MBIRIGA WENE 33:9 - Nanduk Ngget Tul Pidnak Wene

⁹ Nde, Musa na nggosola-ge, nggan nggan lang tak mbi-ge o lije tumende bem mbuwasolar-e, iri me laringsa ndong yosolat, nggan nggan iri na arem-nene Nagawan Indo-nen-e Musa imin wene mbaroso-o.

MBIRIGA WENE 33:9 ပူးပေါင်းရင်းမြစ်များ

NDAK WIRIDNAK WENE 17:22

Nde, Mbal Pem Nagawan-nen wene na abu Abarakam yak turug-e, mbirij-o.

NDAK WIRIDNAK WENE 18:33

Wene Abarakam imin yurug-e, Nagawan Indo na mborosola-ge, Abarakam na-ge tuguruk ama mbirij-o.

MBIRIGA WENE 31:18

Sinai ndobo bem-nen Mbal Pem Nagawan-nen Musa imin wene mbatlug-e, Mbal Pem Nagawan-nen-e kerep abak mberen Mbal Pem Nagawan-nen imiri mbarak pidnak wene mbarak irit Musa wok tij-o.

MBIRIGA WENE 33:10

Nde, it Isarael nap-nen nggan nggan lang tak iri na nde Nagawan Indo uwi lije iri na tumende bem laring tak worala-ge, ir-e ondomok tak unuwi tumende bem lombok-nen entare nggwe yud tud mbugwi-o.

MBIRIGA WENE 33:11

Nde, Nagawan Indo min Musa min-nen wene mbarogolar-e, ap-nen ennggam yik karok-nen wene ndurugwi nggal irit mbarugwi-o. Wene mbatlug-e, Musa na-ge tuguruk o lije worak sa mboroso-o. Alat nde, Musa yongga woroso nap ap sujwe Nun ambara Yosua na ge Nagawan Indo uwi lije ma iri na me-t indiyabu woraso-o.

MBIRIGA WENE 33:8

Nde, Musa nde o lije iri na me mborosoma-ge, Isarael nab-e it unuwi lije tumende bem woragolat-nen Musa nggosola, yik karok woragwi-o.

MBIRIGA WENE 34:3

Ap misiger-o luk tet mondok kimin lorak puk. Ndobo iri eralu nggwe tet mondok wok yurak pug-o. Sapi na irit, lomba na irit, ndobo iri ayo bem tusuangge taruwakluk lerak nak keya burak pug-o” yij-o.

MBIRIGA WENE 34:5

Lasola-ge, Nagawan Indo-ge nggan nggan mbi arem mbuwasolar-e, Musa worasu sa iri na me men luk at unu marak Nagawan Indo iri na yij-o.

MBIRIGA WENE 34:9

”Nagawan Indo wa-e. Kat nde ndemeret kalen nebem poso ala-ge, nab-o. Mondok ninmin mbururak kindi koni-o. Nde, ap enlem yu-ge wene kulugwi buk lem-nen yili-o. Alat nde, nit-nen lugud tak kwarugwi min meya kwarugwi min kamberam tak puruk, nir-e kat kelem nap tag-et nunpurag-o yij-o.

YESKIEL 3:22

Nagawan Indo iri me wok yosolat, at amawi-ge an narem nggosolar-e, at-nen yak norosolar-e: ”Kar-e men luk, mbirik iri nggwe mbiri-o. Iri me-nen an-e kat kimin wene yimin-o” luk yosola, kuligi-o.

WONARIDNAK WENE 11:17

Nde, an-e iri me mbuwamindik, wene mbarul-o. Amawi kat wok kirigi ereba na-ge ereb-e menggesa it enpem pimin-o. Nde, kat karig-et nak angin pangin iri-ge meya-o. Ap kwarat yu ndegel unpurak yabu iri-ge kat yongga korogolat ereb-e it-nen wanurag-o.

TUGURUK YIDNAK WENE 31:14

Imbirig-e, Nagawan Indo-nen Musa yak tosolar-e: ”Kat kuruk wolmomtag-e poro yusu me, Yosua iri wene mbo uburuk, an nuwi lije ma imin lobok yi-o. An-nen at-nen kwarosolat wolmomtak wene mirik ibimin-o yosoloma-ge, Musa min Yosua min-e Nagawan Indo ama mborogola-ge,

TUGURUK YIDNAK WENE 31:15

Nagawan Indo-ge nggan nggan arem it inmbiri bem at uwi lije tumende bem nam yosolar-e,