7:42

Nde, it enmbereg-e namat iri na uwi yagurak meya alama-ge, at-nen-e mberen nap na yak ondosolar-e: ’Ereba mag-o. Namat iri onggo purag-e lag-o’ luk yak ondosoloma-ge, orol waniga nap ereya-nen-e ta-nen nde ap iri abuwa kwarat kagaid kasu-o?” luk yij-o.

LUKAS 7:48

Yuruk, Yesus-nen kwe na yak tosolar-e: ”Kat meya kwaroso-ge namberam tak pigi-o” luk yak tij-o.

YIDNAK YIDNAK WENE 13:38

Nanggamirak wa-e. Wene yu-ge kenaru mer-o. Ap yu na ebem-e kit meya yogolat woraidnag-e ambaram tak puruk, urugom tak kunpurak wene irit yak kundusu-o.

YIDNAK YIDNAK WENE 5:31

Nde, it Isarael nap na-ge kondok luk, it meya yogolat woraidnak amberam tak paga wok endeyekluk, Mbal Pem Nagawan-nen-e at inggi kigit nggwe-nen Yesus na-ge Nagawan min Inmiri Yoso Nap min tak pij-o.

EPESUS 1:7

Kerisut ebem-nen na, at eyabi wirik pidnak pem-nen na nit nonnggo posolat, nit meya yidnak amberam tak posolat yij-o. Mbal Pem Nagawan-nen we wok ondoso elem iri-ge

EPESUS 4:32

Are, kit na kit-net nanggau kanggau yogolat, kinndi yanggorak wolmer-o. Mbal Pem Nagawan-nen Kerisut ebem kit meya yidnak amberam tak puruk urugom tak kinpid nggal, iri nggal-et kit na kit-net meya rak kinpidnak ala-ge, ”Ob-o. Ereba mag-o” luk yanggosa keya burag-o.

TUGURUK YIDNAK WENE 32:35

Nagawan Indo-nen onggo posolar-e, mondok angin worak mende enpem puwa-o. It wosa mburak tarem panggo yosolar-e, it yigisa keya unpurak tarem yanem-et wok ma-o.

TUGURUK YIDNAK WENE 7:10

Alat nde, ap at insili rak ibili nap lak tak unpurak pem-e indi tusuruk kwaruwa bug-o.

TUGURUK YIDNAK WENE 7:9

Nde, Nagawan Indo kit Kenmbal Pem Nagawan iri-ge Mbal Pem Nagawan misiget nak, ar-e pempa mot mot lud tak nak kwaroso-nen yusu-o luk yebet ker-o. Nagawan Indo-nen at-nen urul pidnak iri na ndak ndak tak posolar-e, at abuwa kagolat, at-nen enpem pidnak wene ereba na kwatli nap enabuwa kasolar-e, ap tap seribu-t (1.000) enabuwa kasolat wolma-o.

IBERANI 12:29

Nde, nit Nenmbal Pem Nagawan iri-ge lak tak poso kanduk-nen yusu-o.

YOSUA 24:19

Yogolikma, Yosua-nen yosolar-e: ”Alat nde, ar-e Nagawan Indo Mbal Pem Nagawan mondok marak nak woraso me, kit-nen at ndegel uburag-e mondok kenpam-e lag-o. Kit-nen mbal pem nagawan nin erembel wanogola-ge, ar-e erengen ale yoso-o. Nde, kit-nen nde at keya uburuk, we kugwiwak ereba na nde ndegel obogola-ge, nandug-e kinmin konag-et woragij-et nde, kit meya yugup iri-ge mondok ambaram tak puwa bug-o. Alat nde, mondok kunduwa-o” luk yak indij-o.

1 YOANES 1:9

Mbal Pem Nagawan-e mot mot nak, ndung tak na kwaroso me, nit-nen meya yidnak para yak togola-ge, nit meya yidnag-e at amberam tak puruk, nit meya yugwi mende pidsa marak nunpuwa-o.

NAM PARA WENE 20:15

Nde, unluk nak wolmomtak engga arem unnu mbarigit lak nab-e kan mare arem mbo inpil nggwij-o.

NAM PARA WENE 21:8

Alat nde, kwiye kagwi nap min inndi angin tubu yugwi buk nap min kwarugwi buk mende kwarugwi nap min ap undugwi nap min terak terak ye unpugwi nap min kwal ombo min kugiwak erembel wanugwi min enesiget yugwi nap oboksa min it ondoro-ge emben worak kule (belerang) laso kan mare arem-nen yusu-o. Nde, iri-ge mberen pem tak posolat wat momtak elem-nen yusu-o” luk yij-o.