MBIRIGA WENE 32:5 - Nanduk Ngget Tul Pidnak Wene

⁵ Iri rak purug-e, Arun-nen-e sapi emas-nen ndak wiridnak eralu-ge wam wosa kan purak ondoro kona ndama pil larug-e, at-nen yosolar-e: ”Kub-e Nagawan Indo kek tak pogolat saguwog-o” luk yak indij-o.

MBIRIGA WENE 32:5 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 21:9

Nde, wene ebe mbarij-e yu-o: ” ’Misik tarem-e nunggwi mende ninggit lak, tepan nak yurak pem ap oboksa ndok wururag-o’ luk yak ender-o. Iri yogolat tarem-e Nabot iri-ge ap kek tak-nen koreyak woragwi ondoro iri bem koreyak uburag-o.

MBIRIGA WENE 10:9

Musa-nen onggo yosolar-e: ”Nir-e Nenagawan Indo kek tak pogolat inik inik nggok sagurak me, nit oboksa sujwe min indi worak min, ninlirak oboksa min nonowam lomba min kambing min sapi min oboksa waruk mburul-o” yij-o.

MBIRIGA WENE 12:14

Olengen misik arem tanggal iri wok yosola-ge, pempa ap pem lud woragolar-e, kinndi yebet yebet tak Nagawan Indo an kek tak nobogolar-e sakolat woragup na-e’ yij-o” luk yak indid.

MBIRIGA WENE 17:15

Iri lug-e, Musa-nen Mbal Pem Nagawan amanggim wam wosa kan purak ondoro kona mendaga keya buruk, unu yarosolar-e, ”Nagawan Indo iri-ge an-nen yenggerak purak mende-nen yusu-o (bendera)” luk yarij-o.

MBIRIGA WENE 32:4

Pil lobok yogola, Arun nen eneyanggo sumbanok emas ereba-n wanarig-e, kan ma woraburuk, yi nggal kwat yosola, sapi nggal ndak wosa labuk yoso sa iri na me pil nggwamu, emas-nen konidnak sapi misik ndak wosa labuk yij-o. Iri ala it-nen yogolar-e: ”Isarael nap wa-e. Yu-ge Mesira-nen lit nunpuruk lobok yid Nenmbal Pem Nagawan-e yur-o” luk yiga-o.

MBIRIGA WENE 32:6

Yosoloma, nene luk, kub-e Isarael nab-e usu worak mende erep waruk lobok yogolar-e, wosa kan purak min worogolat, nde, ereb-e at imin kunduwokluk wirigarik, nonggolat, yi nonggolat kwarogoluk, men yogolar-e, kwe lak lak, ap lak lak keyari pogolat woraiga-o.

TEPAN OMBO-NEN KWARURAK WENE 23:2

”Kit Isareal nap-nen an kek tak nobogolat-nen sakwi tarem-e yu nggal kwarurag-o.

TEPAN OMBO-NEN KWARURAK WENE 23:21

Nde, iri tarem-e yabu angin worag-e mondok wanurak pug-o. Are, an nerembel wanurak pem nak ndok wururag-o. Kit-nen kwarogolat wolmomtak kenpem pidnak ereba-ge kit-nen wigarak-nen-e it wolma sa ereba woragolar-e, mondok pem irit tena wolmomtag-o.

TEPAN OMBO-NEN KWARURAK WENE 23:37

Ereba-ge kit tena woragwi wene iri na yebet kagolat-nen kwat tenak wolmomtak, Nagawan Indo-nen watsa puruk oboksa Isarael nap yak undurag-o. Nde, yebet kagwi tarem ereba yebet kagolar-e, Nagawan Indo kek tak purak pem ndok worogolar-e, Nagawan Indo erembel wanogolat, at amanggim pogolar-e, nunggwi mende pogolat, kan pugwi mende pogolat, nggandum mbato mbara pogolat, wosa pugwi mende pogolat, anggut engen amburu pogolat, iri nggal kwarogolar-e, pempa pogolat wolmomtak amanggim min-et purag-o.

TEPAN OMBO-NEN KWARURAK WENE 23:4

Nde, Nagawan Indo-nen sagurak tarem yeba na wat tak pidnak tarem-e ap oboksa yak undurag-o.

1 KORINTUS 5:8

Iri bem-e, nir-e sakwi tarem iri igijak worogolar-e, nanduk-nen lomboroso mende, meya yugwi min uwingga mbarugwi min yidnak lomboroso mende arem pidnak oroti iri imin igijak wururak pug-o. Are, lomboroso mende arem pigit lak oroti, mbek tak pidnak oroti, ndemeret wene bem yidnak oroti iri nak igijak wuruwog-o.

1 SEMUEL 14:35

Iri rak purug-e, Saul-nen Nagawan Indo amanggim wam wosa kan purak ondoro misik konij-o. Nde, iri-ge mondok Saul-nen anggul-et Nagawan Indo amanggim wosa kan purak ondoro konij-e irir-o.