MBIRIGA WENE 32:4 - Nanduk Ngget Tul Pidnak Wene

⁴ Pil lobok yogola, Arun nen eneyanggo sumbanok emas ereba-n wanarig-e, kan ma woraburuk, yi nggal kwat yosola, sapi nggal ndak wosa labuk yoso sa iri na me pil nggwamu, emas-nen konidnak sapi misik ndak wosa labuk yij-o. Iri ala it-nen yogolar-e: ”Isarael nap wa-e. Yu-ge Mesira-nen lit nunpuruk lobok yid Nenmbal Pem Nagawan-e yur-o” luk yiga-o.

MBIRIGA WENE 32:4 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 12:28

Indi iri nggal yebet kasolug-e, at-nen-e sapi mberen emas pem-nen ndak wosa puruk yarik, at-nen Isarael nap yak ondosolar-e: ”Kit Isarael nab-e Nagawan Indo erembel wanurag-e Yerusalem ndak mborogolat woraigeb-o. Yawo-ge kunkugwiwak Mesira-nen lesa wok kunpuruk lobok yid na-ge yar-o” luk yak indij-o.

1 NAGAWAN NAGAWAN-NEN KWARIDNAK WENE 12:32

Iri rak purug-e, Yerobeam-nen-e tepan ombo-ge wam wosa kan posolat wolmomtak Mbetel iri me inpij-o. Nde, at ondomok-nen na sapi ndak wosa pid iri na amanggim wam wosa kan posolat woragij-o. Yewura nap-nen wam wosa Nagawan Indo amanggim kan pogolat nggok sakwi ereba na nggal-et at-nen waneya min tanggal min watsa posolar-e, waneya delapan tanggal lima belas iri bem-e wam wosa kan pogolat nggok sakolat wolmomtag-o luk watsa pij-o. Yosoluk, iri na tarem-et Yerobeam na-ge waneya min tanggal min watsa pid iri na bem at nanduk-nen anggul-et tel korosolar-e, Mbetel mberarik, wam wosa kan pij-o.

NEMIA 9:18

Nde, it nen-e kugwiwak sapi wam ut mimirik ndak worak puruk, it-nen yak kerak mbogolar-e: ’Yu-ge kit Mesira-nen anggun panggun tak konpogola, lesa wok kunpuruk lobok yid Mbal Pem Nagawan iri na-net yusu-o’ luk yiga-o. Nagawan Indo wa-e. Iri-ge kar-et pesel kibiga-o.

MBIRIGA WENE 20:2

”An-e kit anggun panggun tak kunpugwi sa Mesira-nen lesa wok kunpuruk lobok yigi nap Kenmbal Pem Nagawan, Nagawan Indo nen yusu-o.

MBIRIGA WENE 20:23

An worala-t nde, kir-e perak pem emas pem-nen erembel wanurak kugwi nin kondomok kenmanggim ndak wosa purak pug-o.

MBIRIGA WENE 20:4

Kir-e mbal pem woraso mende min nggweyak pem woraso mende min yi nggweyak-urugwe nggwe arem woraso mende min ut memera kondomok kenmanggim ndak wosa purak pug-o.

MBIRIGA WENE 32:1

Nde, it Isarael nap-nen-e Musa Sinai ndobo bem lagaid iri na ndag-et mbuwagit lag-et worala karug-e, Isarael nab-e Arun eram ndok worogolat-nen yak togolar-e: ”Mesira-nen lit nunpuruk lobok yid nap Musa na-ge yawo-ge ngge kwat yidnak worasu? Nit nenaru bug-o. Iri ala karuk, yawo nit lit nunpuruk mbururak mbi nenmanggim ndak wiri-o” yak tiga-o.

MBIRIGA WENE 32:24

an-nen yak ondosolar-e: ’Kir-e kunmuruk pugwi mende emas-nen konidnak ereba ndegera an neram pil lobok yer-o’ yak ondosola-ge, it-nen neram pil lobok yogola, an-nen ndegera kan ma posola, yi nggal kwatluk, sapi yu ndak wosa labuk yij-o” yak tij-o.

MBIRIGA WENE 32:3

Yosoloma, it ondomok tak eneyanggo sumbanok emas ereba na yonggora Arun eram pil lobok yiga-o.

MBIRIGA WENE 32:35

Iri lug-e, it-nen enne amawi bem watsa Arun yak togola, Arun-nen emas-nen konidnak sapi iri ndak wiridnak me, it ap ereba na-ge Nagawan Indo-nen-e lak tak unpurak mende enpem mbarak pij-o.

MBIRIGA WENE 32:5

Iri rak purug-e, Arun-nen-e sapi emas-nen ndak wiridnak eralu-ge wam wosa kan purak ondoro kona ndama pil larug-e, at-nen yosolar-e: ”Kub-e Nagawan Indo kek tak pogolat saguwog-o” luk yak indij-o.

MBIRIGA WENE 32:7

Iri yogola, Mbal Pem Nagawan-nen Musa yak tosolar-e: ”Kar-e ndag-et nak mbi-o. Kat kelem nap Mesira-nen lit unpuruk lobok yigen ereba na-ge meya kwatli-o.

MBIRIGA WENE 32:8

Ir-e an-nen yidnak wene-ge keya buruk, lugud tak nggwe mborogolar-e, emas omok wosa sapi wam mbi ndak wutluk, kek tak pogolar-e, amanggim wam wosa pogolat-nen yogolar-e: ’Yu-ge Mesira-nen lit nunpuruk lobok yid Mbal Pem Nagawan iri nar-o’ luk yili-o.

YESAYA 46:6

Ap-nen-e kot manik wesera keya buruk, ontol emas tol kenangga mberak puruk, ontol perak iri na-ge angin ndak wurugwi mende bem ndak wutluk, angin kagwi-o. Iri rak puruk, emas konoso nap iri na-nen kugwiwak ndak worak unpuwaklug-e, onggo wok tugwi-o. Nde, ndak worak posoma-ge, ndak worak pidnak iri na erembel wanugwi-o.

OSEA 13:2

Nde, yawo-nen na Eperaim nab-e meya nag-et kwat tenak worali-o. It-nen-e perak pem sapi ut mimirik irit erembel wanurak ndak witli-o. Iri ndak witli iri-ge ki nap inndi nggat nggat-nen ndak worogolat, ki nap ininggi-net ndak worak puruk, it-nen yogolar-e: ”Ndak worak pidnak mende yeba amanggim wam wosa purag-o!” luk yili-o. Ki nap-nen sapi marik ut memera ndak wiridnak iri na-ge erabengen porok nili iri-ge kwarugwi bug-et kwatli-o!

YIDNAK YIDNAK WENE 17:29

Nde, nir-e Mbal Pem Nagawan-nen wigal ninpidnak me, nit ninndi-nen peragolar-e, Mbal Pem Nagawan abage-ge emas posid min perak posid min kerep min-nen ap inndi tenggerak pem ininggi-nen konidnak mende ereba ndak ndak-nen yusu-o luk pururak pug-o.

YIDNAK YIDNAK WENE 7:41

Yak turug-e, it ininggi-nen sapi wam kona keya buruk, kugiwak al konidnak mende iri na bem kijik kijak worogolat woraiga-o.

1 KORINTUS 10:7

it erep-nen kugiwak erembel waniga nggal nit-nen na kugiwak erembel wanuwa naru, nggomo nindidnak-nen yusu-o. Engga wene misik-nen yosolar-e: ”It ap iri-ge mburu min yi min norak pem kore luk, nuruk men yogolar-e, enalin enalen yiga-o.”

TUGURUK YIDNAK WENE 9:16

Mbuwasolat-nen yik keneyaginggal-e, kir-e kit-nen erembel wanurak posid logam pem-nen sapi misik ndak wosa pogolar-e, Nagawan Indo Kenmbal Pem Nagawan ene tarogolat, at imin meya nggok kwarogola keneyagi-o.

WENE MBENARUGWI NAP-NEN KWARIDNAK WENE 8:24

Alat nde, abok nggwe-ge Nggireyon-nen yak ondosolar-e: ”Kit-nen wim kugun pem wanidnak emas-nen konidnak eneyanggo sumbanok oboksa an neram nak pil lobok yer-o” luk yak indij-o. (Nde, Mirian nab-e ap nembaga ereba woragwi nap-nen yurugwi nggal emas-nen konidnak eneyanggo sumbanok kwarat puruk woragwi-o.)

WENE MBENARUGWI NAP-NEN KWARIDNAK WENE 8:27

Wok tikma-ge, Nggireyon-nen-e emas ereba na bem kugwiwak ut mimirik misik ndak wosa at uwi silmu Opera iri me pij-o. Ndak wosa bamu Isarael nap oboksa-nen mborogolar-e, kugwiwak ndak worak iri na erembel wanogolat woraiga-o. Iri yogolar-e, Mbal Pem Nagawan-e meme rak piga-o. Iri-nen ndowaga Nggireyon min at ama woragwi inmin-e enare burak irit kwat yij-o.