MBIRIGA WENE 32:7 - Nanduk Ngget Tul Pidnak Wene

⁷ Iri yogola, Mbal Pem Nagawan-nen Musa yak tosolar-e: ”Kar-e ndag-et nak mbi-o. Kat kelem nap Mesira-nen lit unpuruk lobok yigen ereba na-ge meya kwatli-o.

MBIRIGA WENE 32:7 ပူးပေါင်းရင်းမြစ်များ

MBIRIGA WENE 19:24

Yosoloma, Nagawan Indo-nen Musa yak tosolar-e: ”Kar-e mbugundik tuguruk luwasolar-e, Arun min lumer-o. Alat nde, tepan omborak min we nap min-e an neram yu me lobok yuwa naru kuri wosa pidnak ereba-ge mondok kwid turak pug-o. Nde, kwid togola-ge, mondok indimin-o” yak tij-o.

MBIRIGA WENE 32:1

Nde, it Isarael nap-nen-e Musa Sinai ndobo bem lagaid iri na ndag-et mbuwagit lag-et worala karug-e, Isarael nab-e Arun eram ndok worogolat-nen yak togolar-e: ”Mesira-nen lit nunpuruk lobok yid nap Musa na-ge yawo-ge ngge kwat yidnak worasu? Nit nenaru bug-o. Iri ala karuk, yawo nit lit nunpuruk mbururak mbi nenmanggim ndak wiri-o” yak tiga-o.

MBIRIGA WENE 32:11

Yosoloma, Musa nen Nagawan Indo Ambal Pem Nagawan emengen mbarosolat-nen yosolar-e: ”Nagawan Indo wa-e. It yu-ge kat-nen tena unpuruk kinggi amawi bem Mesira-nen inmiri yaga wok unpuruk lobok yigen na-t nde, kar-e noluk-nen iri kwat unpugun-o?

MBIRIGA WENE 32:4

Pil lobok yogola, Arun nen eneyanggo sumbanok emas ereba-n wanarig-e, kan ma woraburuk, yi nggal kwat yosola, sapi nggal ndak wosa labuk yoso sa iri na me pil nggwamu, emas-nen konidnak sapi misik ndak wosa labuk yij-o. Iri ala it-nen yogolar-e: ”Isarael nap wa-e. Yu-ge Mesira-nen lit nunpuruk lobok yid Nenmbal Pem Nagawan-e yur-o” luk yiga-o.

MBIRIGA WENE 33:1

Nagawan Indo-nen Musa yak tosolar-e: ”Yu me keyab buruk, kat-nen Mesira-nen inmin lobok yigen nap iri inmin luk, Abarakam min Isak min Yakup min it-nen wigarak min ’Wok kindimin-o’ luk urul yak indigi sa iri na me mberer-o.

YESAYA 1:4

Meya yugwi nap kenlem kir-e meya nak yebet kagwi nap min meya yugwi nap min-e mondok kenabuwa worag-o! Kit-nen meya kwarugwi elem iri-nen konowak ngga waga mberak kunpuruk worasu-o. Kir-e Nagawan Indo na keya bogolat, Isarael nap Kenmbal Pem Nagawan mondok marak kit-nen erembel wanurak iri na-ge pelek yaga konmbol nggwe rak pigeb-o.

NDANIEL 9:24

Olengen tuju kali tuju pulu ereya worarug-e, Mbal Pem Nagawan-nen kat kelem nap min kuwi siri marak iri min-e yi meya ndi meya kwarugwi min meya kwarugwi elem min arem-nen wesera keya unpurak irit wat tak pidnak worasu-o. Nde, yi meya ndi meya oboksa amberam tak posolat, pempa lud tak mot mot kwarugwi nak nggok tak puwa-o. Iri kwat yosola-ge, kat-nen nabi bem nggal kaigen iri na min ebe-ge iri nggal-nen yusu-o luk yidnak min-e ndak ndak irit kwat ma-o. Iri yosolar-e, Nagawan Indo uwi marak iri na-ge tuguruk Nagawan Indo erembel wanugwi rak puwa-o.

TUGURUK YIDNAK WENE 31:29

An nde wat yumu-ge, it yu-ge meya kwat yogolat an-nen mul undusu wene yeba-ge mondok keya buwa-o luk an-e naru-o. Nagawan Indo-nen ’Kwarurak pug-o’ yak indidnak iri na kwarogola, Nagawan Indo isilepma yosolar-e, ir-e lak tak unpurak mende enpem mberak puwa-o” luk yij-o.

TUGURUK YIDNAK WENE 32:5

Alat nde kir-e lugud tak kwarugwi kenlem-nen yili-o. Kit-nen at elem nap kwat yurak na mondok ndag-e lag-o. Kir-e lugud tak nak kwarugwi min meya kwarugwi min nak kobong tak-nen yili-o.

TUGURUK YIDNAK WENE 4:16

Kir-e ap ala na, kwami ala na, towe ala na, keyane ala na, lok lok noso mende ala na, yi mende ndi mende misiger-o luk tet ut memera ndak wutluk, erembel wanogolat, meya kwarugup naru, mondok ndak wururak pug-o.

TUGURUK YIDNAK WENE 9:12

Wok norosolug-e, Nagawan Indo-nen an yak norosolar-e: ’Kar-e ndag-et nak mbi-o. Kelem nap Mesira-nen wok unpuruk lobok yigen ereba-ge meya nggok mbi kwarigarig-o. An-nen yidnak wene keya buruk, lugud tak nggwe mborogolat, kugwiwak mbi erembel wanurak ndak wirigarik worali-o’ yij-o.

TUGURUK YIDNAK WENE 9:8

Sinai ndobo bem-nen na irit, Nagawan Indo isilepma kwarat tak pogola, at nen kit lak tak kunpurak peragid nar-o.

WENE MBENARUGWI NAP-NEN KWARIDNAK WENE 2:19

Alat nde, lit unpuruk noso nap iri na nde wat yosola-ge, ap it woragit lak ma-nen woraiga enpage-ge konak nggal-et nde, it iri na-nen kwarugwi enpage-ge mondok meya irit woraiga-o. Iri yogolar-e, mbal pem nagawan nin ereba nde ndegel pogolat, erembel wanogolat woraiga-o. It-nen meya kwarugwi ereba na kwaril mborogolar-e, it-nen meya kwarugwi iri na keya buruk nden kudtag-e insili yiga-o.